الموضوع: ماتش مصر والجزائر

مبروك يا رجاله ...ويارب زى ماطلعتنا من الاستاد واحنا مبسوطين وفرحانين بعد ماخلاص كنا هنموت من الحزن فرحنا الفرحه الكبرى يوم الاربع فى ام درمان


احكى ليكوا بقى تفاصيل اليوم الجميل والمتعب ده
اولا انا كان معايا تذكره تالته يمين جبتها يوم الاربع من النادى الاهلى مدينه نصر بعد ما موبيلى اتسرق وفلوسى كمان
اولا رحت الاستاد الساعه واحده ونص صباحا بتاكسى ومش رديت اخد العربيه
قمه قمه قمه البهدله فى الدخول الامن المركزى والعساكر الجميله دى نزلت فينا ضرب بالعصيان السوده دى واحنا داخلين البوابات مضيقين الممر جدا والعدد فوق الخيال زحمه جدا
المهم قعدت على الكرسى فى المدرج الساعه 3 الا 10 منظر جميل جمهور كبير
ولاول مره فى الاستاد يقعدوا ينصحونا فى المايك باننا ننوفر المجهود لغايه الماتش بس مين يسمع بقى من اول دقيقه والتشجعيع نار
وكل اما يهدى الجمهور المصرى يقوموا بتوع الجزائر ينرفزوهم شويه علشان يقوموا تانى ويتعبوا
كانوا بيذيعوا الاذان فى الشاشات قبل الماتش اذان العصر والمغرب والناس كل كانت بتدعى فى نفس واحد والمذيع بتاع الاستاد قرأ معانا الفاتحه وقل هو الله احد تخيل اكتر من 80 الف واحد بيدعوا فى نفس واحد الصوت كان بيجلجل
احسن احساس كان الهدف التانى فى الوقت القاتل ده ..الناس كلها كانت ماتت ومحدش بيتكلم وفى ناس بتمشى وفجأه الاستاد كله قعدت يقول يارب ...كأس العالم
وفى ثوانى جه الجون ده انا وقفت مستنى حد يقولى ده حلم وقعدت ابكى كتير وناس كتير بتضحنى وكله شايل بعضه وبتبارك لبعض

ياااااااااااااااااااااااا اااااا رب انصرنا فى السودان

المشاركة الأصلية كتبت بواسطة hhhmmmzzzz

دول اصلا بدو(بربر)يعنى هم طبعهم كدة(بربري)
ان شاء الله هنسكهم النهردة ونكسر نفسهم

على فكره كلام حضرتك مش مضبوط. كلمة بربر كاسم لقبائل ملوش علاقه بصفة (بربري) و التي تحمل معنى الهمجيه.

دول شمال افريقيا سكانها جزء من البربر و جزء عرب و لو مصمم توصف حد فيهم بصفة البداوه (اللي هيه مش شتيمه اصلا) يبقى العرب (اللي انا و انت منهم) احق بهذا الوصف من البربر.

يا ريت يكون هدفنا ان احنا نفرح مش اننا "نكسر نفس" حد و نغلط فيه.

المشاركة الأصلية كتبت بواسطة ahmed hassan

على فكره كلام حضرتك مش مضبوط. كلمة بربر كاسم لقبائل ملوش علاقه بصفة (بربري) و التي تحمل معنى الهمجيه.

دول شمال افريقيا سكانها جزء من البربر و جزء عرب و لو مصمم توصف حد فيهم بصفة البداوه (اللي هيه مش شتيمه اصلا) يبقى العرب (اللي انا و انت منهم) احق بهذا الوصف من البربر.

يا ريت يكون هدفنا ان احنا نفرح مش اننا "نكسر نفس" حد و نغلط فيه.

باااااااااااااااااااااااا ااااااااااس
كفايه كلام فى الموضوع ده
كل واحد مقتنع بشيئ هايفضل مقتنع بيه
على فكره المصريين مش بدو
لاننا مزارعين و الزراعه عكس البداوه
المزارع بيتوطن فى مكان و يزرع
البادى (من البداوه) هو المستقر فى مكان الماء للرعى و الاكل و عند انتهاء الماء ينتقل من مكان لأخر

المشاركة الأصلية كتبت بواسطة abou_ruqi

"وعلي فكرة انا ما شتمتش امهاتهم زي ما هما شتموا امهاتنا"

حضرتك مشتمتش أمهاتهم ولكن للأسف الشديد آلاف مؤلفة قاموا بالواجب وزيادة إمبارح في ستاد القاهرة.

المشاركة الأصلية كتبت بواسطة ahmed hassan

على فكره كلام حضرتك مش مضبوط. كلمة بربر كاسم لقبائل ملوش علاقه بصفة (بربري) و التي تحمل معنى الهمجيه.

دول شمال افريقيا سكانها جزء من البربر و جزء عرب و لو مصمم توصف حد فيهم بصفة البداوه (اللي هيه مش شتيمه اصلا) يبقى العرب (اللي انا و انت منهم) احق بهذا الوصف من البربر.

يا ريت يكون هدفنا ان احنا نفرح مش اننا "نكسر نفس" حد و نغلط فيه.

فين النخوة يا رجاله
انا علي فكرة مش بحب اغلط فى حد
لكن لو كل واحد منكم دخل علي المنتديات وشافهم وهم بيسبو امهاتكم واخواتكم ازاي هيعرف شوف ردودهم وشوف ردود المصريين عليهم وانتم تعرفو الفرق
وبيتكلمو علي بنات مصر باوحش الالفاظ كفاية بس البنت اللى ظهرت فى الشاشة
مافيش مصرية لو فى استادهم تعمل حركات زى دى وعمركم سمعتم او شفتم اننا بعد ماتش معين مع اي فريق تربصنا بجمهورهم عشان نضربهم ونولع فيهم(وبعد كل دة خايفين علي شعورهم عشان مانكسرش نفسهم بس)
وكل واحد له وجهه نظر لو سمحتم يقولها ومحدش يعترض علي حد
وبنمسي ونصبح علي الرجـــــــــــــــــــــ ـــــــــــــــــــــــــ ـــــــاله