فوكاس ولا سوبارو ولا سيفيك ؟؟
وأرجو من الآراء أن تكون عن تجربه ...
لأنهم بصراحه ثلاث سيارات محترمه وقريبه من بعض في الفئة السعريه وأنا محتار بصراحه فأرجو المساعده :U_thin1[1]:
عرض للطباعة
فوكاس ولا سوبارو ولا سيفيك ؟؟
وأرجو من الآراء أن تكون عن تجربه ...
لأنهم بصراحه ثلاث سيارات محترمه وقريبه من بعض في الفئة السعريه وأنا محتار بصراحه فأرجو المساعده :U_thin1[1]:
السيفيك ممتاز,,, بس من العربيات اللي لازم تتركب كامله .. وهيكون سعرها 189 الف .. والسوبارو مواتير محترمه وعربية راليات اساسا .. اما الفوكاس فا هي عربية جميله مناسبة لاحتياجات اي حد .. هي فعلا حيرة بس انا لو مكانك يا اما اركب سيفيك كاملة .. او سوبارو
أشكرك ياجوست على مشاركتك ...
بس بدأت أستبعد السيفيك لعيب واحد وهي إرتفاعها منخفض على الأرض وهنا في مصرنا الحبيبنا لازم تتخلى عن أحلامك عشان خاطر شوارعنا الحلوه مع إن العربيه دي أنا من عشاقها .
والفوكاس دي محتار فيها لموضوع إنها تانك البنزين إللي ملوش مفتاح جوه من العربيه زي العادي بس عاوز أتأكد هو فعلا زي مابيتقال عنها إنها تقيله ومابتشدش يعني سحبها مش قد كده إزاي :I_angr1[1]: !!! عشان وزنها تقيل عالمكنه !!! إزاي دي أروبي ياجماعه يعني أهم حاجه فيها التسارع .
والسوبارو الإمبريزا إللي مش قادر أعرف راسي من رجلي فيها !!!
لو استبعدت السيفيك يبقى بص على الكورولا
انا شايف ان السيفيك افضل اختيار ..
و بما انك محتار كدة .. يبقى الكورولا هى الهتنفعك :)
أشكرك ياأستاذ حسام وياأستاذ كريم على رأيكم وشكلها فعلا هترسى عالكورولا إن شاء الله بس الخليجي ده من رأيي
الفوكس أكيد أفضل ...
أنا أفضلها عن السيفيك و الكورولا
كلام جميل ياأستاذ كريم بس بصراحه أنا مايهمنيش الأوبشنز قد مايهمني مضمون السياره يعني الخليجي أنا عارفه حته حته وبتيجي تقفيل ياباني والحمد لله ... أما المصري أنا خايف من الجنوب أفريقي وبصراحه معنديش أي معلومات عنه غير إن الفتيس الستربتونيك فيه مشاكل ...
ممكن ياأستاذ كريم تقولي أخبارها معاك إيه والتقفيل والثبات وموضوع الفتيس ده ممكن تفهموني بهدوء كده :shyy:
ومعلشي حاجه كمان ياأستاذ كريم أسعارها وفئتها وبلاش الأسعار الموجوده في كونتاكت كار لأني سمعت إنها رخصت
السيفك ثم السيفك ثم السيفك
الاسعار كالآتى :
اوتوماتيك عادى .. موديل 2010 .. باسيك .. 145 الف
اوتوماتيك عادى .. موديل 2010 .. هاى لاين .. 160 الف
مانيوال (6 سرعات).. موديل 2010 .. باسيك .. 135 الف
مانيوال (6 سرعات).. موديل 2010 .. هاى لاين .. 150 الف
اوتوماتيك mmt .. موديل 2009 .. باسيك .. 132 الف
اوتوماتيك mmt .. موديل 2009 .. هاى لاين .. 147 الف
دى الاسعار الموجودة حاليا عند التوكيل
أنا موافقك والله تمام لكن قلت إنها مشكلتها إنها منخفضه أوي وأنا ليا تجارب سابقه مع سيارات منخفضه والعناء إللي بشوفوه على مطب وآه بقى لو كان مطب من بتوع الكماين جبل ومحفور مكان العجلتين يعني كده كده بطن السياره هتحضن المطب :C_laugh[1]:
لكني بعشقها ومصر هي إللي هتفرقنا عن بعض :stink[1]:
اظن ان حضرتك شفت موضوع الاستاذ سبعاوى .. و البيقول فيه ان مكونات السيارة كلها اوروبية .. و من ماركات عالمية ..
التقفيل الجنوب الافريقى ممتاز .. مشفتش فيه مشاكل .. و دة كلام كل الملاك هنا .. و محدش لقا اى عيب فى التقفيل ..
بالنسبة لموضوع الفتيس .. هو مفيهوش مشاكل .. انما هو له طريقة سواقة خاصة بيه تختلف تماما عن اى فتيس مانيوال او اوتوماتيك و محتاج تعود .. عشان كدة فى ناس متقبلتوش و افتكرا ان في مشاكل ..
و عشان حضرتك تتأكد بنفسك .. حضرتك ممكن تسأل ملاك الmmtهنا هتلاقى انهم بيشكروا فيه
111111111111111111+
التوكيل ثم التوكيل ثم التوكيل حتي لو هاتشتري عربية غير الكورولا.
كفاية الضمان.
تفتكر لو كان مشكلة السوفت وير بتاعت الفتيس موجودة في الخليجي او اي عيب اخر كنت هاتعمله فين ومين هيصلحولك وبكام.
كمان اعرف ناس جايبين خليجي كل مايشوفوا العربية بتاعتنا عينهم:8954[1]::ma(30): هاتطلع عليها.
انا يا جماعه هااتكلم في اللي اعرفه ودي حاجه ممكن توفؤني عليها او ترفضوها ورايي قد يكون في احتمال للخطأ السوبارو... اعلى عربيه في الثبات العربيات اللي حضارتكم ذكرتوها وتليها السيفيك... والفوكاس معرفش عنها حاجه وهيا تقريبا نفس نظام مازدا 3 في التعليق اي ثبات المازد وان مش متأكد من المعومه دي....وشكرا
فعلا ياأستاذ كريم قرأت موضوع الأستاذ سبعاوي وبقت عندي فكره عن الmmt الحمد لله وأنا شايف إن الأنسب ليا زي ماحضرتك قولتلي الأتوماتيك العادي إللي نازل في ال2010 وألف شكر على رأي حضرتك .
فعلا والله عندك حق ياأستاذ أبو الوليد هو بس الخوف كان من الوكيل والحمد لله ناس كتير شكرت فيه وفي الخدمه بس هتعمل إيه عندنا عقدة الخواجه لسه "أصل دي أوروبي " أو "أصل دي خليجي " بس أنا شايف إن مستوى الخدمه ومواصفات السيارات بقت أحسن بكتيررر في مصر .
طيب حضرتك ياأستاذ محمد معاك سوبارو أو حتى جربتها لفتره أرجوك تفدنا بمعلوماتك عنها ..
انا جربت السيفيك واتوهمت بيها وسؤتها في الرياض كانت مع ابن عمي وكان ثباتها رائع جدا اما السوبارو انا مسؤتهاش بس معروف عن الشركه دي الثبات القوي وان هي شركه بتستخدم البوكسر انجين والدفع الرباعي يعني ثبات عالي من الناحيه النظريه وانا ركبتها بس مسؤتهاش بس الواضح من اراء الاعضاء ان ثباتها عالي جدا وعربيه يمكن مقارنتها بعربيات اعلى منها في الامكانيات وده طبعا في موضوع الثبات وانا ان شاء الله ناوي اشتري عربيه جديده على بدايه السنه وان شاء الله هتكون الامبريزا....وشكرا
على فكره أنا معايا سيفيك 2009والعربيه مش واطيه زى الناس ماهى متخيله أنا الحمد لله باخد المطبات عادى جدا ومافيش مره حكيت والحمد لله وكفايه انها عربيه يابانى وثباتها بسم الله ماشاء الله رهيب جدا زيها زى الالمانى وعن تجربه
كلام حضرتك صح فعلا السيفيك سيارة محترمه ، بس نفسي أعرف حاجه عن الإمبريزا موضوع 1.5 سي سي ده هل مؤثر في سحب السيارة وهل بالشكل ده الفوكاس تكون متفوقه عليها لأنها 1.6 سي سي ؟؟ لأن بصراحه أنا لحد الآن مش شايف أي عيب للفوكاس !!!
ربنا يباركلك فيها يارب وتاخد خيرها ويكفيك شرها .