الحمد لله....النيو اكسنت اتخبطت....ساعدوني يا اخوانا

**mhmdsfwt** · 13-11-2009 08:52 AM

وانا راجع من المطار اول امبارح الساعة 10 بالليل بعد ماوصلت امي عشان الحج...عقبال عندكو...وانا في موقف العاشر بمدينة السلام وماشي وواخد الحارة الشمال جنب الكوبري اللي بيعملوه...
كان ادامي عربية نقل وماشيين بسرعتنا عادي...تقريبا الهواء الناتج من حركة العربية النقل حرك حتة صاج ملخلخة من السور اللي تحت الانشاء ( الله ينتقم منهم)...راحت واقعة فوق عربيتي فكسرت الازاز الامامي وطبقت السقف من عند السواق كده وطيرت المراية الشمال وجرحت الباب الامامي الشمال والرفرف الشمال الخلفي....
طبعا ركنت على جنب....وبصيت على العربية..واتقهرت جامد
ولا حول ولا قوة الا بالله ودي صورة العربية

المهم كلمت ابن عمي عشان نروح مركز سمكرة ودوكو اللي بيتعامل معاه في عين شمس
المهم المهندس بص على العربية....وقاللي هتكلف 4000 جنية سمكرة ورش ..طبعا هيرش سقف وقايم وجنب العربية الشمال...والازاز والمراية هيعملو حوالي 800 جنية
فانا مشعارف السعر ده مبالغ فيه ولا ايه..خصوصا اني مش مأمن على العربية...بس واضح ان المركز ده شغله نظيف..وعند اجهزه حديثة في استعدال الصاج وتظبيط العربيات
اعمل ايه يا جماعة الخير افيدوني؟؟؟؟اعملها عنده..ولا الم الموضوع في اي ورشة تانية ب 1000 او الفين جنيه.....

**nab!l** · 13-11-2009 08:57 AM

ربنا يعوض عليك

**A.Saad** · 13-11-2009 12:05 PM

كتير السعر ده

**ezzatfox** · 13-11-2009 02:15 PM

معلش يا محمد .. قدر الله و ما شاء فعل
هى الصورة مش مبينة الاضرار اللى فى الباب و الرفرف الخلفى فمش عارف بصراحة اقلك السعر دة مناسب و لا لآ
عموما حاول بردة تروح الحرفيين و تسمع منهم و قارن بعد كدة

**Beam28** · 13-11-2009 03:36 PM

قدر الله وماشاء فعل وأجارك الله في مصيبتك

**حماده المصري** · 13-11-2009 06:50 PM

مش عارف اقول ايه عشان مقدرش اقييم المركز

بس حضرتك لو عندك استعداد تدفع ال 4 الف جنيه بص على التوكيل او مركز خدمه معتمد اكييد هيصلح السقف بجوده 100% متبانش انه كان مخبوط اساسا حتى لو هتدفع ال 4 الف كلهم بس في السقف

وبعدين ليه رش الجنب الشمال هوه الرفرف والباب فقط

**chicobon** · 15-11-2009 12:40 AM

انشاء الله تتصلح و ترجع زي مكانت المهم انك بخير و الحمد لله علي كل شي

**mhmdsfwt** · 16-11-2009 10:18 PM

طب معلش يا رجالة محدش يعرف مراكز للاصلاح محترمة؟؟؟؟؟؟؟؟؟؟؟؟؟

**Eng.Geo** · 17-11-2009 09:04 AM

يا ساتر يا رب
شكلها متعب
قلبي معاك وانشاء الله تطلع افضل من الاول

الموضوع: الحمد لله....النيو اكسنت اتخبطت....ساعدوني يا اخوانا

LinkBack

أدوات الموضوع

عرض

الحمد لله....النيو اكسنت اتخبطت....ساعدوني يا اخوانا - انشر الموضوع فى :

-

-

-

-

المواضيع المتشابهه

النيو صني اتخبطت

الحمد لله استلمت النيو اكسنت 2010

النيو اكسنت اتخبطت اعمل ايه؟ :(

الحمد لله استلمت النيو اكسنت من يومين

يا جماعة حد يساعدنى اختار ايه النيو واجا ولا النيو اكسنت

الكلمات الدلالية لهذا الموضوع

المفضلات

المفضلات

ضوابط المشاركة