سؤال فعلا عارف انه غبى وأ تأسف للوجان 2010

عرض للطباعة

12-11-2009, 07:17 AM
shezo_egyption

سؤال فعلا عارف انه غبى وأ تأسف للوجان 2010

انا اسف جدا على السؤال ده بس انا فعلا جديد فى السواقه والسؤال ده يخص الديناميكيه فى السواقه

لانه بيعمل معايه احراج ومشاكل كتير

السؤال

لو انا وقفت على مزلقان بيحصل الاتى اما اجى اطلع بالعربيه تفضل ترد بيه للخلف يعنى ممكن اشيل واحد ورايه او انى بدوس بنزين فالعربيه طبعا ماتورها بياكل فى بعضه وممكن تطلع منى مره واحده فتوقف واضطر اشغلها تانى وبعدى مواله المزلاقانات دى باعجوبه

بس طبعا على حساب ان الماتور بياكل فى بعضه لانى على اما بسيب فرامل العربيه بترد اضطر اضغط بنزين جامد وانتم عرفين الى بيحصل _ العربيه رينو لوجان 2010 _

هل لو انا مسكت فرامل يد واديت للعربيه الاول ولما تتحرك العربيه انزل فرامل اليد ولا ده غلط على العربيه

انا بلاقى ناس كلها طلعه من الثبات للحركه بكل نعومه وسهوله

اسف جداااااااااااا على السؤال ده بس ياريت حد بيعرف يسوق يقول على الطريقه الصح
12-11-2009, 07:30 AM
Egyzizo

السؤال مش غبى ولا حاجة ، ودى مشكلة بتواجه كل اللى بيسوقوا حديثاً

تمام كده لما تقف على مطلع ارفع فرامل اليد ومور ..
ولما تيجى تطلع ادى الأول وابدأ اطلع الأول (دوس بنزين خفيف وخف دبرياش) ثم نزل فرامل اليد بالتدريج مع زيادة البنزين.
لو نزلت فرامل اليد بمجرد ما صوت البنزين يعلى شوية هتلاقيها طلعت معاك بسلاسة.
12-11-2009, 08:22 AM
أبو أدم

تمام كدة يا باشا ...خليك مع فرامل اليد شوية ....

وبعد ين لو عايز تتعود انك تدوس فرامل رجل فقط وبعدين ترفع رجلك من على الدبرياج براحة لحد لما تحس بعزم العربية ( عايزه تتحرك ) ارفع رجلك من على الفرامل ...وما تشلش رجلك من على الدبرياج لحد لما تحط رجلك على البنزين .. وعلى العموم الدبرياج ها يطلعها او يوقفها شوية لو المطلع حاد ...
انا بردة تعبنى الموضوع دة ...فجرب الطريقتين ...واللى يمشى معاك....
واللوجان هاتساعدك فى دة اوي لان الدبرياج بتاعها قوي
12-11-2009, 11:47 AM
أحمد كمال

و المزلقان يعمل كده ليه؟؟؟ و لا قصد حضرتك مطلع؟
12-11-2009, 04:39 PM
josephedward

اقتباس:

المشاركة الأصلية كتبت بواسطة architect_a

تمام كدة يا باشا ...خليك مع فرامل اليد شوية ....

وبعد ين لو عايز تتعود انك تدوس فرامل رجل فقط وبعدين ترفع رجلك من على الدبرياج براحة لحد لما تحس بعزم العربية ( عايزه تتحرك ) ارفع رجلك من على الفرامل ...وما تشلش رجلك من على الدبرياج لحد لما تحط رجلك على البنزين .. وعلى العموم الدبرياج ها يطلعها او يوقفها شوية لو المطلع حاد ...
انا بردة تعبنى الموضوع دة ...فجرب الطريقتين ...واللى يمشى معاك....
واللوجان هاتساعدك فى دة اوي لان الدبرياج بتاعها قوي

انا باعمل الإتنين... بس على حسب المو قف... يعني لو مطلع والعربيات بتقف و تمشي على طول، ممكن اقضيها دبرياج وفرامل. لكن لو الموضوع فيه لطعة، فرامل اليد أسهل...
12-11-2009, 04:49 PM
أبو أدم

اقتباس:

المشاركة الأصلية كتبت بواسطة أحمد كمال

و المزلقان يعمل كده ليه؟؟؟ و لا قصد حضرتك مطلع؟

هو قصده مطلع فعلا
12-11-2009, 09:43 PM
shezo_egyption

ايوه انا اقصد مطلع

وانا بشكركم جدا جدا وربنا يكرمكم على زوقكم فى الرد

الف شكر
13-11-2009, 03:11 PM
abdulmageed

اقتباس:

المشاركة الأصلية كتبت بواسطة architect_a

تمام كدة يا باشا ...خليك مع فرامل اليد شوية ....

وبعد ين لو عايز تتعود انك تدوس فرامل رجل فقط وبعدين ترفع رجلك من على الدبرياج براحة لحد لما تحس بعزم العربية ( عايزه تتحرك ) ارفع رجلك من على الفرامل ...وما تشلش رجلك من على الدبرياج لحد لما تحط رجلك على البنزين .. وعلى العموم الدبرياج ها يطلعها او يوقفها شوية لو المطلع حاد ...
انا بردة تعبنى الموضوع دة ...فجرب الطريقتين ...واللى يمشى معاك....
واللوجان هاتساعدك فى دة اوي لان الدبرياج بتاعها قوي

بس كده هتحمل على اسطوانة الدبرياج ولا انا غلطان؟؟
13-11-2009, 04:33 PM
أبو أدم

اقتباس:

المشاركة الأصلية كتبت بواسطة abdulmageed

بس كده هتحمل على اسطوانة الدبرياج ولا انا غلطان؟؟

نعم ... الكلام دة صح لو هاتحرك او هاطلع بالدبرياج فقط ... لكن المقصود انها تثبت العربية ثوانى فقط لحد لما يدوس بنزين .... دة طريقة فى الانجاز لما يبقى الكبرى او المطلع سالك....غبر كدة بفرامل اليد ( طريقة الباشاوات ) زي الميكانيكية لما بيقولوا....
23-11-2009, 09:03 PM
zkralla

فرامل اليد الحل الاسهل