نداء الى الساده المقيمين فى مدينه 6 اكتوبر

اخوكم ان شاء الله قريب هيبقى جاركم فى مدينه 6 اكتوبر وكنت عاوز اعرف اذا كان فيه شركات نقل موبيليا بين المحافظات فى 6 اكتوبر علشان ان شاء الله ناوى انقل العفش كله من المنصوره الى 6 اكتوبر وياريت اللى عنده اى خبره سابقه فى موضوع نقل الموبيليا ده يقولى عليها علشان انا حاسس انه موااااااااااااااااااااال طووووووووويل ومتعب قوى :mahf(5):وياريت اذا امكن عاوز كمان عناوين ميكانيكيه وكهربائيه للعربيه علشان لا قدر الله لو حصل اى عطل مفاجىء ابقى اروحله لان كل تعاملاتى مع صنايعيه المنصوره وهيبقى صعب طبعا بعد النقل انى اروح المنصوره علشان اضبط العربيه :36_1_1[1]:

حضرتك تنورنا انا اقول ان الاحسن انك تجيب عربيات نقل العفش من دمياط جنبك لانهم بيكون عندهم خبرة اكتر فى نقل الموبيليا
وموضوع الصنايعية دة خلية شوية لما تيجى وتعرف ناس معاهم زى عربيتك وتعرف تجاربهم مع الميكانيكة .....امممممممممم
واكتوبر هاتنور بحضرتك حضرتك هاتبقى فى اى حى ؟؟

اقتباس:

---

المشاركة الأصلية كتبت بواسطة eng.octooo

حضرتك تنورنا انا اقول ان الاحسن انك تجيب عربيات نقل العفش من دمياط جنبك لانهم بيكون عندهم خبرة اكتر فى نقل الموبيليا
وموضوع الصنايعية دة خلية شوية لما تيجى وتعرف ناس معاهم زى عربيتك وتعرف تجاربهم مع الميكانيكة .....امممممممممم
واكتوبر هاتنور بحضرتك حضرتك هاتبقى فى اى حى ؟؟

---

شكر يا مستر اوكتو على الرد واكتوبر منوره بأهلها .. ان شاء الله هبقى فى الحى الخامس

ربنا يديلك خير البيت الجديد ويبعد عنك شرة


انا ساكن فى الحى الثالث قريب اوى من حضرتك ان شاء الله تنورنا قريب

بعد اذن صاحب الموضوع لية استفسار
هل السكن فى 6 اكتوبر مريح ولا هفتقد السكن فى العاصمة
يعنى من الاخر اية مميزات وعيوب السكن فى اكتوبر فى ظل المركزية بتاعت مصر وهي ان كل حاجة موجودة فى القاهرة وبس

اقتباس:

---

المشاركة الأصلية كتبت بواسطة elrasy

بعد اذن صاحب الموضوع لية استفسار
هل السكن فى 6 اكتوبر مريح ولا هفتقد السكن فى العاصمة
يعنى من الاخر اية مميزات وعيوب السكن فى اكتوبر فى ظل المركزية بتاعت مصر وهي ان كل حاجة موجودة فى القاهرة وبس

---

بص يا استاذ احمد من مميزات اكتوبر بالنسبه لى سكن مريح وحى هادىء واماكن واسعه لركن السياره يعنى تركن براحتك والقرب من العمل لانى شغال فى ماسبيرو ونظرا لانى من قاطنى محافظه الدقهليه حاليا فبسافر على الطريق الزراعى علشان الشغل بصوره شبه يوميه بقالى 11 سنه وبصراحه بقى تعبت :120146b يعنى حرقه دم واعصاب على الطريق فى المرواح والمجيىء وزحمه وقرف ... يعنى قرار انى انقل اكتوبر كان فى دماغى من زمان بس وقت التنفيذ هوا اللى كان متأجل شويه وانا كنت كل فتره اروح اكتوبر استكشف اماكن الخدمات هناك والسوق والمحلات النضيفه اللى الواحد ممكن يعتمد عليها فى خدمات معينه ولقيتها كويسه فى مستوى الخدمه .. المشكله الوحيده اللى بتواجهنى حاليا هى انى بدور على صنايعيه يكونو عندهم امانه للتعامل معاهم سواء كهرباء او سباكه او ميكانيكى .. الخ

ياريت اللى يعرف معلومه يساعدنى بعد اذنكم

اقتباس:

---

المشاركة الأصلية كتبت بواسطة mada121977

بص يا استاذ احمد من مميزات اكتوبر بالنسبه لى سكن مريح وحى هادىء واماكن واسعه لركن السياره يعنى تركن براحتك والقرب من العمل لانى شغال فى ماسبيرو ونظرا لانى من قاطنى محافظه الدقهليه حاليا فبسافر على الطريق الزراعى علشان الشغل بصوره شبه يوميه بقالى 11 سنه وبصراحه بقى تعبت :120146b يعنى حرقه دم واعصاب على الطريق فى المرواح والمجيىء وزحمه وقرف ... يعنى قرار انى انقل اكتوبر كان فى دماغى من زمان بس وقت التنفيذ هوا اللى كان متأجل شويه وانا كنت كل فتره اروح اكتوبر استكشف اماكن الخدمات هناك والسوق والمحلات النضيفه اللى الواحد ممكن يعتمد عليها فى خدمات معينه ولقيتها كويسه فى مستوى الخدمه .. المشكله الوحيده اللى بتواجهنى حاليا هى انى بدور على صنايعيه يكونو عندهم امانه للتعامل معاهم سواء كهرباء او سباكه او ميكانيكى .. الخ

---

اشكرك على الرد
انا فعلا شايف ان اكتوبر تبقى ممتازة وخصوصا لو شغلك هناك
لكن لو زى حالتى فى مدينة نصر اظن هيبقى صعب وخصوصا المحور اللعين