الاخوة الاعزاء
السلام عليكم ورحمة الله وبركاته
بقالى اسبوعين اثنين بس بره مصر ولكن هتستغربو لما اقول ان مصر وحشتنى جدا جدا بكل ما فيها من سلبيات وايجابيات وحاسس بغربه شديده جدا ومشتاق ارجع بلدى وسط اهلى وناسى
بس حسيت انى نفسى افضفض معاكم
عرض للطباعة
الاخوة الاعزاء
السلام عليكم ورحمة الله وبركاته
بقالى اسبوعين اثنين بس بره مصر ولكن هتستغربو لما اقول ان مصر وحشتنى جدا جدا بكل ما فيها من سلبيات وايجابيات وحاسس بغربه شديده جدا ومشتاق ارجع بلدى وسط اهلى وناسى
بس حسيت انى نفسى افضفض معاكم
انا نفسي مصر توحشني .. لو فاهم قصدي .
ان شاء الله ترجع بالسلامه يا استاذ عبد المجيد وتنور اهلك وبلدك
ترجع بالسلامة
الكليب خلاني مصر وحشتني
غريبة البلد دي .. تبقي قرفان منها وبتحبها في نفس الوقت
ان شاء الله ترجع مصر فى اسرع وقت
اكيد ماهو اللي ايده في المية مش زي اللي في النار
ربنا يرجعك بالسلامة
وبرضو بنحبها رغم اللي الناس فيه
مصر ام الدنيا ..... بس الدنيا سابتها وخلعت منها :M_yes[1]: ههههههههه :M_yes[1]:
ربنا يوفق
مش اتربيت هنا !! و قضيت عمرك كله هنا !
اكيد هتوحشك , مش موضوع مصر ولا فرنسا اى مواطن كده ..
ربنا يصبرك .
عادي يا زعيم
ده عارض نفسي اسمه Home Sick
و يهروح اول ما تتعود علي الوضع الجديد اللي انت فيه
و صدقني لما تتعود و تنزل اول اجازة لمصر هتقول انا ايه اللي رجعني تاني
فعلا البلد دي فيها روح ..
أنا برضه لما بسافر بفتقد الزحمة و الصخب بتاع مصر و بيجيلي شعور بالوحدة ..
الظاهر إني خدت على العك
انا كنت كل مارجع مصر يكون بالليل
لدرجة ان مصر كانت بالنسبة لي خوف وظلام ودفء ومسجد وكنيسة جنب بعض منورين (اللي على الدايري)
دلوقتي الواحد الصورة راحت من خياله
شكلي خلاص اتعودت
انا لو ربنا كتبلى انى اسافر حتوحشنى بس بشرط اجى اقعد فيها اسبوع كل كام شهر كدة وارجع تانى ولو مسافر بلد عربية مش حيهمنى اوى لاكن لو بلد اوروبية فطبعا ححس بانى غريب ومتشوق اكم حد لدرجة ممكن اكلم اهلى واصحابى كل شوية
هو ده الاحساس بالوطن والغربة لما تبعد عنه واللي ميحسش كده لما يبعد عن بلده يبقي مبيحسش
ده انا لما بسافر اصيف بيتي بيوحشني
اكيد كلنا كده
دى رابع مرة ليا اسافر بره مصر وفى كل مرة بحس بالغربه الشديده والوحشه للبلد على الرغم من انى ببقى محدد راجع امتى وعارف ميعاد .
قابلت ناس مصريين هنا فى امريكا ولما بيعرفو انى راجع بيقولولى ايه ده انت مجنون ترجع تانى اقولهم اه بحب الزحمه بتاعت مصر
اسيبكم الان الراجل هيبدء الشرح وهرجعلكم فى البريك
احسنلك واكرملك ماترجعش عشان لو رجعت هتندم ندم شديد وتغلطش غلتطى قعدت اقول مصر وحشتنى مصر نليتنى مصر حبيبتى لحد مارجعت ويارتنى مارجعت ....عشان ضغط الدم هيعلى القلق هيزيد الندم مالهوش لازمة خليك مكانك حتى لو كنت فى الصومال اريحلك بمراحل كتيييييييييير من هنا
طبعا لازم مصر توحشنا لما بنسيبها عشان أم الدنيا
وربنا يوفقك فى سفريتك ان شاء الله وترجع لنا بالسلامة وتنور مصر ام الدنيا
مش شرط اللي بيحس بكده واحد مصري مش اصيل انما اللي اتربي في مصر واطحن فيها وشاف قرفها سبحان الله بيزيد حبه فيها لما بيسافر بره انما وهوه جوه بيسب ويلعن علي راي المثل مصر مستحمله كل الناس والناس مش مستحملاها وردا علي كلامك انا بقالي 3 سنين متواصله عايش في اوروبا ومنزلتش مصر فيهم يعني اتعودت علي الحياه هنا زاي ما بتقول انما هموت علي تراب بلدي
أنا قضيت شهر 7 الي فات كله في سوريا
وعايز أقلك محستش بغربة دقيقة واحدة ، مع إن دي دولة عادية زيها زي مصر مش أوروبا أو أمريكا
وكنت تشوف شكلي يوم الرجوع .. قمة الكآبة والحزن ، ومجرد ما الطيارة نزلت في مطار القاهرة الواحد حس بتقل على صدره
الكلام ده بجد الي أنا حسيته
أنا مش عايز من مصر دي غير أهلي واصحابي .. غير كده مش عايز منها حاجة
هقولكم على حاجه : من ساعة ما جيت هنا مسمعتش الاذان ولا مرة لدرجه ان الاذان وحشنى جدا فما بالكم بباقى فروض دينى الى مش قادر اوفيها هنا يعنى هنا يعنى هخصر دينى دى رقم واحد
رقم 2 مصر يعنى اهلى وناسى وقرايبى وعيلتى وامى واولادى وزوجتى وشغلى
اسيب كل دول فى مقابل ايه
فلوس واكل وشرب نظيف وسكن واقامة نظيفه
-------
لا يبقى خلينى مع دينى واهلى وبيتى احسن
واستحمل العيشه الغولب الى عايشينها فى مصر احس من الغربه وخسارة الدين
مهما كان ده برده مصر انا سافرت 6 سنين بره عادلا كنت فرحان قول ما سافرت بس عايز اقولم محستش بالامان بقول لنفسه مهما كان ده بلدى مع انى فيها سرقات وقتل واغتصاب بس اسمى ف بلدى وسط اهلى لو وقعت هلاقى حد ينجدنى ويساعدنى لكن بره لو وقعت ممكن مقومش تانى هى ده الفكره
مهما بعد لازم تحن للمكان الى تربيت فيه وشوفت فيها بدايه حياتك مع انى سافرت وانا لسه ف 2 حضانه هههه
صح مفيش امان اجتماعى خالص هنا يعنى لو حد وقع الناس بتمشى من حواليه وتسيبه زى ما هو مرمى فى الشارع
وان شاء الله لما ارجع مصر هحكيلكم عن كام واحد قابلته هنا وايه الى حصل معاه
مصر عمرها ما توحشني
انا مستعد ادي كل واجبي الي عليا ليها اكيد
لكن توحشني ....ليه
انا بجد بحييك علي ثبات موقفك ورغم كل الكلام اللي اتقال لسة بتقول ان مصر وطنك وطبيعي توحشكاقتباس:
مصر الى اقصدها هى : الاهل والاسره الام والاب الاخوة الزوجه الاولاد
وكمان طبيعة الحياه فى مصر
الروح الى مش هتلاقيها فى اى مكان بره مصر
ده بعيد عن سلبيات الحياه : انا مبقولش ان مصر دى جنه لا مش كدا خالص
فعلا مصر مش جنة بس برده لو سافرت برة وانت لوحدك ومفيش امان برده عمرك ما هتبقي في جنة
انا شايفة ان شعور مش وحش انك تبقي عايز ترجع ومش قادر تتأقلم بس خلص اللي وراك هناك ومصر مستنياك لانها في الاول والاخر بلدك مهما حصلك فيها برده ارحم من الغربة في مكان انت متعرفش ايه اللي مستنيك فيه
على حسب انت فين برة مصر
لان دى حصلت معايا مرة واحدة بس ساعتها كنت فى موريتانيا
طبعا مصر وحشتنى جدا
لكن مرة تانية كنت فى انجلترا
توقع انت بقى الباقى
المشكلة ان انت لما تسافر بتشتاق للناس , اهلك و اصحابك
حتي السلبيات بتوحشك , يعني مثلا يوم في الشهر العقاري بتعمل توكيل قبل ما تسافر ... هتفتكره و هتتنهد
عشان كان معاك واحد صاحبك مقضي معاك المشاوير
و يا سلام لما تسمع اغنية مكانتش بتفرق معاك قبل كدة بس لما تسمعها و انت في الغربة
كنت رايح الشغل و بسمع راديو بانوراما و كان وقت الحرب علي لبنان و جابوا اغنية داليدا حلوة يا بلدي .... وانا اعيط يا خرابييي
اخر مرة سمعت فيها داليدا من كام يوم بعد ما اترزعت و قعدت في مصر
حلوة يا بلدي اه حلوة بس عشان بتجيب السكر و ضعط الدم
انا فى عاصمة امريكا والكرة الارضيه
واشنطن وبعدين نيويورك والان انا فى شيكاغو
ودى رحلة عمل وتدريب وفسحه يعنى مرفه جدا الى ابعد الحدود وعايش فى مستوى لو قعدت احوش 100 سنة فى مصر مش هعرفه اعيش نفس المستوى ده
ومع ذلك عايز ارجع بلدى وسط اهلى وناسى
قابلت واحد هنا مصرى وماه الجنسيه من 20 سنة ومقيم هنا
عنده بيت كبير وعربيات واسرة
بس حزين زبيبكى ويتمنى يرجع بيه الزمن تانى ويعيش فى مصر
بقوله بتتمنى ايه عنيه دمعت وقالى اتمنى اموت وادفن فى مصر
حضرتك الراجل ده عنده ولدين وبنت
كانو بيصلو فى البيت جماعه مع بعض وبيحفظو قراء
الولد الاكبر اول ما وصل 18 سنة خرج اشتغل وعاش لوحده ومعاه الجيرل بتاعته ( طبعا دى مصيبه )
الولد الاصغر عنده دلوقتى 16 سنة وبدء يبقى عقلانى جدا فى تفكيرة لدرجه انه بطل يعترف ان فى اله ( الله )
وبقى يعتمد ان كل شئ بالتفكير والاجتهاد
البنت مامتها نزلتها مصر وجوزيتها قبل ما يحص اى مصيبه لها
يا ترى تفتكرى دى تبقى عيشه يعمل ايه بالفلوس ولا النظلم ولا النظافه لما يقف امام ربه ويسئل عن الى حصل ده
هيقول يارب اصل هى البلد دى كدا بعد 16 سنى انا مليش حكم على اولادى
اكيد هيشيل ذنبهم
الاغنية دة متاثر بيها جد ا
YouTube - ‫ظ…ط§ ط´ط±ط¨طھط´ ظ…ظ† ظ†ظٹظ„ظ‡ط§,ط´ظٹط±ظٹظ†  2c;‎
ترجعبالسلامه ياباشا لبلدك وناسك
وزي ما قلت مصر(وطني) هي اهلي واصحابي وجيراني وزكريات
احييييييييك يا analyzer
اللى عايز يعيش كويس هناك هيعرف يعيش زى ما هو عايز
تربيه الاولاد اكيد هتبقى اصعب عشان كدة دة حمل زيادة على الوالدين
لكن ان الحل اننا نروح مكان اعرف اضرب ابنى و محدش يقولى بم يبقى دة استسهال
النضافة و النظام دول مسئوليه
وبعدين انا اعرف ناس مصريين و معاهم الجنسية الامريكيه و لسة صعايدة زى ما هما
وامريكا يا عزيزى بلد التنوع و هما بيحكولى عن ولايات معينه فيها امريكان صعايدة و مخهم قفل فى المواضيع دى زى عندنا بالظبط
لكن الفرق ان البلد بتدى الحريه لاى حد يعمل بيها اى حاجة مادام مبيضرش حد