لا عندك ولا حاجة حضرتك خمنت بالمنطق
تشرفنا يا استاذ احمد
عرض للطباعة
لا عندك ولا حاجة حضرتك خمنت بالمنطق
تشرفنا يا استاذ احمد
دي الناس اللي تفرح بجد
كل احترامي وتقديري لحضرتك على استدراك الموقف وياريت ترجعهم لصاحبهم عشان يبقى يشتري ويبيع تاني... مع اني عارف انهم هيتباعو بسرعه بس المهم انك عملت اللي عليك ..
لو نبقى بلد محترمه وكل واحد يشتري لنفسه بس,, بدل ما الناس متبهدله ومش عارفين يجيبوا حاجه
انت راجل محترم
انا عايز 3 تذاكر يا جماعه محدش يعرف يجيبلى ؟؟ انا نفسى اروح
الله يكرمك يا ميمو وفعلا رجعتهم لصاحبهم وهو حر فيهم
تسلم يا باشا
والله نصيحتى ليك ملوش اى لزمه تروح الماتش
اولا بهدله وقله قيمه فى الدخول والخروج والامن هيكون متشدد قوى مع الناس
ثانيا التذكره وصلت لأسعار عاليه قوى قوى وعلشان 3 افراد يروحوا دلوقتى هيصرفوا مش اقل من 1500 جنيه تذاكر واكل وشرب والله اعلم العربيه اللى معاك هتبقى فى امان ولا لا ( التذاكر دلوقتى بحد ادنى 250 جنيه وبتوصل ل 450 جنيه فى بعض الاماكن )
والاهم ان اعتقد فى البيت يمكن هتفتقد جو التشجيع بس هتبقى شايف الماتش احسن وهتريح نفسك من وجع الدماغ والحسره لو لا قدر الله مخدناش الماتش
تستحق كل الاحترام استاذ احمد ..
بس انت هتعمل ايه فى التذاكر ؟
أنا لي اعتراض بسيط أرجو ميزعلش حد ( أنا عايش في السعودية يعني مش تاجر تذاكر)
نقدر نقول بيع التذاكر في السوق السوداء غير أخلاقي أو خيانه عظمى للبلد ولكن حرام وحلال دي مش بتاعتنا دي لها جهات خاصة اللي تحددها
والله لو عرفت تجيب تذاكر على سعر لا يتعدى ال 100 جنيه وعايز تروح الماتش ممكن تروح
اكتر من كدا يبقى حرام
فعلا فى حاله النصر هيبقى الاستاد مولع :S_thum1[1]:
الله يكرمك يا درش
انا اساسا خدتهم من صاحبى لانه كان محتاج فلوس وكان اتفاقى انى هرجعهم له النهارده واخد الفلوس بس هو قالى انى هلاقى ليهم بيعه سهله وبتاع ولو عرفت اخلص منهم يبقى احسن فانا فكرت انى لو بيعتهم بسعر اقل من برا هيبقى افضل علشان اللى شوفته ان اللى معاه تذاكر عايش الدور على الناس وفاتحينها مزاد لاعلى سعر لكن طالما الموضوع فيه شبهه يبقى بلاش منه هرجع له التذاكر واخد فلوسى عادى
والله هو انا مقدرش اقول الرأى الفصل فى الموضوع
بس هو بين المكسب الغير أمين فى التذاكر ببيعها على الاقل ب 10 اضعاف ثمنها الاصلى واحتكارها
وما بين الرأى اللى بيقول ان الماتش ولا هو أكل ولا شرب واللى عايز يستمتع يدفع وخلاص ان شاء الله حتى 20 ضعف المبلغ الاصلى محدش ضربه على ايده
فالواحد يبعد عن الموضوع احسن
دا اللي انا كنت عايز اقوله وعمال افكر فيه وماسك نفسي
اصل يا جماعة كلمة حرام دي مش كلمة سهلة
التذاكر دي مش ضرورة حياتية عشان ندعي على اللي باعهم بالسعر الغالي
بسم الله الرحمن الرحيم:
يَا أَيُّهَا الَّذِينَ آمَنُوا لا تُحَرِّمُوا طَيِّبَاتِ مَا أَحَلَّ اللَّهُ لَكُمْ وَلا تَعْتَدُوا إِنَّ اللَّهَ لا يُحِبُّ الْمُعْتَدِينَ (87) وَكُلُوا مِمَّا رَزَقَكُمُ اللَّهُ حَلالاً طَيِّباً وَاتَّقُوا اللَّهَ الَّذِي أَنْتُمْ بِهِ مُؤْمِنُونَ (88)
صدق الله العظيم
وعشان انا بتخنق من الناس اللي لما تسالها في الشارع تفتي اي حاجه
فالمفروض نسيب حرمة الموضوع ده لحد من علماء الدين او خريج كلية الشريعة
مفييييييييييييييييش حاااااااااااااااااااااااا اد في المنتدى هنا خريج شريعة ؟؟؟؟