ايه الاحسن و ما المميزات و العيوب لكل واحد الفرش الجلد و القماش ؟؟
عرض للطباعة
ايه الاحسن و ما المميزات و العيوب لكل واحد الفرش الجلد و القماش ؟؟
الجلد بيبقى اشيك وانضف لأنه مش بيشرب تراب زى القماش وممكن تغسله بصابون ويرجع زى الأول
ولو العربيه فيها تكييف بيبقى الجلد احسن
انما لو مفيش تكييف هتلاقى بعد اما تروح مشوار طويل ظهرك بقى كله ميه من العرق لأن الجلد مش هيشرب العرق زى القماش
وكمان القماش هيدفى اكتر فى الشتا
اقولك فى فرش بيبقى جلد وقماش مع بعض ده كويس برضه
هو ممكن القماش يتنضف ؟؟
القماش بيتنضف طبعااا بس مش زى الجلد لأن الجلد قماشة مبلولة وهيبقى زى الفل لاكن القماش هتقعد تدعك بقا وياهيطلع أو ميطلعش وخصوصا أنة ممكن يبقع
أو ممكن تجيب حاجة زى ألى فى الصورة دى الجناب جلد وفى النص قماش وممكن تروح لسبير كار هتلاقى عندهم أكتر من تشكيلة وأسعارة حلوة
http://s3.postimage.org/QkQLr.jpg
على فكره انا برضه عايز اعمل فرش لعربيه بس عايز اعرف اسعار انا معيا فلشيا يعنى حاجه بسيطه بس ايه اسعار الجلد او القماش
الجلد افضل
بعتقد الفرش الجلد في الصيف لا يطاق من حرارته العالية
فعلا
احسن حاجة انك تجيب جلد وتستعمل العراقات
يبقى خدت مميزات الجلد وقللت من عيوبه
الاتنين بيتوسخوا عادي
الجلد بيبان عليه الوساخه أكتر..لكن بيتنضف أسهل..يدوبك اسفنجه وشامبو بيخلوه تحفه
القماش مش بيبان عليه الوساخه..لكن بيبان عليه التراب الي بيطلع منه لما تيجي تنفضه..والقماش عشان يتنضف صح..تفك الكرسي وتطلعه بره..وعيش انت وهوا بقا
الجلد طبعا بس يكون نوع محترم بلاضافة لسروجى كويس
جلد طبعا
وهيكلفك من 600 لحد 2500
حسب نوع الجلد والغرز
بس انصحك انك لازم تعمل الارضيه كمان
هتساعدك جدا فنضافة العربيه بجد وضع مختلف تماما
الجلد عندي في عربيتي وميزته بصراحه اني لما بغسله بيبقي 100 100
بس لان تكييف عربيتي بيبقي بايظ بنسبة 90% فدايما فالصيف بيبقي ناء وفي الشتاء تلج
الجلد اشيك بس مشاكله انه بيبان فيه الترب
وفى الصيف عرق
نقى افضل نوع قماش وتوكل على الله
لكن لو بتشغل تكييف باستمرار
ودايما قافل الزجاج خليك فى الجلد
Thanksssss
الجلد افضل بس امممم لو سبت العربية فترة فى الشمس فى الصيف ... بس ممكن تقليل تاثير الشمس بوضع شماسة زجاج امامى
الجلد افضل فى النظافة
خليك فى الجلد
طب يا جماعة امال ايه هوا الفرش المخمل ده ؟؟؟؟؟؟
و شكله بيبقى ازاى ؟؟؟؟؟؟ و سعره ايه ؟؟؟ و بيتباع فين ؟؟؟؟؟ و بيبقى فيه منه الوان ؟؟؟
و برضه عند سبير كار؟؟؟؟؟
اصل دايما الواحد بيقرأ فى الاعلانات بتاعة العربية كلمة فرش مخمل و مش عارف هيا القماش الغالى و كده و لا ايه ؟؟؟؟؟؟