-
ساعدونى فى المشكله دى !!
من فتره قلتلكوا على موضوع الحادثه اللى عملتها بالارجنتا بتاعتى و المشكله تتلخص فى الاتى :-
والدى قرر انه هيصلح عربيتى و بعدين هيبعها و ده عقاب ليا و ده قرار نهائى لا رجعه فيه
جامعتى فى القطاميه و مواصلاتها متعبه لدرجه تكره الواحد انه يحضر المحاضرات
الحل اللى اقترحته على نفسى هو انى اشترى موتوسيكل ريس هوندا 250
بس المشكله انى مش هقدر على تمنه كاش .. لو حد عارف حد بيقسط هوندا ريسنج ياريت يقوللى
و لو حد عنده حل تانى ياريت يقول عليه عشان انا تعبان جدا و مش عارف أروح جامعتى
أرجو المشاركه و اقتراح حلول
-
لا أنصحك تجيب موتوسكيل أساسا و تسوقه علي طريق القطامية
حادثة ،، مع السلامة ................
-
نصيحة من واحد كان هيموت في حادثة ريس و يقتل واحد معاه ..
بلااااااش .. حوادث الموتوسيكل بشعة .. مينفعش وسيلة مواصلات في مصر
انا و الله بسبب الموتوسيكل بخاف ادوس علي دواسة البتزين في العربية .. لأن عرفت السرعة المبالغ فيها بتعمل ايه
بس عالاقل اما عملت حادثة في العربية كان جسم العربية بيحميك .. لو لا قدر الله حصل حاجة بالموتوسيكل .. هتطير طير يا ريس و ربنا يستر .. رأيي طلعه من دماغك
-
مع أحترامى لقرارك , أصبر على الوضع الحالى شوية , الموتوسيكل مش هو الحل ده أكيد!!! أنا رأى من رأى الأخوة الأعزاء أحمد و dehumanizer مع أحترامى لشخصك بس أنت شكلك من النوع اللى بيحب الجرى و الغرز و الحركات :wink: الحادثة الأخيرة بالعربية عدت على خير بس لو أنت كنت راكب موتوسيكل الله أعلم كان هيحصل ايه! أرجو أن كلامى ميكونش ضايقك ديه نصيحة لوجه الله تعالى تتقبلها أم لا ديه حاجه بتاعتك. ربنا يوفقك لما فيه الخير.ممكن تنشر موضوعك فى هذا القسم لو أنت مصمم على رأيك! قسم الدراجات النارية.
-
ابعد عن الدراجات الناريه خاااااااااااااااااااااااا الص
اشتري حياتك
-
كان لسة فى اخ بيسأل فى منتدى الدراجات النارية عن الموتوسيكلات الصينى
وانا رديت علية وقلت لة انها وسيلة غير امنة
وزى ما الاعضاء قالو لحضرتك برضو هى وسيلة غير امنة
الميكروباص او التاكسى احسن لك بكتير فى الوقت الحالى لغاية ما تجيب عربية تانية
ونصيحتى ليك : حاول مع والدك مرة تانية لعل وعسى يرضى يخلى العربية
-
اوعي يا اوشي.
انا عارفك بتحب الجري و مش حتقدر تمسك نفسك و الحادثه بالموتوسيكل عواقبها وخيمه.
ابعد احسن و اصبر علي والدك شويه و هو حيجبلك عربيه تانيه اسمع كلامي
-
مش هأزود كتير على اللي الإخوة الأفاضل كلهم أشاروا بيه عليك
أنا بأؤيدهم طبعا ... ورأيي إنك ممكن تصبر شوية وتستحمل الميكروباص أو التاكسي - أو لو في وسيلة مواصلات مناسبة تابعة للجامعة اللي بتدرس فيها.
وبعدين مين عارف، مش يمكن بعد ما العربية تصلح ووالدك يشوف البهدلة ومصاريف المواصلات يغير رأيه ويديهالك ... أو حتى لو باعها يمكن تكون إنت الكسبان وتلاقي عربية جديدة - لو الظروف تسمح - بعد فترة ويبقى ربنا عوضك خير عن الأرجنتا.
بس رأيي بلاش الموتوسيكل ... حرام عليك نفسك
-
السلام عليكم ورحمة الله وبركاته
انا مع كل الاراء اللي قالت بلاااااااااااااااااااااش الموتوسيكل
وحاول بعد فترة تاني مع والدك او خلي حد يكون محل ثقته يقنعه
وربنا معاك
-
ان راي انك لوجبت عربية سيات حتى هتكون احسن من الموتسيكل بشرط تكون حالتها كويسة وسعرها مش هيبقا كبير عن الموتسيكل - نصيحة لوجه الله ابعد عن الموت سيكل وغنيلة .دة كفاية ان اوله موت
-
فقدت احد اصدقائي في احد حوادث الموتسيكلات (سيارة في نفس الحادث كان اخرها تجريح في الجسم الخارجي)
لا استطيع ان اضيف اكثر من ذلك
-
حاول تانى مع والدك و ممكن كلمتين حلوين من الحجة كده الموضوع يمشى :D
اوعى موضوع الموتسيكلات ده علشان الامان و انت شكلك بتجرى جامد و كمان الشتاء داخل و حتنشف من البرد :-?
-
بلاش يا اوشى موتوسيكلات
خطرررررررررررررررر جدا جدا
-
-
متزعلش منى يا اوشى
الموتوسيكلات خطر جداااا جداااا جداااااا
ابعد عن الموتوسيكل وغنيله
-
-
Ahmed Anwer - dehumanizer - اسلام المصرى - medo_2060 - Shocky - حازم باشا خضر -Heshaam - Tarek Fadl - emam - Islam_galal - tarekkasaby - fahd_628 - thebraveeagle - sokasoon - ahmedsrs
ألف مليون شكر على المشاركه
أنا شايف ان كل الآراء ضد موضوع الريس اللى عايز اجيبه ده طيب محدش عندوا فكره أحسن
-
انا رأي انك تحاول مع والدك و لو حتى تجيب عربية صغيرة و بالتالي مش هتكون بتجري جامد ودا علشان والدك يطمن و المهم في الموضوع انك تكون اتعلمت درس من السواقة بسرعة و لو دا حصل اعتقد ان والدك هيحس بكدة و ممكن يوافق على موضوع العربية الصغيرة.
Content Relevant URLs by
vBSEO 3.6.0 PL2