مصر وحشتنى جدا جدا

**Abo_Lina** · 13-11-2009 01:56 PM

فعلا البلد دي فيها روح ..
أنا برضه لما بسافر بفتقد الزحمة و الصخب بتاع مصر و بيجيلي شعور بالوحدة ..
الظاهر إني خدت على العك

**dr.nemo** · 13-11-2009 03:55 PM

انا كنت كل مارجع مصر يكون بالليل
لدرجة ان مصر كانت بالنسبة لي خوف وظلام ودفء ومسجد وكنيسة جنب بعض منورين (اللي على الدايري)
دلوقتي الواحد الصورة راحت من خياله
شكلي خلاص اتعودت

**Mohamed.Ramah** · 13-11-2009 04:58 PM

انا لو ربنا كتبلى انى اسافر حتوحشنى بس بشرط اجى اقعد فيها اسبوع كل كام شهر كدة وارجع تانى ولو مسافر بلد عربية مش حيهمنى اوى لاكن لو بلد اوروبية فطبعا ححس بانى غريب ومتشوق اكم حد لدرجة ممكن اكلم اهلى واصحابى كل شوية

**analyzer** · 13-11-2009 05:28 PM

دى رابع مرة ليا اسافر بره مصر وفى كل مرة بحس بالغربه الشديده والوحشه للبلد على الرغم من انى ببقى محدد راجع امتى وعارف ميعاد .
قابلت ناس مصريين هنا فى امريكا ولما بيعرفو انى راجع بيقولولى ايه ده انت مجنون ترجع تانى اقولهم اه بحب الزحمه بتاعت مصر
اسيبكم الان الراجل هيبدء الشرح وهرجعلكم فى البريك

**youssefmustang** · 13-11-2009 06:37 PM

احسنلك واكرملك ماترجعش عشان لو رجعت هتندم ندم شديد وتغلطش غلتطى قعدت اقول مصر وحشتنى مصر نليتنى مصر حبيبتى لحد مارجعت ويارتنى مارجعت ....عشان ضغط الدم هيعلى القلق هيزيد الندم مالهوش لازمة خليك مكانك حتى لو كنت فى الصومال اريحلك بمراحل كتيييييييييير من هنا

**sherif_84** · 13-11-2009 07:36 PM

طبعا لازم مصر توحشنا لما بنسيبها عشان أم الدنيا
وربنا يوفقك فى سفريتك ان شاء الله وترجع لنا بالسلامة وتنور مصر ام الدنيا

**hishamanilka** · 13-11-2009 07:36 PM

المشاركة الأصلية كتبت بواسطة horas3000

عادي يا زعيم
ده عارض نفسي اسمه home sick
و يهروح اول ما تتعود علي الوضع الجديد اللي انت فيه
و صدقني لما تتعود و تنزل اول اجازة لمصر هتقول انا ايه اللي رجعني تاني

مش شرط اللي بيحس بكده واحد مصري مش اصيل انما اللي اتربي في مصر واطحن فيها وشاف قرفها سبحان الله بيزيد حبه فيها لما بيسافر بره انما وهوه جوه بيسب ويلعن علي راي المثل مصر مستحمله كل الناس والناس مش مستحملاها وردا علي كلامك انا بقالي 3 سنين متواصله عايش في اوروبا ومنزلتش مصر فيهم يعني اتعودت علي الحياه هنا زاي ما بتقول انما هموت علي تراب بلدي

**Abdo_Eldesokey** · 13-11-2009 08:27 PM

أنا قضيت شهر 7 الي فات كله في سوريا

وعايز أقلك محستش بغربة دقيقة واحدة ، مع إن دي دولة عادية زيها زي مصر مش أوروبا أو أمريكا

وكنت تشوف شكلي يوم الرجوع .. قمة الكآبة والحزن ، ومجرد ما الطيارة نزلت في مطار القاهرة الواحد حس بتقل على صدره

الكلام ده بجد الي أنا حسيته

أنا مش عايز من مصر دي غير أهلي واصحابي .. غير كده مش عايز منها حاجة

**analyzer** · 13-11-2009 10:57 PM

هقولكم على حاجه : من ساعة ما جيت هنا مسمعتش الاذان ولا مرة لدرجه ان الاذان وحشنى جدا فما بالكم بباقى فروض دينى الى مش قادر اوفيها هنا يعنى هنا يعنى هخصر دينى دى رقم واحد

الموضوع: مصر وحشتنى جدا جدا

LinkBack

أدوات الموضوع

عرض

-

-

-

-

-

-

المواضيع المتشابهه

وحشتنى يا راجل سبعاااوى

كريم منير ...........وحشتنى

السنيورة وحشتنى اوى

الكلمات الدلالية لهذا الموضوع

المفضلات

المفضلات

ضوابط المشاركة