وعملتلها مفتاح مشفر احتياطي (Audi A4 1.6 Auto 1998)

السلام عليكم..
اليكم اخر الاخبار..
عملت النهاردة مفتاح مشفر للعربية عند مركز سعيد و عصام اللي في جسر السويس..
اللي المنتدي هنا عامل عرض خاص معاه..
المفتاح بتاعها اتكلف حوالي 175 جنيه و اخدت الخصم ال15% بتاع المنتدي وقف عليا بحوالي 150 جنيه و الحمد لله..
اكيد المفتاح الجديد شكله اوحش من الاصلي شوية.. بس مش مشكلة خالص.. المهم انه بيدور و خلاص..و الحمد لله..

سألت بقي علي معلومة اني اعملها مفتاح بريموت زي بتاع الجيتا و الاوكتافيا الجديدة..
الراجل قالي خبر صادم.. خلاني صرفت نظر عن الفكرة.. وهي كانت ان تمن المفتاح الريموت لوحده.. من غير موضوع الوحدة اللي هتستقبل الرسالة بتاعت الريموت و تشغل السنتر بيها.. بيتراوح بين 550 و 850 جنيه..:U_thin1[1]:
وهنا ماتت الفكرة في دماغي قبل ما تتولد..:C_laugh[1]:

و انا مروح من عند الراجل اشتريت طقم مساحات rubber ب 60 جنيه.. و ركبتهم..
و الحمد لله نضاف جدا.. و بينضفوا القزاز كويس جدا..:36_9_4:

الف الف مبرووك على العربيه اول موضوع اشوفه عن العربيه الجديده ومعلش جت متاخره شويه وربنا يديك خيرها ويكفيك شرها ان شاء الله

وانت عملت موضوع فيه صور عنها ولا لسه عايزن نشوف العربيه وتقرير عنها

الف مبروك يا احمد
بس انا عايز اعرف هل هيا يمفتاح مشفر وده احتياطى زى مانت كاتب
ولا انت ركبت وحدة التشفير كاملة

اقتباس:

---

المشاركة الأصلية كتبت بواسطة mahamedaraby

الف الف مبرووك على العربيه اول موضوع اشوفه عن العربيه الجديده ومعلش جت متاخره شويه وربنا يديك خيرها ويكفيك شرها ان شاء الله

وانت عملت موضوع فيه صور عنها ولا لسه عايزن نشوف العربيه وتقرير عنها

---

اللهي بارك فيك يا باشا و بعدين ولا يهمك.. وصلت يعني..
لسة والله مصورتهاش ولا عملت موضوع و تقرير مفصل لسة ولا حاجة.. عشان زي مانت شايف اهو كل المواضيع اللي عملتها عن مواقف بسيطة كده و حاجات شغال فيها.. مجرد ما اخلص الحاجات ي هاعمل التقرير ان شاء الله..

اقتباس:

---

المشاركة الأصلية كتبت بواسطة A.Saad

الف مبروك يا احمد
بس انا عايز اعرف هل هيا يمفتاح مشفر وده احتياطى زى مانت كاتب
ولا انت ركبت وحدة التشفير كاملة

---

احمدبك..
هي اصلا بمفتاح مشفر.. و المالك اللي قبلي كان متعايش بيها كده بمفتاح واحد مش عارف ازاي بصراحة..
انا كنت عامل للكورسا مفتاحين غير الاصلي..
موضوع تركيب وحدة التشفير ده موضوع كبير و صعب قوي علي ما اذكر عشان لازم تتركب الوحدة بتاعت التشفير اللي هي بتكون راكبة عند طبلة المفتاح دي. اللي هي بتتأكد ان كود المفتاح سليم و شغال.. و بالتالي بتوصل الاشارة لكومبيوتر العربية ف العربية تشتغل عادي.. مش تدور لمدة 3 ثواني و تفصل زي في حالة لما يكون المفتاح المشفر الكود بتاعه مش مظبوط او المفتاح بايظ..

و كمان لازم يكون الكومبيوتر بتاعا لعربية بيشغل النظام ده.. يعني ليه Input للحكاية دي.. و بناء علي القيمة بتاعته بيخلي وحدة تغذية الوقود تشغل العربية او لأ..

أعتقد ان الموضوع كبير و معقد شويتين..

الف مبروك مستنيت تقرير مصور
وياترى جبت العربيه بكام؟

مبرووك
انا هتصل بيك ان شاء الله اول لما افوق من امتحانات الدكتوراة بأذن الله بعد العيد عشان اقابلك و نروح اعمل مفتاح عشان انا كمان محتاج مفتاح مشفر لعربيتي و عشان اتعرف علي اماكن الميكانيكية و الورش في جسر السويس لأني من الهرم و المنطقة هناك في جسر السويس متاهة بالنسبة لي..........هذا لو مش هضايقك يا أحمد بيك

اقتباس:

---

المشاركة الأصلية كتبت بواسطة mantoros

مبرووك
انا هتصل بيك ان شاء الله اول لما افوق من امتحانات الدكتوراة بأذن الله بعد العيد عشان اقابلك و نروح اعمل مفتاح عشان انا كمان محتاج مفتاح مشفر لعربيتي و عشان اتعرف علي اماكن الميكانيكية و الورش في جسر السويس لأني من الهرم و المنطقة هناك في جسر السويس متاهة بالنسبة لي..........هذا لو مش هضايقك يا أحمد بيك

---

في انتظار سعاتك باذن الله يا باشا
و ربنا يوفقك و يعينك علي الامتحانات..
طبعا مفيش مضايقة ولا حاجة.. انا اتشرف بكده.. و تحت امرك في اي حاجة ان شاء الله..:S_thum1[1]:

مبروووك ياباشا

الله يبارك فيك يا حبي..

هو فيين بضبط فى جسر السويس, عشان أنا عاوز أعمل واحد للبورا و سمعت أرقام عبيطة (250 - 300) ج