أرجو المساعدة : مشاكل ومحتاج حلول ؟

**wookiee** · 13-11-2009 10:19 AM

اصدقاء المنتدى الكرام ,

أنا عندي لانوس موديل 1999 عاملة 103000 ومحتاج رأيكم في الاتي :

1- الفرامل ضعيفة ومش عارف أعمل إيه ؟ اغير التيل؟ ولو هو موضوع تيل أجيب تييل نوعه إيه ؟ وهل لو غيرت زيت الفرامل حتفرق ؟ وليه الفرامل بتخف لما بشغل التكيف ؟

2- الزاوية عندي ضربة خالص ...ومحتاج حد فنان في الزاوية ..أنا رحت ل كذا حد وتعبت ..ومحتاج بجد نصيحتكم .أروح ل مين يقدر يصلح الموضوع ده ويرجع الزاوية كما كانت زمان ..

3- حاسس إن الدركسيون فيه بوش شوية ...هل كده أنا محتاج اغير بيض المقاسات ؟
واغيره منين وفين ؟ وهل في حاجة تانية المفروض تتغير في العفشة تحت ؟ أي جلب ؟

4- الموتور , الخراطيم اللي شايلة الهوا وداخلة للموتور عليها زيت دايما مع إني غيرته ...
في ناس قالتلي محتاج تغير جوان اللي حوالين وش موتور ...اغيره فين ؟ وهل ده السبب فعلا ؟

سؤال أخير ...هل تعرفه ميكانيكي خبير في اللانووس ؟؟ ...يكشف كده عليها ويشوف لو في حاجة تانية محتاجة .....

متشكر جدا ل كل ردودكم ...ونصايحكم ..

**samirayad** · 13-11-2009 10:44 AM

1- الفرامل ضعيفة ومش عارف أعمل إيه ؟ اغير التيل؟

أكشف على التيل كله (أمامى وخلفى ) وغير الزيت
لأن العربيه عدت ال100 ألف

ولو هو موضوع تيل أجيب تييل نوعه إيه

الزملاء بيشكروا فى التيل نوع جولد

؟ وهل لو غيرت زيت الفرامل حتفرق

مفيش شك

وليه الفرامل بتخف لما بشغل التكيف

ده سؤال حساس شويه
وملوش تفسير غير أنك مع أستعمالك للفرامل بتتحول السياره الى وضع قريب من السلانسيه (لأنك بتسيب الأكسراتير )
ونظرا لأن السياره بتكون فى وضع تحرك والهواء اللى داخل للمحرك
قادم من بلف الأيدل (يعنى هواء ضعيف )
ومتاخد معظمه لداخل المكنه لأن التكييف شغال
يعنى الهواء اللى رايح للسيرفو ضعيف مما يعنى التأثير على الفرامل
لأن المكنه واخده هواء كتير فى اللحظه دى (لأن التكييف بياخد منها حمل ولازم تديهوله وألا المكنه حتنام )

وعلشان الجزئيه دى
عاوزك تعمل أيدل ليرن بخطواته الصح وتجرب
يمكن ده يجيب معاك نتيجه أفضل

2- الزاوية عندي ضربة خالص ...ومحتاج حد فنان في الزاوية ..أنا رحت ل كذا حد وتعبت ..ومحتاج بجد نصيحتكم .أروح ل مين يقدر يصلح الموضوع ده ويرجع الزاوية كما كانت زمان ..

أن شاء الله الزملاء يدلوك على مركز متخصص فى ظبط الزوايا
وتكون سمعته طيبه

4- الموتور , الخراطيم اللي شايلة الهوا وداخلة للموتور عليها زيت دايما مع إني غيرته ...
في ناس قالتلي محتاج تغير جوان اللي حوالين وش موتور ...اغيره فين ؟ وهل ده السبب فعلا ؟

غسله كويسه للمكنه مع ضبط مقاس الزيت والمتابعه
حتبين التسريب عندك منين
وغالبا حيكون جوان غطاء التاكيهات
مع التأكيد على رباط خط الفائظ

3- حاسس إن الدركسيون فيه بوش شوية ...هل كده أنا محتاج اغير بيض المقاسات ؟
واغيره منين وفين ؟ وهل في حاجة تانية المفروض تتغير في العفشة تحت ؟ أي جلب ؟

محتاج عفشجى كويس يشيك على دايرة التوجيه وخصوصا بيض الدركسيون
وبرضه ياريت تخليه ياخد هواء دايرة الباور وغير زيت الباور كمان بالمره

سؤال أخير ...هل تعرفه ميكانيكي خبير في اللانووس ؟؟ ...يكشف كده عليها ويشوف لو في حاجة تانية محتاجة .....

توضيحك لمحل أقامتك حيساعد الزملاء فى تحديد صنايعيه كويسه فى نطاق أقامتك

**wookiee** · 13-11-2009 01:06 PM

أنا ساكن في القاهرة الجديدة , أي مكان قريب من مدينة نصر أو مصر الجديدة يكون ممتاز ,

**wookiee** · 13-11-2009 01:07 PM

[QUOTE=samirayad;3872121581

متشكر جدا يا سمير باشا

**wookiee** · 13-11-2009 01:10 PM

أنا منتظر ياجماعة ردودكم وترشيحاتكم ل ميكانيكية وبتوع زوايا واغير التييل فين والظابط الهوا بتاع الفرامل والباور

**samirayad** · 13-11-2009 01:28 PM

[QUOTE=wookiee;3872121726][QUOTE=samirayad;3872121581

متشكر جدا يا سمير باشا[/QUOTE]
ياباشا الله يخليك
وتمنياتى لك بالتوفيق
أن شاء الله

**MMamdouh** · 13-11-2009 06:18 PM

المشاركة الأصلية كتبت بواسطة wookiee

1- الفرامل ضعيفة ومش عارف أعمل إيه ؟ اغير التيل؟ ولو هو موضوع تيل أجيب تييل نوعه إيه ؟ وهل لو غيرت زيت الفرامل حتفرق ؟ وليه الفرامل بتخف لما بشغل التكيف ؟

التيل الاصلى و الجولد كويسين بس ممكن مشكلتك تبقى من الطنابير... هى عاملة كام الف الطنابير بتاعتك؟؟

2- الزاوية عندي ضربة خالص ...ومحتاج حد فنان في الزاوية ..أنا رحت ل كذا حد وتعبت ..ومحتاج بجد نصيحتكم .أروح ل مين يقدر يصلح الموضوع ده ويرجع الزاوية كما كانت زمان ..

روح fit & fix ناصية عباس العقاد و النحاس... و هناك حيضبطوا الزوايا و يقولولك اذا كان الكاوتش محتاج تغيير ولا لا (لو الكاوتش وحش حيخللى العربية تحدف)

3- حاسس إن الدركسيون فيه بوش شوية ...هل كده أنا محتاج اغير بيض المقاسات ؟
واغيره منين وفين ؟ وهل في حاجة تانية المفروض تتغير في العفشة تحت ؟ أي جلب ؟

حسب الكشف... لازم عفشجى يبص على بيض المقصات و بيض الطرف و جلب المقصات و جلب السكترة... و لو بيض المقصات او البلى فيها حاجة حيبان عند بتاع الزوايا

4- الموتور , الخراطيم اللي شايلة الهوا وداخلة للموتور عليها زيت دايما مع إني غيرته ...
في ناس قالتلي محتاج تغير جوان اللي حوالين وش موتور ...اغيره فين ؟ وهل ده السبب فعلا ؟

قصدك خرطوم العمة؟؟؟ دة مش حيجيلة زيت الا لو خرطوم البخار بايظ... راجع على حالتة و اتاكد انة مش مشقق او مقطوع

جوان غطا التاكيهات سهل تغييرة عند اى ميكانيكى... المهم تشترى الجوات العريض مش الرفيع

سؤال أخير ...هل تعرفه ميكانيكي خبير في اللانووس ؟؟ ...يكشف كده عليها ويشوف لو في حاجة تانية محتاجة .....

محمد عبدة

http://www.nilemotors.net/Nile/29619-a.html

MMamdouh

**MMamdouh** · 13-11-2009 06:55 PM

الطنابير عاملة 103 الف... بسم الله ما شاء الله... عربية الوالد عاملة 127 الف و راكب فيها تالت طقم طنابير

غالبا حتبقى الطنابير عندك فيها ريجة و دة من اسباب استهلاك التيل السريع و ضعف الفرامل

بالنسبة لعبدة فا قريب منة ابو الحسن و المنير و دول عندهم كل حاجة ممكن تحتاجها و كدة كدو عبدة بيبعت حد من عندة يجيب قطع الغيار اللى العربية بتحتاجها... و لو انت عايز تشتريها بنفسك فا تفاصيل محل ابو الحسن هى:

http://www.nilemotors.net/Nile/68807-a.html

اما المنير فهو فى اول شارع فيصل لعى ايدك الشمال بعد حوالى 300 متر من نزلة كوبرى فيصل

MMamdouh