عرض للطباعة
السلام عليكم... لو سمحتوا يا جماعة انا في اسكندرية و عايز اجيب سبيرانزا و عايز حد يكون عنده تقسيط مباشر .. انا لحد دلوقتي ملقتش حد غير المصرية للسيارات بس خايف لاني بسمع عنهم كلام وحش كتيير .. اللي يقولك العربية مخبوطة و اللي يقولك مغيرين البطاريات ... الخ
فياريت يا جماعة لو حد يساعدني؟ يبقى مشكور والله ..
شكرا
نصيحة من اخ فكك من الاسبيرانزا و هات لوجان او افيو او اي عربية غير الصيني المتقفل في مصر
توكيل اسبيرانزا قدام نادى سبورتنج شارع ابوقير
+11111111111111111111111111111اقتباس:
المشاركة الأصلية كتبت بواسطة أحمد كمال
توكيل اسبيرانزا مفيهوش تقسيط مباشر ... بعدين يا جماعة الافيو مشاكلها كتير .. و مفيهاش اوبشنز خالص .. و اللوجان ملهاش قطع غيار .. و قطعها غالية.. طب ايه الحل؟ اقلها ان ناس كتير اوووي بتشكر في الاسبيرانزا ...
اقتباس:
المشاركة الأصلية كتبت بواسطة أحمد كمال
يا راجل حرام عليك
تقولو يجيب افيو !!
دانا الشاهين بتاعتي افخم من الافيو
دي عربية حقيرة
عامة ارشحلك اللوجان افضل من الاسبيرانزا بكتير
+1111111111111111111111111اقتباس:
المشاركة الأصلية كتبت بواسطة drguevara
اوعى تجيب افيو خااااااااااااااااااااالص
دة انتا لو جبت 128 حاتريحك عن صفيحة الكانز اللى اسمها افيو دى
عندك اسبيرانزا و لانوس و لوجان و فيرنا دول افضل اختيارات فى هذه الفئة
عليك وعلى لوجان
وربنا يوفقك للخير
والله يا جماعة انا بخاف من اللوجان .. قطع غيارها مش موجودة الا في التوكيل و غالية ..
و شكلها الخارجي يعني مش اوي .. بس دي مش مشكلة
محدش لسة ميعرفش حد في اسكندرية؟
يعني المصرية خلاص؟
ابعد عن المصرية و خليك فى الوكيل اضمن
يا جدعان والله نفسي اجيبها من التوكيل بس معندووووووووووووووووووووو ووووووووووووش تقسيط مباشر....
طيب شوف أبو غالي مش عارف ليه موزعين في اسكندرية ولا لأاقتباس:
المشاركة الأصلية كتبت بواسطة bloody_stone
طب انا يا جماعة لو اشتريتها من القاهرة ينفع ارخصها عادي في اسكندرية ولا ايه؟
اة عادى يا باشا مافيش مشاكل
عادي جدا جدا
طب مش الضمان مش باخده الا بعد الترخيص؟ يعني اسافر ارخص و ارجع تاني؟
خده مع اول صيانة للعربية ان شاء الله
ممكن توضح هل المقصود بالتقسيط المباشر يعنى بعيد عن البنوك و اذا لم يكن هذا هو المقصود هل جربت تسأل فى Contact أو طارق اسماعيل بكارفور اسكندرية
اه انا قصدي كده بعيد عن البنوك
بص يا باشا
انت لو هتاخد رأى حد تشترى عربيه ايه مش هتعرف ترسى على حاجه
كل واحد ليه رأى من وجهة نظره ، واللى تعجب ده ما تعجبش ده
وعلى فكره كل العربيات فيها عيوب ، مافيش عربيه مافيهاش عيب حتى اغلى العربيات فيها عيوب والله وفيه احصائيه على الموقع هنا لكل الانواع بس مش فاكر بصراحه اللينك بتاعها ايه
المهم انت لو نويت على عربيه وعاوز تسال اسال حد معاه العربيه دى وياريت لو بقالها اكتر من شهر واسال على صيانتها وقطع غيارها موقفها ايه من الاعراب
بالنسبه للاسبيرانزا انا فعلا قارنتها باللانوس وبالافيو وباللوجان كفتها هيا اللى رجحت من حيث :-
1- التوكيل : هوا هوا توكيل دايو على فكره وحسام ابو الفتوح صاحبه يعنى مش هتفرق حاجه خالص عن الدايو
2- قطع الغيار : قطع غيارها مش غاليه ، لان الناس اللى بتقول انها غاليه بتبص على انها صينى فا المفروض انها تبقى ب 50 جنيه مثلا للقانوس محدش حط فى الاعتبار كذا حاجه اللى هما :
- قطعة الغيار دى الماده الخام بتاعتها انضف من الماده الخام بتاعت انواع العربيات اللى ارخص منها زى اللانوس
-فيها تكنولوجيا اكتر ، فلو بنتكلم على الفانوس فهو فيه مواتير على عكس اللانوس انها كويس ان فيها لمبه اصلا وبتتحرق كل شويه من السخونه هيا والفيوز بتاعها فده دليل على جودة الخامه
-ان قطع الغيار دى يا جماعه بتتباع فى التوكيل ، يعنى لو انتشرت بره ختبقى ارخص من اللانوس
- قطع الغيار دى اصلا اصلا ارخص من قطع غيار عربيات كتير نفس الفئه تقريبا ، وفيه برضو هنا هتلاقوا اسعار قطع غيار الاسبيرانزا وقطع غيار العربيات التانيه وانا شايف انها ارخص بالنسبه من اللوجان بشويه " زى فلتر البنزين مثلا فى اللوجان ب 60 جنيه وفى الاسبيرانزا ب 25 جنيه ...؟؟ "
وغير كل ده العربيه فيها فخامه بجد تقارن بالفئات الاعلى ، وقوه فى الماتور الالمانى الاصل ، وصلابه فى البودى بتاعها المكون من 3 طبقات صاج واللى مافيش زيه طالما بنقارن " يعنى انت لو قعدت عليه مش هيطبق ، في حين انك لو سندت ايدك بس على اى عربيه وكلنا عارفين الدايو هتطبق ومش هترجع زى الاول بسبب سندة ايد ؟؟ "
انا عن نفسى مقتنع بالاسبيرانزا 100 % ولو عاوز تجيب حاجه احسن يبقى اقرب حاجه تجيبهالها هيا الالنترا الجديده او التويوتا يارس او الاوبترا ومش هيبقوا فى كماليتها برضو
ولو حد يحب يتناقش معايا فى حاجه للعربيه دى يشرفنى ، مع انى ما اشتريتهاش لسه بس انا ناوى انشاء الله وعملت دراسه عليها كامله واقتنعت بيها فعلا ، واللى يجيبها ياريت يشارك فى المنتدى هنا ويقولنا اخبارها ايه معاه
احييك علي مشاركتكاقتباس:
نا عن نفسى مقتنع بالاسبيرانزا 100 % ولو عاوز تجيب حاجه احسن يبقى اقرب حاجه تجيبهالها هيا الالنترا الجديده او التويوتا يارس او الاوبترا ومش هيبقوا فى كماليتها برضو
ولكن دا مش صح
فين بقا الجين 2 من المنافسة دي؟
و ازاي مش فكمالياتها
مين قال موتور الاسبيرانزا الماني يعني شركة ايه اللي مصنعاه وياريت مصدر حضرتك من المعلومات دي
ويعني ايه صاج سمكه 3 طبقات
نخلي الكلام علمي شوية بس يعني ايه صاج 3 طبقات
الصاج بيتقاس سمكه كام مللي كده يعني لكن 3 طبقات ازاي
مش قادر افهم
وبرضه معلومة الموتور مش عارف ايه مصدرها
الموتور من شركة avl النمساوية ومتجمع في الصين البودي معرفش كام مللي بس فعلا من اقوى الصاج اللي موجود في السوق حاليا هو واللوجان بس كتوكيل اللوجان تكسب
لا فعلا اتوقع الاسبيرانزا تكسب ......