شكرا على ردك الجميل ، ويا رب دائما يجعلنا سبب في افادة اخواننا
عرض للطباعة
أنا معرفش البطارية أخبره إيه فالضمان بس الكوتش أنا عندي ضمان معه فالعربية (أنا عربيتي وكيل مش عرف إيه نظام الخليجي) بتاع الكوتش ودة ضد عيوب الصناعة وكلم دة هو صحيح international warranty بس المفروض ينفع في مصر عند وكيل كومهو في شبرا
شكراً
ولا دة ولا دة! المشكلة في بلدك.. كمية النقر و البلاعات و الحفر.. مرة واحدة علي سرعة مع الأحتكاك الجامد في جنط 17 اللي هو مفيش مسافة بينة و بين الأرض و بالتالي مش بياخد و يدي في الصدمات مع الكاوتش فا بالتالي هو اللي بياخد كل الصدمات بطريقة مباشرة و مع الوقت بيتأثر.
هو ثبات غير طبيعي بس لازم تواكب الحياة اللي قدامك!
انا لو مكانك مش همشى من هناك غير لما يغيروه
و هصعد الموضوع لأعلى المستويات
و هشتكى لحمايه المستهلك
هقلب الدنيا
اتصل ب 19588 دا رقم جمعية حماية المستهلك و دول ناس جد و مش بيتهاونوا .. قول لهم شكواك و ان شاع الله حايخربوا لك بيت الوكيل ده .. لان فى فترة الضمان كل حاجة مسؤله من الوكالة .. وياريت كلنا نعمل كده علشان موضوع النصب و الاستنطاع ذاد قوى .. لأن الوكلاء و التجار فاكريين ان ماحدش ممكن يوقفهم عند حدهم او يردعهم.. كله ماشى بنظام ..you do not have to like it to love it
مع احترامى للاخ صاحب الموضوع ... بس فعلا الكاوتش بيعتبر من المستهلكات ومابيتغيرش فى الضمان لاى سبب من الاسباب وده فى كل توكيلات البلد اللى عايشين فيها دى
المره الوحيده اللى حصل فيها موضوع مشابه عندما قام احد عملاء بى ام دبليو داخل مصر برفع قضيه على التوكيل علشان عربيته الفئه الخامسه كاوتشاتها الاربعه انفجرت فى نفس الوقت بعد ما اخد مطب على سرعه 30 كم فحكم القاضى له بتعويض كبير
يا جماعة كلام ده صحيح اخر حاجة وانا عملت بالعريبة 25000كيلو ومعايا العربية من 10 شهور - ومنذ شهريين العجلة الامامية يمين طلعت بلونة واسمها الدارج " بيضة" والوقتى الاربعة عجلات فيهم نفس العيب حتى الاستبن فيه البلونة دى وكلمت التوكيل وقال نفس الكلام - بس ان شاء الله هروح بكرة لتوكيل العجل كومهو - وان شاء الله هغير كل العجل دة حتى لو عملت مشكلة لوكيل العجل وتوكيل كيا - وهوصلها لحماية المستهلك انتو تعرفو ان العجل بيتغير على 50الف كيلو او اكثر شوية بلس ان العربية لثة جديدة - انا كتبت تعليقى علشان نكون ناس ايجابيين ومش سلبيين - ياجماعة انا عرف اية دور الوكيل بالظبط - الدور الاساسى انه يشيل عن الشركة الام كل شىء واهم شىء المشاكل الخاصة بالعملاء بنظير نسبة كويسة جدا جدا
هو موضوع حظوظ يعني ممكن نقرة شديدة متعملش حاجة و ممكن واحدة اختها مع واحد تاني تعمل حاجة! و بردة علي حسب الطرق اللي بتمشي فيها و علي حسب درجة اليقظة بتاعتك في تفادي البلاعات و النقر علي سرعة شبة عالية و علي حسب بتظبط هواء بأستمرار ولا لا, يعني في عوامل كتير بس عموما الحرص مطلوب.