-
اعمل ايه في موضوع المياه
معلش يا جماعه حاجه كده حصلت معايا وحبيت اقولكم عليها منها استشاره ومنها تحذير
واحد صحبي معاه لانوس 2 كان لسه واخدها وكان فيها مياه عاديه من الحنفيه المهم انها كانت فيها صدأ شديد جدا نصحته يعمل زي ما انا عملت نضفت الردياتير خالص وبعد الغسيل تمام حطيت المياه الخضراء الامريكاني المهم انه راح لواحد غسله الردياتير كويس وبعدين حطله جركن رخيص كده بعشره جنيه وقاله ان ده متجرب وتمام وكله بيستعمله
المهم تاني يوم لقي العربيه سخنت وقربه المياه فضيت راح للميكانيكي لقي طبه من طبب المتور اتخرمت ولما طلعها لقيها مصديه خالص ومخرمه زي المصفه قال له بلاش المياه الخضراء عشان ما تعملش مشاكل تاني حط مياه مقطره المهم انا رحت معاه نجيب مياه مقطره الراجل عطاني نوع بستخدم في البطريات بس طبعا مياه مقطر مش حمض كبرتيك المهم زجاجه كده ب 2 جنيه المهم ان واحد قالي ديه مياه حنفيه عاديه حبيت اجرب رحت عملت اللعبه بتاعت التصيل اللي بتعتمد علي نسبه الاملاح في المياه هي فكره بسيطه خالص انك بتوصل لمبه في الكهرباء وبتحط كبايه مياه اللي عاوز تجربها مكان المفتاح وبتشوف اللمبه هاتنور ولا لا وبرده هاتشوف اذا كانت المياه بتفور من الاملاح اللي فيها ولا لا المهم كانت المفاجئه :U_thin1[1]: ان المياه لا طلعت مقطره ولا حاجه بلاعكس ده نسبه توصيلها كان اعلي من مياه الحنفيه يعني شكله اصلا مليها من ابار ومليانه بالاملاح المهم جربت نوعين تاني كلها كان نفس الموضوع او اقل شويه لاكن مفيش حاجه كانت مقطره فعلا واللي اكدلي كلامي اني عملت شويه مياه مقطره في البيت عن طريق غليان المياه وتكسيف البخار لقتها فعلا مقطره تمام وعديمه التوصيل وعلي فكره برده عملت نفس التجربه علي مياه التكييف والثلاجه اللي بتنزل من تسيح الثلج لقيت الاتنين برده زي مياه الحنفيه او اقل شويه في الاملاح لاكن مش مقطره
اولا محدش يعتمد علي كلمه مياه مقطره الا لو تاكد بنفسه عشان كله غش في غش :dontudear:
ثانيا حد يقولي اعمل ايه في الموضوع ده مش معقول لما اعوز مياه مقطره اقطر مياه في البيت ديه بطلع عنيا عشان اعمل كبايه مياه والاواحد بيحتاج علي الاقل اربع لترات في العربيه
لو حده عنده خبره او معلومات يفدنا وشكرا
-
شوف يا باشا لو عندك حلة ضغط تبقى المشكلة اتحلت ولو ما معندكش .. ممكن تروح عند بتوع مستلزمات طبية وهات بتاعة دي من اللي بيقطروا بيها المية .. وبس خلاص !
-
ياباشا لو عندك تكيف فى البيت
خد الميه اللى بتنزل منه وحطها فى العربيه
او اشتري ميه معدنيه
-
اقراء الموضوع تاني من الاول انا بقولك عمل نفس التجربه علي مياه التكيف هي اقل شويه في الاملاح لاكن برده فيه املاح مش مقطر
المياه المعدنيه غنيه بالاملاح الطبيعيه ده المفروض عشان ديه مياه مفيده للجسم المياه المقطر ملهاش لزمه في الشرب لان مفهاش املاح يعني المياه المعدنيه عكس تماما المياه المقطره
انا فعلا هافكر اجيب حاجه اقطر بيها المياه بدل شغل الغش ده
الواحد لو في بلد تحترم الامانه كانت قاضيت الشركات اللي بتعبي اي حاجه وتقول عليها مياه مقطره
-
برضه بكرر كلامي .. تقطير المية مش قصة .. لو عندك فلتر خماسي من اللي فيه شمعة المنبرين يبقى إشطة .. لو حلة ضغط يبقى تمام .. لو مفيش خالص .. قارورة التقطير بتتباع عند أي بتاع مستلزمات طبية .. ودمتم
-
هو من فين الواحد يشترى لتر مية خضراء ويحطلها عندة لزوم الشئ
-
-
انا حاطط نوع اسبانى والموجود لتر فقط بلاقية مصرى هل دة ياثر لو زودت منة
-
غالبا المصرى دى مية حنفية متلونة اخضر
MMamdouh
-
كلامك سليم يا أستاذ محمد .. أنا جربت وتذوقت مية خضراء مصرية لقيتها مية حنفية ولما بتتبخر بتسيب كمية أملاح محترمة مع اللون !
Content Relevant URLs by
vBSEO 3.6.0 PL2