علشان انت مصرى - اشعر بالاهانة

**aliabutaleb** · 12-11-2009 01:03 PM

فيه حاجات للأسف الواحد مش بيختارها
الجنسية ... الأب ... الأم...
ربنا يصلح بينا جميعاً الحال

**smsm_cato** · 12-11-2009 01:07 PM

ولا يهمك ياباشا اسمع اغنية حسين الجاسمى اسالوا كل الناس من هما اجدع ناس هما المصرين وكتير من المغنيين العرب غنوا لمصر ويمكن كمان غنوا لمصر اكتر محنا غنينا ويكفيك ان برة بردة وده عن تجربة وانا فى السعودية ناس كتير منهم بيحبوا ينزلوا مصر وبيشكروا كتير فى اهلها وكنت بشتغل مع دكتور فى الاعلام واخد الدكتوراة من مصر وعضو فى مجلس الشورى عندهم وراجل واصل وكان صاحب قناة الناس ياما شكرلى فى مصر وناسها حتى كان بيقولى عندة بيت فى اسبانيا ومصر الاولاد عندة دايما يطلبوا ينزلوا مصر مش اسبانيا ويكفى ان معظم العرب لما بيحب يتعلم صح وياخد شهادة يفتخر بيها بيجى مصر وزويل مهو مصر ونجيب محفوظ مهو مصرى وغيرهم كتير من اللى سايبين بصمات فى العالم كله واكبر حضارة فى العالم فى مصر وكنت قريت فى النت عن باحث حلل جميع دول العالم والبلد اللى لفتت نظرة هيا مصر وقال خيرها مبيخلصش انا طولت عليك بس حسيت باللى انت قولته وحبيت احسسك ان احنا كبار قوى ويا خى اتفرج على معركة اكتوبر الحقيقة فى تصويرات الارشيف عندنا هتلاقى اسود كانت بتهجم وكلمة الله اكبر فى بقهم خوفت الاسرائيلين واخيرا هختم بكلام ربنا لما قال ادخلوها بسلام امينين

**محمد عز** · 12-11-2009 01:34 PM

وياخد شهادة يفتخر بيها بيجى مصر

اعذرنى ، الكلام ده مش دقيق

اغلب الخليج حاليا بقا عندهم جامعات وفيه فروع لاحسن الجامعات فى العالم

اللى بيجى مصر حاليا اليمنيين

**نور القمر** · 12-11-2009 01:34 PM

المشاركة الأصلية كتبت بواسطة eng.octooo

كلامك جميل بس برضة انتى شوفى العرب لما ييجوا مصر هاتلاقى المصريين(مش كلهم) بيعاملوهم على اساس انهم اسياد (علشان هايدفعوا زيادة) وطبعا هما بيحسوا اننا عبيد عندهم وبرضة احنا السبب لو كل واحد احترم ضميرة هانبقى احنا التوب بس المشكلة اننا عاوزين قرووووون من الزمان علشان نشيل الصورة عن المصريين

مهي دي المشكلة
اللي يعاملهم على انهم اسياد عاملوه على انه عبد
واللي يعاملهم بلاش اقول سيدهم هقول عاملهم ند بند احترموه غصبا عن بوزهم

انا في شغلي اتعاملت مع شيخة من دولة خليجية ابنة عم رئيس دولتها وزوجها ابن عمه وشغال وزير
والله العظيم هي مرة واحدة كلمتني بعصبية طبعا العرق الصعيدي نفر ورديت عليها بعصبية اكتر وبطريقة جافة من بعدها اتعدلت معايا في الكلام ولازم كلمة حبيبتي كل شوية وسط الكلام هههههههههههه عشان تظهر حسن النوايا
انا متضايقتش غير من حاجة واحدة اني عرفت بعد كدة انها ست كبيرة اد ماما
حتى في تعاملتنا المادية كانت بتفضل تبعت الفلوس مع زوجها لانه كل يوم والتاني في مصر
اول مرة قالي اروح الفندق اخد الفلوس قلت له بنبرة حادة انا مبروحش للعملاء استلم الفلوس بنفسي انت ابعتها مع السواق او اي حد
من بعد الموقف ده عرف هو بيتعامل مع مين

**eng.octooo** · 12-11-2009 03:16 PM

طبعا العرق الصعيدي نفر

ههههههههههههههههه حلو العرق الصعيدى دى ههههههههه

بس كويس انك وقفتيها عند حدودها ويارب كل المصريين يتعاملوا بالطريقة دى مع الى ميقدرهمش

**sarah5** · 12-11-2009 03:39 PM

انا فخورة اني مصرية وهفضل فخورة مهما قالولي او قالوا عني والمفروض محدش فينا يتأثر بأي كلام
يعني حضرتك يا استاذ محمد ولا يهمك لأن طالما انت انسان كويس ومحترم يبقي خلاص وصدقني قيمتك مع الوقت هتظهر ولو حاسس ان نفسيتك هتتأثر اوي من المعاملة هناك يبقي خليك في بلدك واستحملها اهون من الغربة
انا اهم مبادئ الحياه عندي ان طالما انا شخص محترم وكويس يبقي محدش يهمني ولا اي ظروف هتأثر فيا

**elassar2010** · 12-11-2009 03:51 PM

المشاركة الأصلية كتبت بواسطة zaza_lanos

لو لم اكن مصرياً
كونت هبقى فى منتهى السعادة

دة كنت هرتااااااااااح نفسيا

**horas3000** · 12-11-2009 04:15 PM

المشاركة الأصلية كتبت بواسطة نور القمر

للاسف الصورة السيئة للمصريين في الخارج سببها القلة من المصريين وسبب اخر لها هو الاعلام والافلام الهابطة والمتدنية والبذيئة
منهم لله شوهوا صورة المصريين خصوصا في الدول الخليجية

حضرتك جبتي من الاخر
بس انا معترض علي كلمة قلة دي. المشكلة ان الاغلبية من المصريين في الخارج بيعكسوا نفس الصورة. للاسف معظم المصريين اللي في الغربة بتصرف كانة طالع اعارة كلها كام سنة يعمل قرشين حلوين و يرجع مصر تاني و طبعا تلاقيه بيعمل المستحيل عشان يعمل اكبر مبلغ يقدر عليه و ده بالتاكيد بيكون علي حساب حاجات تانية زي منظرة العام و اسلوب حياتة و طريقة تعاملة مع الغير. وللاسف بينتهي بيه المطاف انه يعيش برة طول عمرة لكن للاسف بنفس الطريقة. و صدقوني ده اكتر حاجة بتخلي اهل البلاد ده يكرهونا لانهم بيحسوا ان احنا جايين ننهبهم و نمشي غير طبعا ان الفكر ده بيخلي المصري يخاف اكتر علي شغلة (اكل عيشة) فطبعا تلاقيه بيقول حاضر و طيب و نعم و ميقدرش يعترض علي كلام مدرائة و لا يكسرلهم كلمة و في الاخر يجي من ورا ضهرهم و هاتك يا سب و لعن و دول مبيفهموش و فاكر ان الكلام ده مبيوصلش.
الحاجة التانية و اللي فعلا مجناني طريقة تعامل المصريين مع بعض. مش عارف ليه بنكره بعض و مبنحبش الخير لبعض. يا ويله يا سواد ليلة اللي بيبقي فوقيه في الشغل واحد مصري. هيكره في عيشتة و يسودله حياتة و تلاقي ضرب الاسافين للصبح. و طبعا لما الجنسيات التانية بيشوفوا احنا بنعمل ايه في بعض اكيد هيعاملوا معانا بشكل تاني.

هي ده للاسف الصورة المعكوسة عنا بره و ده بينعكس علي طريقة تعامل الناس معانا.

يا ريت كل واحد يبتدي بنفسه و يخلي تصرفاتك هي اللي تحكم طريقة تعامل الناس معاه لان و عن تجرية لما بترويهم ان عينك مليانة و انك متربي كويس طريقتهم بتتغير 180 درجة