انت عارف ياوكتو ان الحب وحش ممكن يخلييك تتفادي اي غلط منها
وربنا معاك ومعايا
عرض للطباعة
اهلا يا مجايفر
انا علي فكره متحفظ في ردودي علي المواضيع دي
في اكتر من موضوع في المنتدي بيتكلم عن موضوعات شبه الموضوع بتاعك
بس انا كنت بشوف انهم تفكيرهم ممكن هيتغير بعدين شويه بشويه
الي خلاني ارد عليك شايف ان موضوعك دخل في الجد شويه
معلش يا محمد انا هكلمك علي طبيعتي واسف لو لهجتي معجبتكش
مين علي صاحبك ده؟؟ وازاي تقبل انه يكلم واحده بتعتبرها انتا زوجة المستقبل ده علي اساس ايه يعني؟؟
انتيمك؟؟؟ مع احترامي ليك سلامات يا انتيمك
وده يعني حلال المشاكل الي بيحل مشاكلكو؟؟؟ يااااااااااه فعلا مصلح اجتماعي وطيب اوي صاحبك ده وبيحبك و (بيحترمك فعلا)
وبيتكلمو بقي وتقولو ده عمل وعمل يرضيك كده وهوا يقولها معلش بقي والافلام دي
يابني ايه الي بتقوله ده؟؟
وازاي تقبل بشخص غريب يدخل بينكلم و انتيمك مين بس هوا يا جماعه المقاييس اتغيرت ولا ايه؟؟؟
ازاي تقبل ان واحد صاحبك حتي ولو بينكلم وبين بعض ايه انه ياخد رقمها ويكلمها وتكملو عادي كده وسيادتك واخد لقب الراعي الرسمي
الي بينك وبين صاحبك لا يتعدي بعض كلام عليها وفي حدود ضيقه جدا جدا لان في كلام بينكم وبين بعض الهوا المفروض ميعرفوش
قوم تقولي فلان ده بيحل مشاكلنا وبيضالحنا علي بعض؟؟؟
علي كده بقي بعدين لما تتجوزو هيبقي بوضعه ده يعني ولا ايه؟؟؟
دي اول نقطه استني لكلامي لسا بدري
علي اساس ايه تقفل في وشك؟؟؟ انك بتقولها خلي ولاد عمك ينفعوكي؟؟
الكلمه تزعل مقولناش حاجه
لاكن تقفل في وشك؟؟؟ وكمان انتا الي بعدين تكلمها ومتردش عليك لا وتكلم صاحبك وصاحبك تاني يوم يقولك هيا كلمتني وبتاع والفيلم الهندي ده صح؟
البنت دي علي فكره مش بتحترمك متزعلش مني انا كلامي مباشر ومتزعلش من صراحتي
يمكن انتا جيت علي نفسك قبل كده بس ده برضه مش سبب لان البنت السويه الي معندهاش نقص مش هتستغل نقطه زي دي وتعمل معاك زي الي حصل ده
انتا مستني ايه وبتسئل علي ايه بظبط بعض ما قالتلك انها غلطت انها حبتك؟؟
متهيالي الكلمه دي مش في لحظة غضب وحتي لو في لحظة غصب الكلمه دي كفيله تنهي الي بينكم مبالك بقي بالي قبل كده
في حدود في الكلام ومش اي كلام يتقال والكلمه دي كبيره اوي اوي اوي
بص لنفسك وشوف انتا بتعاملها ازاي وهيا بتعاملك ازاي
البنت دي متستاهلش ضفرك
سيبك منها واحترم نفسك وحط كرامتك في اولوياتك واوعي كرامتك تهون عليك مره لانها لو هانت مره هتهوووووووون كتييييييييييييير
متزعلش عليها وتعيش نفسك في وهم واغاني بقي حزينه وبتاع
اتصل علي اي حد من زمايلك واخرج معاه كل يوم نقيلك واحد واخرج معاه
ايوه هتبقي بتفكر فيها لاكن شويه وهتنسي والي هيبقي شافعلك انك معملتش معاها الغلط في يوم
وان احسانك قابلته هيا بالاسأه وده الي هيثبتلك ان البنت دي متستاهلكش وهتنساها بسرعه
متزعلش من كلامي ولهجتي بس اصراحه العرق الصعيدي نكح عليا وغير صعيدي او كده متهيالي البحراويه برضه عندهم كرامه وعندهم نخوه وموافقني في كلامي ومحدش يقبل علي نفسه الي بتعمله معاها ده
لو ليك تعليق مستنيه
A.Yakout
ابعتلها رسالة ......متستغربش انا برضك حبيت 6 سنيننن ومش امها بس لى كانت عارفة دة كل العالم ما عادا ابوها واخوها..ههههه....صدقنى حاجات كتير اووى هتتغير فيك بعدها وصدقنى للاحسن كلة بيروح مع الوقت .....
قولها .....انا عارف ان فى لاحظات بتعدى على الواحد بطلعة عن شعورة وبيقول كلام مش حاسبة ولا حاسة ..وكل الى اقدر اقولهولك انى حبيتك ولسة بحبك ..وهعتبر ان مفيش حاجة حصلت ومش هكلمك وهسيبك تريحى دماغك وتروقى .....خدى وقتك ومستنى من اتصال ........ولو حاسة كلامك ودة قرارك ...يبقى سكة الى تودى انا مقدرش ابكى او اندم على واحدة حبيتها ومحبتنش............
كدة انتا فهمتها انك حبيتها بجد وفى نفس لوقت مديها فرصة تظبت الدنيا الى لغبتطها ومنزلتش من نفسك ولا كرامتك ومبينها هى الى صغيرة ادامك وادام نفسها .........وسيبها يومين تلاتة لو بتحبك بجد هتكلمك وهتكدب عليك كدية صغيرة انها كانت مضغوتة او اى حوار وانتا عدى .......وتبات ونبات ...ولو لا كدة انتا كسبت كبرياء نفسك وهى على طول هتكون حاسة بندم انها سابتك فى يوم من لايام ...........................
سورى لو طولت .....اصلى كنت ملدوع فى حوار زيك بس ازيد منك بسنتين .....
:S_thum1[1]: أحسن رد سمعته لأن بكدة هتبقى رديت بهدوء ومن غير انفعال
واديتها فرصة تانية تفكر هى كمان بهدوء ويبقى رضيت شىء جواك عشان لما تنساها
ماتبكيش عليها في يوم وتبقى احتفظت بكرامتك لأن حب بدون كرامة يبقى محكوم عليه بالموت ..ودعائي ليك إن ربنا يهديك للطريق الصح واللى فيه خيرك ...
أما بالنسبة لرأي نابستر فى نسيانها
فطبعا هو شاب وأدري بطريقة نسيان البنات بتكون إزاي ..فمتهيألي من كلامه كدة
إنها طريقة سهلة وبسيطة وهتنساها بسرعة ده فى حالة اذا لم تتفقوا ...
تحيتي للجميع وفائق احترامي :S_thum1[1]:
انا عارف كدة والمشكلة انى برجعلها تانى كل شوية بس المرة الاخيرة دى كانت الحاسمةاقتباس:
انت عارف ياوكتو ان الحب وحش ممكن يخلييك تتفادي اي غلط منها
وربنا معاك ومعايا
انا بحب اسمع اغنية فقدتك لحسين الجسمى جرب يمكن تنفع معاك
كلام nabaster عشره على عشره وفي منتهى الإخلاص. من قصتك أكاد أجزم أنها الحب الأول و أحب أضيف بعض النقط:
- من الصعب دوام الحياة الزوجيه مع إنسانه تقولها "مانتي عارفه أنا بضعف قدامك" أو حتى تستشعر فيك ضعفاَ. بقولك حياة زوجيه مش حياة صحوبيه مهما إدعت المرأه انها من النوع اللي بتحب المسكين الضعيف فلا يغرنك.
- أعتقد ان فارق السن بينكما صغير أو معدوم. مع الخبره يمكنك الإرتباط بواحده أكبر منك بثلاثين عاما و تنجح العلاقه أما في مرحلة إكتساب الخبره فيستحسن تكون أنت الأكبر بخمس سنوات سواء سنين حياة أو سنين خبره ليكون هناك مساحه لتدارك أخطاءك أما بالمنظر ده فكل خطأ ترتكبه خلاص يتمسك عليك. يعني مستحيل انك تطلع من دماغها أنك من هنا و رايح مكجيفر التقيل اللي مبقاش بيضعف قدامها.
- البحر مليان سمك. تعلم من تجربتك و خيرها في مليون ألف غيرها. و متجبرش نفسك بالدخول في علاقه لنسيان علاقه أخرى. الحل ده بينفع في الأفلام القديمه بس. لازم تجاهد نفسك و تقضي على أي مشاعر تجاهها. يعني ولا حب ولا كره و زي ماقال الخواجه:
The opposite of love isn't hate. It's indifference.
مع التعود هتبقى شاطر جدا في التحويل الي الحاله دي مع أي علاقه و مع أي شئ إلي أن توفق مع الإنسانه أو الشئ المناسب. The right one or right thing.
- حب البنت "تزعلك". "زعل" البنت تحبك. المراد من تلك الحكمه الرائعه أن تختار بعقلك عشان تعرف تتحكم و تقود بعقلك و تجعلها هي تحبك بكل قلبها. أنا عارف انك تاخد واحده بتحبها هو الدور الألذ لكن عيوبه على المدى الطويل لا يقبلها أي رجل.
يجب أن يكون هناك مثلا 50% حب و 50% عقل لتكون سيد قرارك. فالعقل عقال (رباط) القلب.
و أخيرا أعتقد بنسبه 90% هترمي نصائح الأعضاء كلها في البحر و تمشي ورا قلبك. و لو إتخذت هذا المسلك فخير بردو. الزمن هيعلمك نفس النصائح اللي قالتها العقلاء و الخبراء من الأعضاء بس الفارق أنك وقتها هتكون مقتنع جدا و فاهم.
ولو درست الموضوع بعقلك لأدركت ان الموضوع أبسط من أن تشغل بالك به أو تطرحه للعوام بحثا عن حل.
و بالنسبه لسؤالك الأصلي "هما ليه بيعملوا فينا كده" :
1- Because they can
2- Because you allow them to
3- ph0kax menha
اي إجابه تختارها صحيحه. بالتوفيق.
انا لو مكانك ولا هكلمها لانها باعتك فى ثانية فازاى دى كنت عايز تعيش معاها
الردود ما شاء الله غطت معظم الجوانب خصوصا احمد نابستر
ومش من المنطقي خالص انك تفضل مرتبط بواحدة علشان انت بتحبها وهيا شايفة ان كونها ارتبطت بيك "غلطة"
اكيد النسيان مش سهل ، واللي اصعب منة انك تلاقي حد الكيميا بتاعتة تمشي معاك
لكن انت بتقول كنت ناوي علي ارتباط و والدتها اللي مش راضية
يبقي خلاص داوني بالتى كانت هي الداء ، توكل على الله ابتدي دور علي عروسة
لكن أهم حاجة متحاولش تدور علي نفس البنت دي في شخصية تانية لأنك كدة هتبقي بتظلمها وبتظلم نفسك
"I'm selfish, impatient and a little insecure. I make mistakes, I am out of control and at times hard to handle. But if you can't handle me at my worst, then you sure as hell don't deserve me at my best."
— Marilyn Monroe