حد يعرف اسعار الفايبر اوبتيكال ؟

**medo55** · 12-11-2009 04:13 AM

السلام عليكم

كلنا سمعنا عن الفايبر اوبتيكال الي بتنزل للمنازل والي فيها tv و net و telepone

ياريت لو حد يعرف اسعار عنها وعن الشركات الي بتقدمها وسرعاتها واي معلومات عنها

**الغزالى** · 12-11-2009 04:32 AM

معلش لو مفيهاش تتطفل او رخامة ممكن اعرف ية البتاع اللى انت حضرتك بتقول علية دة

**ahmad--ezzat** · 12-11-2009 04:52 AM

المشاركة الأصلية كتبت بواسطة medo55

هو عباره عن كابل الياف ضوئيه بتوصل للمنازل وهي عباره عن الياف ضوئيه , سرعة النت فيها بتوصل ل 70 ميجا في مصر ,, وفي اليابان بتوصل 1 جيجا :d يعني 1000 ميجا في الثانيه

على كده هيبقى اسرع من الكومبيوتر نفسه ودى اعتقد استحاله لان اللى المساحات اكبيره اوى دى اللىبتنزلك من النت بتاخد وقت اكبرعشان تنزل على الجهاز لان الجهاز هيبقى قدرته اضعف من 1000 فى الثانيه زى النت

(حد فهم حاجه هههههه)

**medo55** · 12-11-2009 06:27 AM

ههههههههههههههه ماهو ساعتها هنضطر اننا نحدث اجهزتنا علشان تستحمل السرعات دي :d

بس انت مش هتحتاج انك تنزل حاجه , لانك هتشوف الافلام اون لااين وكمان خدمة ال tvip هتكون متوفره وبدرجة وضوح عاليه جدا HD وتقدر تسجل وتعيد الحاجات الي بتتذاع من خلالها

والحياه هتكون ارخص بكتير من الكابلات النحاسيه .. بس طبعا أكيد هيطبق عليه سياسة الاستخدام الغير عادل من وزارتنا الرشيده :D

**أحمد كمال** · 12-11-2009 11:42 AM

مش هتوصل للسرعة دي لسبب

لان السرعة دي هتبقى بينك و بين مقدم الخدمة

و مقدم الخدمة اصلا ماعندوش سعة في اتصاله بالانترنت بالخارج عشان يديك السرعة دي

غير ان الخدمة دي حاليا طلع بيها تراخيص لشركات عشان تقدمها في التجمعات السكنية المغلقة Compounds بس

يعني لسه و لا شركة خدت الرخصة و لا اتاسست و لا ابتدت تبيع لسه اصلا يعني مفيش خدمة