| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 8 من 8

  1. #1

    الصورة الرمزية pro_samir

    رقم العضوية : 11181

    تاريخ التسجيل : 21May2008

    المشاركات : 5,568

    النوع : ذكر

    الاقامة : NULL value in a database

    السيارة: BMW E34 - 518i

    السيارة[2]: Toyota Starlet EP80

    دراجة بخارية: Toktok Coupe

    الحالة : pro_samir غير متواجد حالياً

    Angry هي الكوسة مش هتخلص من البلد دي ؟؟؟؟؟؟؟؟؟؟؟ - Facebook Twitter whatsapp انشر الموضوع فى :

    hasad">

    سلام عليكم

    طبعا الموضوع نوع من الفضفضة لأني بجد هنفجر من الروتين والكوسة والقرف وصوتي راح من كتر الزعيق انهاردة

    امبارح روحت المرور الساعة 11 ونص تقريبا والحمد لله ربنا كان مسهل وجهزت الورق كلة وخلصت الفحص كمان

    لكن الشبكة كانت واقعة طول اليوم ومعرفتش اسجل علي الكمبيوتر

    وروحت تاني انهاردة ، خدتلي بتاع نص ساعة علي شباك الراجل اللي بيملي الورق ويسجلة وسلمت النمر وكلة تمام والدنيا ماشية بييييس (علي رأي الناس الروشة)

    وبعدين الملف بتاعي اترمي علي مكتب البني أدم بتاع المراجعة

    مش عارف اقول علية إية والله

    فضلت واقف قدام الشباك من الساعة 9 ونص تقريبا لحد الساعة 1

    كل شوية حد يدخلة يقوم مطلع شوية ملفات حاططها فوق اللي قدامة علي المكتب

    شوية الملف يبقي رقم 2 ولا 3 وانا اصبر نفسي اقول هانت اصبر يعني الورق كلة خلص من غير قرف مجتش علي أهيف حاجة

    وشوية والاقية بقي تحت كوم ملفات

    والناس كلها واقفة تزعق وتنادي علي حضرتة وهو ولا هنا

    وبني أدم ممل وبطييييئ

    ويوم ما يتكرم ويحن علينا يقوم باصص علي الطابور ومبرق شوية ويقول ماهو لو في صبر الدنيا هتمشي .. مش عارف دنية مين اللي هتمشي بالظبط

    وعلي هذا السيناريو طول اليوم لحد ما بجد خلاص اتفقعت

    الخزنة بتقفل 12 ولو ملحقتش ادفع مفيش نمر ولا رخص غير يوم السبت

    قلت مبدهاش بقي و اتصلت بوالدي جالي المرور ودخل لنائب المدير وبعتلي صول دخل للراجل التييت دة طلعلة الملف وخلاة مسكة خلصة الأول ، وبرضو فضلت واقف ييجي نص ساعة علي ما عم السريع خلص مراجعة وطلعلي الرقم اللي هدفع بية في الخزنة

    انا بجد كنت علي الأخر وخلاص بقيت عصبي بطريقة مش ممكن لدرجة انة لما الصول دخل للراجل والدي ندهلي بيقولي اديلة الرقم ، انا بحسبة بيقولي تعالي وروحت نافض الناس اللي واقفين ورايا من عليا وخرجت من الطابور

    لاقيتة بيقولي الراجل جوا أهوة اية اللي طلعك .. قلتلة معليش سمعتك غلط و من غير ما احس بنفسي والله رحت رامي الناس اللي متكومة علي الشباك شوية يمين وشوية شمال وانا في منتهي العصبية وبقيت قدام الشباك تاني مش عايز اقولكم نظرات الناس ليا كانت عاملة ازاي بس فعلا والله كنت علي أخري لو حد فتح بقة معرفش كنت هعمل فية اية خصوصا ان معظمهم جايين بعدي بكتير وانا طلع روحي علي ما وصلت للشباك

    لكن طبعا الخزنة كانت قفلت الساعة بقت 1 وخدت الرقم ومشيت من غير أي ورق ولا رخص ولا نمر

    وركنت العربية

    و طبعا مروحتش الشغل لأني حتي ملاقيتش حد من اصحابي فاضي اخد عربيتة

    ولسة هروح تاني يوم السبت ان شاء الله ادفع واخد الرخص والنمر وربنا يستر


    عارف طبعا ان في ناس بيطلع روحها قد كدة مية مرة

    لكن ..

    مش فاهم اية اللي هيحصل لما الناس تقف في الطابور باحترامها و ورا بعض ؟

    هيحصل اية لما الموظف يقولك علي طلباتة كلها مرة واحدة بدل ما يطلع الناس من الطابور 100 مرة .. واللي بيقف قدام الشباك يحصلة التصاق ميبقاش عايز يتحرك تاني ولا يوسع لأي حد مع انة المفروض يروح يستني انة الموظف يندة علية ؟

    هيحصل اية لما الموظفين يحترمو نفسهم ويشتغلو بضمير وبالدور ؟

    مش عارف امتي هنخلص من الهمجية اللي بقت في كل حاجة

    ولا الواحد يكبر دماغة ويطفش بجد من البلد دي

    المفروض علي الأقل يخلو عندهم دم ولما يسلمونا الرخص يكون معاها شوية مهدئات وأدوية للضغط علي شوية مسكنات

    Mohamed Samir

    '


  2. #2

    الصورة الرمزية Moh.Abdelbaset

    رقم العضوية : 4124

    تاريخ التسجيل : 13Jan2008

    المشاركات : 1,776

    النوع : ذكر

    الاقامة : التجمع الثالث

    السيارة: Verna 1500 2006

    السيارة[2]: Cruze 2014

    دراجة بخارية: I Wish

    الحالة : Moh.Abdelbaset غير متواجد حالياً

    افتراضي -

    وقفت قبل كده 3 ساعات أنا و واحد صاحبي..علشان نطلع قيد عائلي من العباسية
    واقفين من 7 الصبح لحد 10:30 و الطابور ما بيتحركش.. كل ده على تقديم الورق لسة
    و الموظفة تقوم سايبة مكانها و ماشية.. و عاملة نفسها مديرة
    قمت اتصلت بوالدي..قالي روح لفلان..روحت لفلان..قدمت الورق.. وأخذت القيد العائلي تاني يوم
    أنا من طبعي مش بحب الواسطة و الكوسة
    بس البلد ماشية بنظام " ليه تريح المواطن لما ممكن تتعبه"
    النظام ده سببه الموظفين اللي مش بيتقوا الله في الناس..حسبي الله و نعم الوكيل

    [shfaf2]http://yfrog.com/na02f1gpmalaysia1133j[/shfaf2]


  3. #3

    الصورة الرمزية Eng_Mostafa_89

    رقم العضوية : 40362

    تاريخ التسجيل : 15May2009

    المشاركات : 3,393

    النوع : ذكر

    الاقامة : القاهرة/الاسماعيلية

    السيارة: قاهرة التروسيكلات الصينى

    السيارة[2]: كانت 128 واتسرقت :(

    دراجة بخارية: لا يوجد

    الحالة : Eng_Mostafa_89 غير متواجد حالياً

    افتراضي -

    يلا الحمد لله انك خلصت

    سبحان الله ... الحمد لله ... لا اله الا الله ... الله اكبر


  4. #4

    الصورة الرمزية mohamedbook

    رقم العضوية : 26900

    تاريخ التسجيل : 05Dec2008

    المشاركات : 2,549

    النوع : ذكر

    الاقامة : Cairo

    السيارة: nissan sunny 2010

    السيارة[2]: فولكس بورا 2002

    دراجة بخارية: لا يوجد

    الحالة : mohamedbook غير متواجد حالياً

    افتراضي -

    اقتباس المشاركة الأصلية كتبت بواسطة pro_samir مشاهدة المشاركة
    سلام عليكم

    طبعا الموضوع نوع من الفضفضة لأني بجد هنفجر من الروتين والكوسة والقرف وصوتي راح من كتر الزعيق انهاردة

    امبارح روحت المرور الساعة 11 ونص تقريبا والحمد لله ربنا كان مسهل وجهزت الورق كلة وخلصت الفحص كمان

    لكن الشبكة كانت واقعة طول اليوم ومعرفتش اسجل علي الكمبيوتر

    وروحت تاني انهاردة ، خدتلي بتاع نص ساعة علي شباك الراجل اللي بيملي الورق ويسجلة وسلمت النمر وكلة تمام والدنيا ماشية بييييس (علي رأي الناس الروشة)

    وبعدين الملف بتاعي اترمي علي مكتب البني أدم بتاع المراجعة

    مش عارف اقول علية إية والله

    فضلت واقف قدام الشباك من الساعة 9 ونص تقريبا لحد الساعة 1

    كل شوية حد يدخلة يقوم مطلع شوية ملفات حاططها فوق اللي قدامة علي المكتب

    شوية الملف يبقي رقم 2 ولا 3 وانا اصبر نفسي اقول هانت اصبر يعني الورق كلة خلص من غير قرف مجتش علي أهيف حاجة

    وشوية والاقية بقي تحت كوم ملفات

    والناس كلها واقفة تزعق وتنادي علي حضرتة وهو ولا هنا

    وبني أدم ممل وبطييييئ

    ويوم ما يتكرم ويحن علينا يقوم باصص علي الطابور ومبرق شوية ويقول ماهو لو في صبر الدنيا هتمشي .. مش عارف دنية مين اللي هتمشي بالظبط

    وعلي هذا السيناريو طول اليوم لحد ما بجد خلاص اتفقعت

    الخزنة بتقفل 12 ولو ملحقتش ادفع مفيش نمر ولا رخص غير يوم السبت

    قلت مبدهاش بقي و اتصلت بوالدي جالي المرور ودخل لنائب المدير وبعتلي صول دخل للراجل التييت دة طلعلة الملف وخلاة مسكة خلصة الأول ، وبرضو فضلت واقف ييجي نص ساعة علي ما عم السريع خلص مراجعة وطلعلي الرقم اللي هدفع بية في الخزنة

    انا بجد كنت علي الأخر وخلاص بقيت عصبي بطريقة مش ممكن لدرجة انة لما الصول دخل للراجل والدي ندهلي بيقولي اديلة الرقم ، انا بحسبة بيقولي تعالي وروحت نافض الناس اللي واقفين ورايا من عليا وخرجت من الطابور

    لاقيتة بيقولي الراجل جوا أهوة اية اللي طلعك .. قلتلة معليش سمعتك غلط و من غير ما احس بنفسي والله رحت رامي الناس اللي متكومة علي الشباك شوية يمين وشوية شمال وانا في منتهي العصبية وبقيت قدام الشباك تاني مش عايز اقولكم نظرات الناس ليا كانت عاملة ازاي بس فعلا والله كنت علي أخري لو حد فتح بقة معرفش كنت هعمل فية اية خصوصا ان معظمهم جايين بعدي بكتير وانا طلع روحي علي ما وصلت للشباك

    لكن طبعا الخزنة كانت قفلت الساعة بقت 1 وخدت الرقم ومشيت من غير أي ورق ولا رخص ولا نمر

    وركنت العربية

    و طبعا مروحتش الشغل لأني حتي ملاقيتش حد من اصحابي فاضي اخد عربيتة

    ولسة هروح تاني يوم السبت ان شاء الله ادفع واخد الرخص والنمر وربنا يستر


    عارف طبعا ان في ناس بيطلع روحها قد كدة مية مرة

    لكن ..

    مش فاهم اية اللي هيحصل لما الناس تقف في الطابور باحترامها و ورا بعض ؟

    هيحصل اية لما الموظف يقولك علي طلباتة كلها مرة واحدة بدل ما يطلع الناس من الطابور 100 مرة .. واللي بيقف قدام الشباك يحصلة التصاق ميبقاش عايز يتحرك تاني ولا يوسع لأي حد مع انة المفروض يروح يستني انة الموظف يندة علية ؟

    هيحصل اية لما الموظفين يحترمو نفسهم ويشتغلو بضمير وبالدور ؟

    مش عارف امتي هنخلص من الهمجية اللي بقت في كل حاجة

    ولا الواحد يكبر دماغة ويطفش بجد من البلد دي

    المفروض علي الأقل يخلو عندهم دم ولما يسلمونا الرخص يكون معاها شوية مهدئات وأدوية للضغط علي شوية مسكنات
    [gdwl]من غير ما احس بنفسي والله رحت رامي الناس اللي متكومة علي الشباك شوية يمين وشوية شمال وانا في منتهي العصبية وبقيت قدام الشباك تاني مش عايز اقولكم نظرات الناس ليا كانت عاملة ازاي[/gdwl]
    مشكلتك انك مظبطش السفاح الي مرزوع علي الشباك
    بس سلوك سيءمنك الي عاملتة مع الناس
    هم زنبهم اية ربنا يسمحك


  5. #5

    الصورة الرمزية kasten

    رقم العضوية : 32619

    تاريخ التسجيل : 10Feb2009

    المشاركات : 2,217

    الاقامة : El Haram

    السيارة: ___

    السيارة[2]: Golf 1

    الحالة : kasten غير متواجد حالياً

    افتراضي -

    عمار يا مصر


  6. #6

    الصورة الرمزية aymansaad

    رقم العضوية : 19101

    تاريخ التسجيل : 15Sep2008

    المشاركات : 1,583

    النوع : ذكر

    الاقامة : السويس

    السيارة: فيات131

    السيارة[2]: فيات125

    دراجة بخارية: vesba

    الحالة : aymansaad غير متواجد حالياً

    افتراضي -

    انت اكيد فى مصر


  7. #7

    الصورة الرمزية pro_samir

    رقم العضوية : 11181

    تاريخ التسجيل : 21May2008

    المشاركات : 5,568

    النوع : ذكر

    الاقامة : NULL value in a database

    السيارة: BMW E34 - 518i

    السيارة[2]: Toyota Starlet EP80

    دراجة بخارية: Toktok Coupe

    الحالة : pro_samir غير متواجد حالياً

    افتراضي -

    شكرا لمروركم يا شباب


    اقتباس المشاركة الأصلية كتبت بواسطة mohamedbook مشاهدة المشاركة
    [gdwl]من غير ما احس بنفسي والله رحت رامي الناس اللي متكومة علي الشباك شوية يمين وشوية شمال وانا في منتهي العصبية وبقيت قدام الشباك تاني مش عايز اقولكم نظرات الناس ليا كانت عاملة ازاي[/gdwl]
    مشكلتك انك مظبطش السفاح الي مرزوع علي الشباك
    بس سلوك سيءمنك الي عاملتة مع الناس
    هم زنبهم اية ربنا يسمحك
    حضرتك تقريبا مخدتش بالك من كل الكلام

    ذنبهم ببساطة ان 90% في منتهي التناحة وقلة الذوق

    يعني تخيل انت ان الموظف يكون شغال في الملف بتاعي والناس اللي واقفين سادين الشباك كلهم لسة مسلموش الملفات اصلا

    والموظف يطلب مني طابع ، اروح اشترية واجي اديهولة محدش يرضي يدخلني لحد الشباك اساسا وبعدين يتكرمو ويتعطفو وياخدوة هما يناولوة لبعض يوصلوة للراجل

    يطلب حاجة تانية اروح اشتريها وارجع برضو نفس الوضع الناس كلهم لازقييييييين محدش عايز يوسعلي ادخل مع انة اساسا شغال في الملف بتاعي يعني كدة كدة مش هعطلهم في حاجة

    معرفتش اوصل للشباك غير لما الراجل قالي تعالي امضي

    فانا كنت خلاص وصلت لمرحلة اني هنفجر ومعنديش استعداد اني اتكلم او اقول لحد لو سمحت وسع لأنة ببساطة محدش هيعبرك وهتسمع كلام يجيب الضغط


    بالنسبة للسفاح بقي كان قاعد علي مكتب بينة وبين الشباك 3 متر !

    وسامع كل الشتايم اللي الناس بتقولها لكن طبعا هو لو عندة دم من الأول كان اشتغل من غير شتايم

    Mohamed Samir

    '


  8. #8

    الصورة الرمزية mohamedbook

    رقم العضوية : 26900

    تاريخ التسجيل : 05Dec2008

    المشاركات : 2,549

    النوع : ذكر

    الاقامة : Cairo

    السيارة: nissan sunny 2010

    السيارة[2]: فولكس بورا 2002

    دراجة بخارية: لا يوجد

    الحالة : mohamedbook غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة pro_samir مشاهدة المشاركة
    شكرا لمروركم يا شباب




    حضرتك تقريبا مخدتش بالك من كل الكلام

    ذنبهم ببساطة ان 90% في منتهي التناحة وقلة الذوق

    يعني تخيل انت ان الموظف يكون شغال في الملف بتاعي والناس اللي واقفين سادين الشباك كلهم لسة مسلموش الملفات اصلا

    والموظف يطلب مني طابع ، اروح اشترية واجي اديهولة محدش يرضي يدخلني لحد الشباك اساسا وبعدين يتكرمو ويتعطفو وياخدوة هما يناولوة لبعض يوصلوة للراجل

    يطلب حاجة تانية اروح اشتريها وارجع برضو نفس الوضع الناس كلهم لازقييييييين محدش عايز يوسعلي ادخل مع انة اساسا شغال في الملف بتاعي يعني كدة كدة مش هعطلهم في حاجة

    معرفتش اوصل للشباك غير لما الراجل قالي تعالي امضي

    فانا كنت خلاص وصلت لمرحلة اني هنفجر ومعنديش استعداد اني اتكلم او اقول لحد لو سمحت وسع لأنة ببساطة محدش هيعبرك وهتسمع كلام يجيب الضغط


    بالنسبة للسفاح بقي كان قاعد علي مكتب بينة وبين الشباك 3 متر !

    وسامع كل الشتايم اللي الناس بتقولها لكن طبعا هو لو عندة دم من الأول كان اشتغل من غير شتايم
    ولا يهمك
    بس هو ده الشعب المصري
    مش ممكن تغيرة لانه اصبح تماما زي -------؟ ودة تأثير العديد من سنوات التخلف الي احنا مازلنا فيها
    اعتبر انك رايح تحارب وطبعا مش هتحارب الفساد انت هتحارب من ساعت متخرج من البيت وتنزل الشارع عشان توصل للمرور وتقف في الشباك وتتعامل مع الاعداء الي جو الشبابيك الي بينك وبنهم ساتر من الحديد لا يفله الا الفلوس وهو دة سلاحك في البلد دية او واحد وسطة يعتبر سلاح باردوا لمواجهت السفاحين الي مسكين مصالح الناس



 

المواضيع المتشابهه

  1. الكوسة ناقصه طز يا كروديا..!!!
    بواسطة abogogo في المنتدى المنتــــــدى الاجتمــاعى
    مشاركات: 11
    آخر مشاركة: 12-05-2011, 12:19 PM
  2. مشاركات: 14
    آخر مشاركة: 12-01-2010, 03:38 AM
  3. مقال خالد أباظة الجديد.. قمة الإبداع في عالم الكوسة بالبشامل
    بواسطة الريس في المنتدى المنتــــــدى العـــــــــــام للسيــارات
    مشاركات: 24
    آخر مشاركة: 19-07-2009, 11:52 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2