الموضوع: لية البنات بيعملوا فينا كدة

لم توصل لح قول لنا

المشاركة الأصلية كتبت بواسطة nabaster

اهلا يا مجايفر

انا علي فكره متحفظ في ردودي علي المواضيع دي

في اكتر من موضوع في المنتدي بيتكلم عن موضوعات شبه الموضوع بتاعك

بس انا كنت بشوف انهم تفكيرهم ممكن هيتغير بعدين شويه بشويه

الي خلاني ارد عليك شايف ان موضوعك دخل في الجد شويه

معلش يا محمد انا هكلمك علي طبيعتي واسف لو لهجتي معجبتكش

مين علي صاحبك ده؟؟ وازاي تقبل انه يكلم واحده بتعتبرها انتا زوجة المستقبل ده علي اساس ايه يعني؟؟

انتيمك؟؟؟ مع احترامي ليك سلامات يا انتيمك

مع احترامي ليك سلامات يا انتيمك .....لا تعليق

وده يعني حلال المشاكل الي بيحل مشاكلكو؟؟؟ يااااااااااه فعلا مصلح اجتماعي وطيب اوي صاحبك ده وبيحبك و (بيحترمك فعلا)

وبيتكلمو بقي وتقولو ده عمل وعمل يرضيك كده وهوا يقولها معلش بقي والافلام دي

يابني ايه الي بتقوله ده؟؟

وازاي تقبل بشخص غريب يدخل بينكلم و انتيمك مين بس هوا يا جماعه المقاييس اتغيرت ولا ايه؟؟؟

ازاي تقبل ان واحد صاحبك حتي ولو بينكلم وبين بعض ايه انه ياخد رقمها ويكلمها وتكملو عادي كده وسيادتك واخد لقب الراعي الرسمي

الي بينك وبين صاحبك لا يتعدي بعض كلام عليها وفي حدود ضيقه جدا جدا لان في كلام بينكم وبين بعض الهوا المفروض ميعرفوش

قوم تقولي فلان ده بيحل مشاكلنا وبيضالحنا علي بعض؟؟؟

علي كده بقي بعدين لما تتجوزو هيبقي بوضعه ده يعني ولا ايه؟؟؟

دي اول نقطه استني لكلامي لسا بدري

علي اساس ايه تقفل في وشك؟؟؟ انك بتقولها خلي ولاد عمك ينفعوكي؟؟

الكلمه تزعل مقولناش حاجه

لاكن تقفل في وشك؟؟؟ وكمان انتا الي بعدين تكلمها ومتردش عليك لا وتكلم صاحبك وصاحبك تاني يوم يقولك هيا كلمتني وبتاع والفيلم الهندي ده صح؟

البنت دي علي فكره مش بتحترمك متزعلش مني انا كلامي مباشر ومتزعلش من صراحتي

هى الأمور ببتقاس بالشكل ده؟ وبالكيفية دي؟

يمكن انتا جيت علي نفسك قبل كده بس ده برضه مش سبب لان البنت السويه الي معندهاش نقص مش هتستغل نقطه زي دي وتعمل معاك زي الي حصل ده

انتا مستني ايه وبتسئل علي ايه بظبط بعض ما قالتلك انها غلطت انها حبتك؟؟

متهيالي الكلمه دي مش في لحظة غضب وحتي لو في لحظة غصب الكلمه دي كفيله تنهي الي بينكم مبالك بقي بالي قبل كده

في حدود في الكلام ومش اي كلام يتقال والكلمه دي كبيره اوي اوي اوي

بص لنفسك وشوف انتا بتعاملها ازاي وهيا بتعاملك ازاي

البنت دي متستاهلش ضفرك


صراحة يا أحمد كل الولاد شبه بعض والتعصب واضح جدا وكان ممكن اللهجة تكون أقل حدة من كدة


سيبك منها واحترم نفسك وحط كرامتك في اولوياتك واوعي كرامتك تهون عليك مره لانها لو هانت مره هتهوووووووون كتييييييييييييير

متزعلش عليها وتعيش نفسك في وهم واغاني بقي حزينه وبتاع

اتصل علي اي حد من زمايلك واخرج معاه كل يوم نقيلك واحد واخرج معاه

فكرة حلوة جدا وأكيد فعلا يا ماكجيفر لو فكرت فيها هتنسى بسرعة :


ايوه هتبقي بتفكر فيها لاكن شويه وهتنسي والي هيبقي شافعلك انك معملتش معاها الغلط في يوم

وان احسانك قابلته هيا بالاسأه وده الي هيثبتلك ان البنت دي متستاهلكش وهتنساها بسرعه

متزعلش من كلامي ولهجتي بس اصراحه العرق الصعيدي نكح عليا وغير صعيدي

الراجل راجل يا احمد صعيدي كان أو من بحري على حد قولك بس جملة
نقح عليا دي صعبة شوية ليه بتاخد الموضوع بشكل شخصي كدة؟؟ويعنى ايه نقح دي؟



او كده متهيالي

البحراويه برضه عندهم كرامه وعندهم نخوه وموافقني في كلامي ومحدش يقبل علي نفسه الي بتعمله معاها ده

لو ليك تعليق مستنيه

a.yakout

غصب عني لقيتنى بعلق على كلامك نابستر مش علشان ضده أبدا لكن حدتك
وتهاونك وطريقتك فى الكلام على البنت صعبة وبتتكلم بإنحياز شوية والمفروض
فى أى موضوع نتكلم بحيادية (( يا أخى حتى نهدي الموضوع ولا ايه؟؟؟))

وفى النهاية لكل واحد رأيه وحريته فى التعبير عنها ..والاختلاف لا يفسد للود قضية

تقبلوا جميعا فائق احترامي

المشاركة الأصلية كتبت بواسطة bmw323

(أنا هدوس على قلبى بالجزمة لو حسيت أن كرمتى هتتهز) !!

و الله انت قلت الكلمه الفصل افادك الله....
نصيحه من اخ بلاش تدوس على كرامتك مهما كان السبب هتندم بعدين و اسأل مجرب..

المشاركة الأصلية كتبت بواسطة sab3aawy

انظر فقط الى الجانب المشرق من الموضوع وهو انك اصبحت اكثر خبرة فى الحياه ، واكثر حنكة فى اختيار الطرف الآخر المناسب لك، وممكن كمان تكون اتعلمت انك تكون واضح وتطلب من الطرف الآخر الوضوح فى نوعية العلاقة بينكما علشان متحصلش قفلة من النوع ده تانى، وصدقنى يوم ما تنتقل لمرحلة اخرى فى حياتك كل المواقف البايخة دى هتتنسى ولن يبقى منها سوى ذكريات باسمة تحكيها لزوجتك واطفالك لتثبتك لهم انك كنت واد كوول مقطع السمكة وديلها ايام الجامعة، انظر للأمام وابتسم للحياه وخلى تركيزك فى اللى جاى مش اللى فات لأن الجايات اكتر من الرايجات بكتيييييييييييييييييير، وصدقنى هى مش مسألأة ان البنات بتذل فى الولاد ولا حاجة بقدر ما هى مسألة انك مقابلتش النموذج المناسب لك