[size=24]أن شاء الله سوف أشتري تيريوس 2008 و سوف أقترض لأكمال السعر فهل ميزة الـABS & Air bags مهمه و تستاهل فرق السعر ؟ و هل الأوتوماتك فيها مضمون و يستاهل فرق السعر و كذلك ميزة الجر الرباعي ؟
و أخيراً هل يوجد سيارة في مصر بنفس نطاق السعر أفضل منها سواء كانت SUV أو سيدان أو هاتشباك أو أي نوع معادا النقل طبعاً؟
أرجو الأفاده من السادة الأعضاء و مالكي تيريوس أو سيارات أخرى في نفس نطاق السعر
و شكراً مقدماً و ربنا يقدرنا و نردها في الأفراح
أخوكم محمد :!: :-)
هي عربيه كويسه
بس انت موسع النطاق بتاع العربيات اوى
يعني سيدان وSUV ودفع رباعي وهاتشباك
يعني في عربيات كتير قوي كده
ياريت تقول اولوياتك أحسن
أول أولويه الأتساع الداخلي لأن طولي 200 سم و الجالس خلفي بيتظلم
الثانية الشكل الخارجي يكون جذاب ليس مثل الماتيرا
و شكرا على أهتممامك و ربنا يجازيك خير
الأتساع يبقى سيفيك بصراحه واسعه جدا من الداخل
الشكل الجذاب برضه السيفيك تجذب من الواجهة الأمامية لها
امكانيات جديده وجميله الكورولا وسعر اعادة بيع عالي
هاتشباك حسب السعر
يعني لو مبلغ كويس ومعدي الــ 120 يبقى استرا
لو تحت الــ 100 الف يبقى السيريون
لو تمييز يبقى الأمبريزا الجديدة
أنت راجل محترم يا أبو عبد الله ده أولا
ثانيا أنا جلست في الكورولا و لقيتها أضيق من التيريوس و بالذات الكنبة اللورا
ثالثا المبلغ لحد 135000
رابعا أركب سيفيك فين علشان أجربها ( أنا من أسكندرية و لما تنزل أسكندرية قولي قبلها )
خامسا أسترا و سيفيك أحسن من تيريوس؟
شكرا شكرا شكرا
والله ده من ذوقك واحنا بنتشرف بمثل حضرتك في المنتدى والله
ثانيا انصحك برضه تشوف الكورولا الجديده وكلها شر وهتلاقيها ماشيه في الشوارع ان شاء الله
ثالثا المبلغ يجيبلك الكورولا الفل اوبشن كويس وانا بصراحه لو مكانك لن اتردد اني احجز واحده الأن
لأن اكيد اكيد سعرها هيعلى واللي هيبقى معاه واحده هيبيعها بزياده لو معجبتهوش
والكورولا من العربيات اللي مهما كان الناس بتشتريها برضه
رابعا تركب السيفيك فين مش عارف بس اكيد في توكيل هناك عندكم حاول تسأل عليه وتروحله
خامسا مش مسألة انهي احسن مسألة انت عاوز تركب دفع رباعي وله عادي مش فارق
لو مش فارقه يبقى انصحك بالسيدان لكورولا لا سفيك ان شاء الله
روح يا باشا جرين بلازا فية هناك معرض المصرية
حتلاقى السيفيك معروضة انا لسة شايفها الجمعة الى فاتت
عزيزي
فكر في الأوبترا لو كنت حاتروح معرض بة عدد من الماركات
انا حاليا عندي اللانوس 2 والأوبترا والتيريوس
كل واحدة ليها ميزة
اللي فهمتة من كلامك انك مش مرتبط بجيب ، طيب لية عايز تركب تيريوس؟
اما اسيدان بالمبلغ اللي انت واضعة دة فالخيارات ماشاء اللة كتيرة جدا
واقترح عليك عدم الأقتراض وجيب حاجة في حدود 90 الي 100
زي الأوبترا فهي عربية ممتازة جدا ، انا سقتها سنة كاملة بعدين حملتها
وسافرت بيها من الكويت لمصر في يوم ونص
وكانت ماشاء اللة زي الفل
انا مش عايز ادخل في مقارنات مع حد ، بس لو لقيت فرصة انك
تبص عليها في المعرض يبقي كويس جدا"
اعتقد الكلام ده علي الكورولا 2007 .. اما الجديدة انا ركبتها في التوكيل ..و اقدر اقولك بكل ثقة ... وااااسعةاقتباس:
ثانيا أنا جلست في الكورولا و لقيتها أضيق من التيريوس و بالذات الكنبة اللورا
مع الاخذ في الاعتبار انني من ذوي الاجسام ...مثل حضرتك
بالتوفيق
ممكن حضرتك تفكر برضه في الواجا ... الميجان ... أو السوبارو إمبريزا ... أو الأسترا
طبعا القصد مش إن الواحد يزود حيرة حضرتك - بس أعتقد دي كلها خيارات متميزة من وجهة نظري - تتناسب بصورة عامة مع متطلباتك من السيارة كما وضحتها وكمان تتناسب مع الميزانية اللي حضرتك محددها.
وربنا يوقفك للصواب ونقولك مبروك قريب
شكرا لجميع من تفضل بوقته عليه في أبداء رايه
و اخص منهم الأخ أبو عبد الله
أنا جلست فالكورولا 2008 في التوكيل في داون تون و كان معايا واحد صحبي طوله عادى و جلست في الكرسى الأمامي و هو ورايه , أتزنقت رجليه و معرفش يطاع من العربية إلا بعد ما طلعت بالكرسي للأمام و الدركسيون دأر في رجلي
قبل كده رحت أنا و صحبي ده هو هو توكيل ديهاتسو في سموحه و جلست في الكرسى الأمامي للتيريوس و هو ورايه قلي أنها واسعه فنزلت منها و ركبت وراء بدون ما أحرك الكرسي الأمامي لقيتها معقوله طبعا مش ذي ماتيريا لكن معقوله
الأوبترا وسعه بس أعتقد أن التريوس أجمد منها بمراحل سواء كانت عفشة أو صاج أو متور لكن هل الفرق في السعر (38000) كتيير وللآ التيريوس تستاهل الفرق ده
أنا معاية بالضبط 95000 و كنت ناوي أقسط الباقي من البنك ذى زميلي في الشغل
أسف للأطاله عليكو و لكن سعة صدركم هي اللي طمعتني أقول الدَش ده كله و مطمعاني في أن أشوف ردودكم و تجاربكم ذى الأخboty50
شكرا مقدما على أخلصكم و وقتكم
شوف يا استاذ محمد انا رايي حاجه من اتنين اوال أحسن الأختيار الأول
انك تجيب ماتيريا كامله بــ 100 ومش فاكر كام الف
لو عاجباك علشان الوسع الداخلي
ولو داخل في دماغك التيريوس يبقى هاتها هيا طبعا عربيه حلوه
ولكن احنا بنقولك انها لو مش هتفرق معاك الجيب يبقى هاتلك سيدان كويس زي السيفيك او الكورولا
وبما ان الكورولا مش مريحاك في الوسع الداخلي يبقى خليك في السيفيك او التيريوس ايهما تفضل
واحنا موجودين لو عاوز اي استفسار جديد برضه مفيش مشكلة
بس قولي انت شوفت الكورولا الجديده ............. ياريت تقولنا انطباعك
انا راى ان ال abs و ال AIRBAGS مهمين جدا جدا و انت ممكن متستخدمهمش ( و ان شاء الله متستخدمهمش خالص ) غير مرة فى العمر و فى المرة دية هنا بيبان اهميتها يعنى لاقدر الله ممكن ال abs ينفعك لو فية حتة زلقة و انت عاوز تحود ضرورى يا اما حتخش فى عربية و الأيرباج طبعا كلنا عارفين اهميته و انا اعرف ناس والله الأيرباج حماهم الحمد لله واحد بنيسان صنى و واحد برينو كليو
الكورولا الجديدة فعلا يارس ممطوطه من بره و كان ممكن يخلوا شكلها أحسن من كده بالذات المصابيح البارزه سواء الأماميه أو الخلفية ذي ما تكون اللمبه سخنت فالزجاج قفع
أنا قرأت ليك رد في منتدى تويوتا هو........
اقتباس: Hatem Sallam
بس أنا قررت أجيب 4*4 خلاص
العربيات السيدان الضعيفة دى مش معمولة لبلدنا
رد : أبو عبد الله
في الوضع الحالي كلامك صح
علشان كده حجيب التريوس ( واسعه - عاليه - جامده - أمكانيات معقوله - عفشه - بودي - أكسسوارات )
شكرا لردك على Hatem Sallam اللي حسم الموضوع
ربنا يباركلك ويعطيك خيرها ويكفي عنك شرها
وانصحك بكثرة الأستخارة
الأخ fahd_628 ممكن تفدني في موضوع ان الـ AIRBAGS بتفتح من أقل تريحه في الركن و ممكن تأذي السائق ذي محصل لواحد قريب زميلي في الشغل و اللي بقولي ملهمش عازة داخل المدينه مع العلم أني مابسفرش بالعربيه و بيقول كمان أن صيانتهم غاليه قوي في حدود 10000جنية لو أتفتحوا نتيجة خبطه صغيره و شكرا لأهتمامك
شكرا يا أبو عبد الله و ياريت نتقابل في أقرب فرصه لأشكرك بنفسي
لا شكر على واجب علينااقتباس:
شكرا يا أبو عبد الله و ياريت نتقابل في أقرب فرصه لأشكرك بنفسي
احنا هنا اخوات بنخاف على بعض وعاوزين الخير لبعض ان شا ءالله والأحسن
وان شاء الله نتقابل علشان نجرب العربيه الجديده بإذن الله
أبو عبدالله أنت مردتش على باقي أسألتي
أنا معايا 95000 و الباقي حقسطو من البنك أجيب تيريوس بـ 111500 وللا الأتوماتك يستاهل الفرق الزياده و ال4*4 يستاهل الفرق الزيادة و الفول أوبشن يستاهل الفرق الزيادة و الـABS & Air bags يستاهل الفرق الزياده و تبقى بـ 138500 يعني أقسط 16500 على سنه وللا 43500 على سنتين مع شد الحزام شويه؟؟؟؟ و شكرا
بص انا لما اشتريت عربيتي كان الفرق بينها وبين الموديل اللي قبلها 5 الاف جنيه
وكان الفرق في الكماليات :
1- الجنوط الاسبور دايهاتسو وهي تباع لوحدها بــ 3 الاف جنيه في التوكيل
2- نظام الــ ABS و EBD لتوزيع الفرامل الالكتروني
3- السي دي المدمج في التابلوه
4- الاسبويلر الأصلي بالخلف
5- الأر بي ام المدمج على التابلوه
كل هذا بــ 5 الاف جنيه
فالكماليات مع دايهاتسو مقارنة بالسعر بتبقى جيده
وانصحك بنظام الــ ABS و الــ EBD
اما الدفع الرباعي لو انت مش غاويه او مش فارقه يبقى ملهوش لازمة بس لو هو متعلق بالكماليات يبقى اتوكل على الله وربنا معاك وويسرلك الخير ان شاء الله
ألف شكر يا أبو عبد الله أنت كده ريحتني من جهة الفلوس الزيادة اللي حدفها
بس أخر سؤال و مش حتقل عليك بعد كده
فية عربيات موديل 2007 أرخص 2500 من موديل 2008 يترا رأيك أشتري 2008 وللا 2007 و بالـ 2500 أكسسوارات زيادة
وربنا يصبرك علينا و يجزيك عنا خير :lol:
مع العلم بأن الموديلين واحد و الفرق الوحيد في 2008 هو و جود علبه منفصله شبه الكانز بقولوا أنها طفاية سجاير و انا مابشربش سجاير أرجو الأفاده :eek:
استنى لما اتأكدلك الاول لن تقريبا الفرق ده لازم يكون فيه كماليات زياده او اي حاجه زياده
وساعات بتبقى حاجات مش واضحه لنا او تعديلات على اشياء مش معروفه لنا
انا رايي انك تخليك في الجديده احسن وهتأكدلك برضه بإذن الله
على فكره يا استاذ محمد لو بتدور اساسا على عربيه واسعه انصحك تشوف العربية نيسان Tiida عربية تقفيل يابانى بالكامل و من شركة محترمة وواسعة جدا من جوه و فيها اير باج و ABS و بقوة 118 حصان و كملن ممكن تعمل Test Drive
الحقيقة انا مستغرب ليه مش منتشرة مثلا مقارنة بالصنى اللى تقفيلها مصرى بس الانتشار و عدمه مش دايما دليل على الجودة و سوق العربيات فى مصر عجب و مالوش علاقة بالسوق الخارجى خصوصا فى اوربا و امريكا .. جربها و مش حتخسر حاجة .
شكرا يا يا اخ electroman أنا جربت الصني و لقيتها ديقه بس لسه مجربتش التيدا أو السيفيك و سوف أجربهم في المصرية للسيارات بس حكاية الـTest Drive معرفش تكون فين بالضبط الوكيل في سيدي جابر معندوش الموضوع ده يا ريت تقولي أعمل Test Drive فين في أسكندرية و يبقى كتر خيرك بس عموما أنا مستريح للتريوس كشكل و مضمون بس تمنها حيتعبني شويه في أنتظار ردك
لا يا باشا الأيرباج بتفتح فى حاله التصادم القوى بس و لو خبطتها و انت بتركن مش حيحصل حاجة ;)
شوف يا استاذ محمد التيدا عربيه حلوه بس اغلى شوية من الصنى عشان تقفيل يابانى بس احسن كتير.. فى منها فتيس عادى او اتوماتيك .. شكل سيدان و شكل هاتش باك.. فيها ABS - اثنين ايرباج - ريموت - Immobilizer - جنزط سبور - 4 قزاز كهرباء - فوانيس شبورة - و طبعا باور و سنتر لوك و و كاسيت - فتح التنك من الداخل و اوبشنات تانية ..
انا اعرف ان التوكيل فى الفاهرة بيسمح بعمل Test drive و غالبا فرع اسكندرية حيوافق ..
عنوان التوكيل فرع اسكندرية : شركة مودرن موتورز - سيدى جابر - تليفون :4250773 - 4250774 .. و فى موزع تانى فى جناكليس و ربنا يوفقك .
انا من وجهة نظرى تجيب التيريوس هيه اللى تنفع فى مصر انا معايا صنى 2007 ومطلعة عينى فى المطبات هبيعها واجيب تيريوس 2008 اوتوماتيك ان شاء الله علشان امشى برحتى بجد اتعقدت من شوارع مصر
شكرا يا electroman على المعلومات ديه و أن شاء الله حروح التوكيل فرع اسكندرية و أسأل على موضوع الـTest drive و أركبها و أجرب مع أني مقتنع برأي mohaismail المشكور على مساهمته في الرد على أستفساري و طمعان في أنك يا mohaismai تقولي أيه الفرق بالضبط بين موديل تيريوس 2007 و 2008 مع العلم أن 2007 أرخص 2500 جنيه في أنتظار ردك و شكرا مقدما
التريوس برضه عربية يابانى و عاليه عن الارض ( كويسة فى الطول ) لكن اعتقد ان التيدا افضل من ناحية
العرض و الاتساع وكمان مريحه اكتر فى الجلوس .. بالنسبة للرأى اللى سمعته عن الصنى فذى ما قولت للك التيدا ده عربية تانية خالص غير الصنى سواء من ناحية قوة الموتور او التقفيل فا مفيش مقارنه .. على العموم جرب الاثنين و اللى تريحك خدها و بالتوفيق .