عشان ماحدش يدعي علي العريس و العروسة بخراب جوازهم

**sarah5** · 12-11-2009 03:43 PM

فعلا معاك حق حاجة صعبة جدا ومبالغ فيها وساعات تلاقي الموتوسكلات والمكيروباصات مشاركة معاهم لسة كان في زفة قريب وحظي اني كنت ماشية جمبها تقريبا كانوا ماشين فوق عربيتي والاصعب انك تحاول تبعدهم وتديهم كلاكسات يرخموا اكتر سلوك سئ جدا

**zaza_lanos** · 12-11-2009 04:00 PM

المشاركة الأصلية كتبت بواسطة demos70

كلام سليم جدا. لكنك نسيت أن الأغلبيه من الناس تمتاز بالأنانيه و مبدأ "عربيتي و بس" ده غير حبهم للفوضى التي تبدأ من الصغر نتيجة الكبت. ففي المدارس مثلا كنت أعجب من ظاهرة مجرد خروج المدرس أو المدرسه من الفصل التلاميذ كلها تبدأ بثورة فوضى من طبل و رقص و حذف طائرات ورقيه...إلخ. و الطبع يغلب التطبع. لذا أرى أنه أفضل رد فعل لتلك الزفات السخيفه هو ما أفعله دائما و ينجح معي:
بشوف الزفه أمامي و أبدأ بكلاكسات متواصله لمجاملة العروسين و أدوس بنزين على الأخر و أدخل في العربيات بجنون فيفتكروا إني تبع الزفه و متحمس جدا فيفسحوا الطريق بإعجاب للمتحمس المجنون. و بعد مبعدي يا إما بطير في سكون أو أدي الكلاكس الأبيح إياه مع فلاشر حسب سخافة الزفه و مدى تعطيلها للمرور.
و في هذا الزمان لا داعي للدعاء على العروسين لأنهم كده كده داخلين على مشروع فاشل سينتهي إما بالطلاق أو بالفشل مع الحفاظ بالشكل الإجتماعي "قال يعني متجوزين".

كلام الناس العقلين

**الغزالى** · 12-11-2009 04:09 PM

المشاركة الأصلية كتبت بواسطة Hegazio

يا جماعة في الأفراح المصرية مشهور عنها عمل زفة بالعربيات

و تلاقي بقي حاجة غريبة جدا ..

يقفلو الشارع بالعربيات و ينزلو يلفو حوالين عربية العرايس

يقعدوا يمشوا زجزاج عشان ماحدش يعدي خالص

يمشوا بعرض الشارع بسرعة 20 و الشارع يضرب يقلب وراهم

ماحدش فكر في دعوات الناس اللي مزنوقة بدل ما تقول ربنا يبارك لهم .. ربنا يخرب بيتهم و قريب يطلقو قادر يا كريم !!
ماحدش فكر في حد مستعجل يلحق يودي مراته المستشفي عشان بتولد؟
أو جايب دوا يلحق بيه مريض ؟
أو رايح يلحق يشوف أبوه و هو بينازع الموت ؟

نداء لكل من يملك سيارة و يشارك في زفة .. افسحو الطريق للناس
و اتقوا شر دعوة من يظلم بسبب الزفة

شكلك كدة اتنزقف ورا زفة ووقفت حبة محترمين

بس فى الاخر الناس بتقولك لية لما حد يروح يكلمهم يلا سيبهم يفروحوا شوية اهى ليلة وهاتعدى ماتيجى تشرب حاجى يعنى ااقلب بس بالزوق واه يا شعب تيت

**Hegazio** · 12-11-2009 04:27 PM

المشاركة الأصلية كتبت بواسطة mgazaly

شكلك كدة اتنزقف ورا زفة ووقفت حبة محترمين :u_thin1[1]:
بس فى الاخر الناس بتقولك لية لما حد يروح يكلمهم يلا سيبهم يفروحوا شوية اهى ليلة وهاتعدى ماتيجى تشرب حاجى يعنى ااقلب بس بالزوق واه يا شعب تيت:n_no[1]:

هو الكلام مش فاهمه قوي بس شكرا يافندم

**الغزالى** · 12-11-2009 04:39 PM

ابسطهالك
معلش انا الى استغبيت شوية انا بئولك ان حضرتك منزرزفز عشان شلكلك اتحيط فى الموقف دة انك توقف ورا زفو فترة كبيرة يعنى
وبعد كدة علقت على الموضوع بانك لما تروح تكلمهم يئولك سيبهم يفرحوا دة يوم ويعدى وعقثبال عندكم ما تيجى تشرب حاجة اوتنورنا شويه يعنى يزحلئق بالزوق
اتمنا قصدى يكون وصل لحضرتك انا اسمى محمد بلاش افندم والكلام دة خليها كدة على الله

**A.Saad** · 12-11-2009 08:38 PM

على فكرة انا من الناس اللى بيدعوا

**M.Osman** · 12-11-2009 09:14 PM

على فكرة.. الموضوع دا في محله فعلاً

و أنا فعلاً لما بيحصل و ببقى مش عارف اعدي من زفة بقعد ادعى عليهم !!

و يا سلام بقى لو حد عمال يلف تحت البيت بطقم الصوت بتاعه ايام المذاكرة.. بستلمه كويس اوي...

**kasten** · 12-11-2009 09:24 PM

دى عاده من عادات كتير متخلفه
محتاج خمسين منتدى عشان تكتب عن العادات السيئه وصدقنى مش هيكفوا ولا انت هتلاقى وقت عشان تكتب

-

الموضوع: عشان ماحدش يدعي علي العريس و العروسة بخراب جوازهم

LinkBack

أدوات الموضوع

عرض

-

-

-

-

-

المواضيع المتشابهه

العريس الفقري ....!!!!

تعالو يافياتوية وتعالي يايوكو شوف تجربتي المريرة في البونتو واللي خلصتها بخراب جيوبي

وبعد طول انتظار العريس التيك اواى

ايا من يدعي الفهم

الى من يدعي زيادة استهلاك الساجا الغير طبيعي ..

الكلمات الدلالية لهذا الموضوع

المفضلات

المفضلات

ضوابط المشاركة