بصراحه و بدون ما حد يزعل منى
انا قرفت من اللى بيحصل
و نفسى مصر تخرج و تتغلب " و هذا ما اتوقعه"
لأن لو حصل و كسبنا
هاندخل فى قصه تانيه هيبرتها اشد و اشد
من اول اذاعة اغانى يا حبيبتى يا مصر الى عملوها الرجاله و هتتذاع ليل و نهار
و حوارات صحفيه مع اللاعبين
غير الفلوس اللى هاتترش زى الملح و مايبانش
و غير الفلوس التانيه لتجهيز الفريق لكأس العالم
باختصار هاتبقى حاجه ليها العجب
انا عارف ان الكورة تسعد ملايين و ملايين
انما لما تلاقى عربيتك مطبقه من ناس طلعت تغنى و ترقص على كبوتها اكيد مش هاتفرح
لما تلاقى ناس مطحونه و مقفول عليهم الاستاد من قبل الماتش بكذا ساعه و ناس تانيه واقفه طابور طوييييل علشان اقل شئ تجود به الدنيا عليهم
هل السعاده فى هذا
هل ناطحنا الامم من المكسيك و انت نازل
الرياضه ليست كل هذا
ما يحدث و السعاده المزعومه من وجهة نظرى هى جرعة
افيون
--
سؤال صغير للأخوة اللى عايشين برة و على سبيل المثال المانيا
هل لما المانيا بتفوز على لوكسمبورج او حتى انجلترا و تروح كأس العالم
بيذيعوا اغنيه
عاش الشعب الالمانى
اللى مالوش مثال تانى
عاش و كلنا وراه
من اول دريسدن الى شتوتجارت و اللى وراه
و عملها بيرهوف و قادهم كلينسمان
و تحيه للقيصر يخليه لينا كمان و كمان
عاش الشعب الالمانى
ابشن دبشن باخ مونباخ
المفضلات