علشان انت مصرى - اشعر بالاهانة
اشعر بحزن شديد وحسرة ومرارة
اليوم تعرضت لموقف مخزى جدا
تشاء الأقدار انى انقل عملى من شركتى الحالية الى جهة حكومية فى أبوظبي
والان انا فى مرحلة الانتقال من تخليص اوراق ونقل الاقامة من الشركة السابقة الى المؤسسة الحالية
وكنت عاوز اخلص الاجراءات بسرعه لظروف خاصة
قال لى الموظف المختص الاجراء الطبيعى عند عمل اقامة جديدة هو الحصول على موافقة امنية
قلت شىء طبيعى
قالى علشان انت مصرى هتاخد وقت أطول وحسيت من مقولته ان مصرى ده شتيمة
انا سمعت ده والدنيا لفت بيا ، حسيت انى محتقر او شخص يحمل جنسية بلا قيمة
مش عارف اقدرت مشى ازاى لحد المكتب
ده الموقف الشخصى اللى حصلى
الموقف الاخر حصل لزميل ليا وهو ان ابنه اصيب بمرض خطير (اللهم عافى مرضانا ومرضى المسلمين أجمعين)
وكان احسن مكان للعلاج هو المانيا وبالفعل ذهب للحصول على التاشيرة واللى عرفه ان مصر والمواطنين المصريين ضمن بلاك ليست مع بعض الدول زى افغانستان وباكستان
وعلشان ياخد التاشيرة هياخد برده وقت طويل والعمليه مش سهلة
الحقيقة انا محبط جدا ، حاسس انى مسلوب الكرامه
وذهنى بيدور فيه فكره واحدة ليه احنا بقينا كده
مين السبب ؟؟؟؟
قلت افضفض معاكوا لانى مخنوق جدا