الموضوع: أغرب الحوادث !

السلام عليكم ورحمة الله وبركاتة

انا فتحت الموضوع دة يا جماعة عشان كل واحد يقول عن اغرب الحوادث اللى شافها فى حياتة

وهبدأ بنفسى :

كنت فى أرض الجولف - نبيل الوقاد , واقف مع جماعة اصحابى بصيت لقيت عربية نص نقل بتجرى جامد فى نبيل الوقاد وخبطت ست عجوزة جداً كانت بتعدى الشارع الست دى لفت ادامى فى الهوا والله واترمت على الأرض , العربية النص نقل طبعا فرملت عشان ينزل يشوف الست اللى اكيد ماتت دى , المهم هو فرمل من هنا لبس فى عربية تقريبا دايو لانوس او حاجة زى كدة , والمهم الراجل ملتفتش للدايو اهم حاجة الست اللى هو فاكرها ماتت دى , طبعا رحنا عشان نحاول نساعد ,, الغريبة ان عقبال ما وصلنا للست دى قامت مشيت .. ! والله قامت مشيت على رجلها على الرصيف وكأن شيئاً لم يكن, وكملت فى طريقها عادى جداً بدون حتى ما تبص للعربية النص نقل ولا اى حاجة , الحادثة دى بجد اثرت فيا , وفعلا الأعمار بيد الله سبحانة وتعالى

انا مرة كنت ماشي في شارع مراد الساعة 3 بليل قبل الشيراتون كدة بشوية كنت ماشي براحة الطريق كان يعتبر فاضي وفجأة لقيت نور عالي بيقرب مني اقوي في المراية و هوب راح خبتني انا قلت العربية اتدمرت بصيت لاقيته مكمل طريقة عادي و كانت تويوتا هايلكس مجرلهاش حاجة انا مسبتوش فضلت اجري وراه وكان معايا واحد صاحبي قع يزعقله و يشتمه علشان يقف سيبك بقي من كل اللي فات ده الغريب بقي انه لما لاقي كده ماوقفش راح بصصلنا وراح لافف الدركسيون شمال (انا كنت علي شماله) وراح خابط فيا تاني طلعت انا وهو فوق الرصيف انا عربيتي اتعلقت فوق الرصيف وهو نزل علي الاتجاه اللي راجع ولا افلام الاكشن والله طلع راجل مجنون وكان شارب ومش دريان بللي بيعملوه وساعتها الشرطة جت ولاقو معاه فرد و خزنة احتياطي و مطوه و مش عارف قد ايه حشيش و بانجو الراجل مجرم يعني انا لاقيت كده حمدت ربنا انه ماموتنيش ولا حاجة و خدت بعضي وفلقت يا معلم .......... تفتكرو دي حاجة غريبة ولا عادي بتحصل :mrgreen: