انا معايا 25000 جنية وعاوز اشترى عربية معوقين ودة هيبقى سعر العربية بس من غير قلوس المعوق ولا الترخيص يعنى العربية بس ب 25000 جنية لو سمحتم ضرووووووورى انا بفكر اشتر لانسر ميراج او لانوس
بس يا جماعة ياريت تفيدونى ونبى
عرض للطباعة
انا معايا 25000 جنية وعاوز اشترى عربية معوقين ودة هيبقى سعر العربية بس من غير قلوس المعوق ولا الترخيص يعنى العربية بس ب 25000 جنية لو سمحتم ضرووووووورى انا بفكر اشتر لانسر ميراج او لانوس
بس يا جماعة ياريت تفيدونى ونبى
ممكن تقولنا الخيارات المتاحه قدامك واحنا نقولك انهى احسنها
يعنى تقول النوع والحاله وكام كيلو متر والكماليات والموديل
بالنسبه لاجراءات فك الحظر والحاجات دى فى مواضيع كتير فى المنتدى ياريت حضرتك تستخدم السيرش
نصيحه وحضرتك حر , بلاش سيارات المعوقين
انا لسة معرفش انا ممكن اجيب اية انا مستنى النصايح يعنى اية الانواع اللى متاحة بالنسبة للمبلغ اللى معايا والمبلغ دة يجيب عربية ولا لا
بس انا عاوز عربية شبابية
وطبعا انا اشكر العضو احمد جاد الله لنصيحتة الغالية
طيب انا هقولك على عربيات عاديه من غير حوار المعوق ده بالتمن اللى حضرتك قولته
التمن يجيبلك العربيات التاليه مع ملاحظه انها فابريكه دواخل على الاقل
سيات ابيزا 1994 كوبيه فول اوبشن مانوال
فيات بونتو 1994 كوبيه فول اوبشن مانوال
اوبل كورسا 1995 كوبيه فول اوبشن مانوال
كيا برايد 1997 فول اوبشن مانوال
فيات اونو 1994 فول اوبشن مانوال
دايو ريسر 1994 فول اوبشن مانوال بس بيعها تقيل شويه وقطع الغيار اسمع انها فيها مشاكل ف التوفر وكده
ملاحظه ( الكوبيه بتبقى ارخص من ال 4 باب بحوالى 4 - 5 الاف جنيه .. عشان لو شفت عربيه 4 باب مثلا وعاوز تعرف سعر الكوبيه منها وده فى حاله المستعمل والموديلات زى اللى قلت عليها مش الجديد مثلا زى السيراتو وكده :d )
وربنا يوفقك
مش شايف يا mxz ان الاسعار دي قليلة شوية؟
وبالنسبة صاحب الموضوع انت بتسال علي ايه بالضبط؟ القوانين والورق وكده؟ ولا نوع العربية؟
ممكن يا استاذ كريم توضحلى نظرك فى الاسعار ..حيث انى متابع اسعار السيارات بقالى فتره لانى بدور على عربيه ولسه لم استقر .. وانا شوفت تقريبا حالات بيع لمعظم السيارات التى اذكرها بالسعر اللى بقوله .. ومش بحاول طبعا اجيب اى كلام من النت وخلاص ...
يعنى حضرتك وضحلى الغلط فين وان شاء الله ميكونش فى غلط و لاحاجه وانا عموما كاتب السعر النهائى للعربيات دى يعنى مش اول كلمه .. يعنى ممكن تسمع اول كلمه مثلا من 27 الى 28 الف .. والعربيه تخلص على 25 او 26 الف بالكتير .. يمكن حضرتك تكون فهمت قصدى دلوقتى ... ومستنى ردك
دى عموما صور من موقع كونتاكت كارز للسيارات المستعمله توضخ اسعار بعض سيارات الفيات بونتو اللى ذكرتها من شويه
http://s4.postimage.org/zAyhr-f453b1...7e826449dc.jpg
الف الف شكر يا mxz911 وانا اشكرك على مجهودك الغالى بس ممكن اعرف انا ممكن اجيب ميتسوبيشى ميراج بالفلوس دية
على ايه يا باشا احنا فى خدمتك :)
وبالنسبه للميراج .. اعتقد ان صعب شويه .. لان تقريبا العربيه الميراج العاديه فى حدود 45 الف (فما اكتر وحسب الحاله ) يبقى تمنها معاقين بيبقى حوالى 30 الف ...
لان الفرق بيبقى حوالى 15 الاف جنيه
ولانوس ممكن جدا تجيبها بسهوله معاقين بالمبلغ ده ...
وربنا يكرمك :)