هل كل اللانوس سيء فى استهلاك البنزين

**MMamdouh** · 16-11-2009 03:30 PM

المشاركة الأصلية كتبت بواسطة esabdc

بس ياريت اللى يقدر يحلل الاثار الجانبية للغاز يقولنا وله الاجر والثواب من عند الله

بعد شوية حلوين حترمى المكنة و تشترى غيرها

مش حتعرف تستعمل شنطة العربية

كل ما تحتاج تمون حتقف فى طوابير التكسجية

سحب العربية و ادائها حيبقى وحش جدا

MMamdouh

**MMamdouh** · 17-11-2009 10:15 AM

انا سمعت برضة ان النظام اتغير بالنسبة للغاز بس معرفش ايه اللى اتغير فيه... هل طريقة التغذية ولا نوعية الغاز نفسة

بالنسبة للسحب مش مقصود منة جرى... المقصود التسارع و العزم... يعنى و طالع مطلع المقطم العربية حتبقى ميتة و هى غاز

MMamdouh

**mohamedhamam** · 25-11-2009 12:45 AM

المشاركة الأصلية كتبت بواسطة MMamdouh

جوة البلد مش مقياس للاسنهلاك... مينفعش تبقى زى حالاتى مثلا بتفضل مدور العربية ساعة عشان تقطع 9.5 كيلو و بعدها تشتكى من الاستهلاك... اصلا اكتر من نص الوقت لعربية بتبقى دايرة وواقفة مكانها او ماشية بسرعة 10 كيلو مثلا...دةحينعكس على الاستهلاك بدون ما يضيف للكيلومترات المقطوعة بالتالى حتلاقى معدل استهلاك البنزين خرابة

فول عربيتك و اعمل بتاع 50 الى 100 كيلو على الدائرى بسرعة ثابتة 90 كيلو بدون حرق او شد او تشغيل تكييف و بعدها فول تانى و احسب كمية البنزين بتاعت التفويلة التانية و اقسم عليها الكيلومترات اللى قطعتها.... بعد ما توصل للنتيجة نتكلم فى الاستهلاك

MMamdouh

**Shiref_mohamed** · 25-11-2009 08:30 AM

السلام عليكم
امبارح عملت اختبار لإستهلاك البنزين وحصل الأتى :-

1- فولت العربية الإسبوع الى فات لحد ما شوفت البنزين واقف في الزور بتاع التانك
2- مشيت بيها اسبوع كامل وعملت فيه 200 كم كلهم تقريبا جوه البلد بس مشدتش خالص غير مرة واحده خليت الأر بي ام وصل لحد6 بس الطبيعي كنت بنقل ما بين 2 ،3 اربي ام
3- فولت العربية امبارح تاني لحد الزو تخيلو اخدتا كام لتر ................. اخدت 15 لتر بالتمام والكمال
الخلاصة اللانوس استهلاكها معقول جداً جداً
واي حد عربيته بتاكل بنزين اكيد هيبقى عنده مشكلة