لية البنات بيعملوا فينا كدة

**magyver** · 13-11-2009 04:34 PM

بصراحة ياجماعة انا مكنش عايز اعمل الموضوع دة
بس من كتر الحزن اللي جوايا عايز اكتب مجلدات مش موضوع
المهم كنت بحب واحدة من اربع سنين وبيحصل مشاكل عادية زي اي اتنين بيحبوا بعض
مش دة المهم
المهم المشكلة اللي حصلت وفرقت بينا وياعالم نرجع تاني ام لا
مع العلم انا مكنتش بتسلي معاها وكلمات مامتها اللي هيا تبقي بنت عمي
اللي حصل بقي الاتي
كنت انا في الاكااديمية يوم الاحد اللي فات وهيا طبعا في الجامعة فالمهم باتصل بيها علشان اروح اشوفها بقلها انتي في بتقلي انا في البيت وولاد عمامي جايين يقعدوا معايا علشان انا تعباانة
بس من طريقة كلامهاعرفت انها بتكدب عليا قمت قايلها طيب خلي ولاد عماامك ينفعوكي
قامت قافلة في وشي السكة قمت بعتلها رسالة قلتلها انتي مش بتعرفي تكدبي تمااااام كدة
بكلمها بقي من يوم الاحد اللي فات ماتردش عليا الا امباااارح بلليل يوم الخميس
(في لفترة اللي مكانتشي بترد عليا دة كانت بتبعت رسايل كلمني شكرا لانتيمي اللي هو دايما بيصلح بينا لو في اي حااجة وانا اتصل بيها ماتردش خاالص وتاني يوم انتيمي دة ييجي يقلي دة ايمان كلمتني النهاردة اقة ازااي دة مش بترد عليا )
المهم قلتلة انا خلاص معنتش عايزاعرفها تاني وان كان قصدي اني اشوف رد فعلها اية لاني ماقدرش استغني عني واتصل بيها وقلها الكلام دة وهو مكانشي راضي بس انا قلتلة لو ماتصلتش مش عايز اعرفك تااني
المهم كلمها وقلها انك غلطانة انك كدبتي علي محمد وقفلتي السكة في وشة تقوم تتوة في الكلام وتقلة انا قفلت في وشة السكة علشان بيقلي خلي ولاد عمامك ينفعوكي
المهم بقي انا كلمتها امبارح
بتقلي ميرسي جداا علي اللي انتو لعلي (اللي هو صاحبي )والمفروض كنت تيجي تقلي انا
قلتلها انتي عارفة ان انا باضعف قداامك
وقلتلها يوم ماتصللت بيكي وانتي في الجامعة كنت تقلليل مش هاينفع اشوفك النهاردة علشان كذا وكذا
كنت هاقلك ماشي ولا كان هايحصل اي حااجة
انما تقفلي في وشي السكة وتكدبي عليا دة اللي مش ينفع
امهم قلتلها هاسالك سوال وردي علية
انتي غلطتي انك حبتيني ؟
قاالتلي اة غلطت
انا سمعت الكلمة دة من هنا واتخرست قلتلها مع السلامة
انا عارف اني طولت عليكم جداااا جداااااا
بس بجد ساعدوني لاني مش عارف افكر وكنت هاخبط واحد امبارح بالعربية كنت سارح في الموضوع
اللي مضاايقني ان هيا مابقتشي عليا
انا اسف لتاني مرة علي التطويل

**الغزالى** · 13-11-2009 04:38 PM

من غير اما تزعل منى مش باقية عليك يبئى ماتلزمكش ولا تفكر فيها

واهم حاجة فى الاول والاخر بعد اما تسمع راى كل واحد تعرف انت عايز تعمل اية

**KSA2011** · 13-11-2009 04:42 PM

بس مشكلة الواحد مننا انه لما بيحب ممكن ييدوس على كرامته وللاسف البنت لو تمكنت من النقطه دى كل سنه وانت طيب
نصيحتى او زى ما تسميها لو انا مكانك بعد ظروف مريت بيها بعد الى حصل ده كل واحد فى طريق وما تنزلش كرامتك لاى بنت مهما كانت او تطنش
بالعكس حاول ترد ليها القلم وتحسسها انها مش فارقه معاك
البنات كتير يا عم ومهما كانت مميزة وكويسه فيه الاحسن منها اعرف كده
وربنا يصبرك وتعدى الفتره دى على خير

**sarah5** · 13-11-2009 04:54 PM

متزعلش مني في رأيي اصلا العلاقة بينكم من البداية غلط
انت بتقول انك كلمت مامتها يبقي خلاص طالما في موافقة من مامتها وانت بتحبها يبقي كنت خطبتها لان مفيش علاقة صح بين ولد وبنت الا في حدود الزمابل والاقارب وبس
وحتي لو انت مكنتش بتتسلي ممكن هي تكون اعتقدت انك بتتسلي وقالت تتسلي هي كمان
ياريت متزعلش مني تاني بس ده رأيي

**Eng_Mostafa_89** · 13-11-2009 04:57 PM

اذا كان الحب يمس الكرامة فليمت الحب ولتحيا الكرامة

**sab3aawy** · 13-11-2009 05:05 PM

المصائب دائما تبدأ كبيرة ثم تصغر،المسألة مش مسألة البنات بتعمل فى الولاد ايه ولا مسألة الولاد بتعمل فى البنات ايه، المسألة دائما مسألة كل طرف باصص للأمر من انهى وجهة نظر، حب وللا تسلية وللا عريس جاهز وللا ايه بالظبط، بتحصل القفلة دائما لما طرف بيفاجأ ان الطرف الأخر باصص للأمر بصه مختلفة عن الطرف الأولانى، يعنى مثلا، واقول هنا مثلا لأن مش شرط ان ده يكون اللى حصل فعلا، انت بكل طاقة الحب والرغة فى الارتباط اللى موجودة جواك باصص لها انها حبك وحلم حياتك ورغبتك فى شريك الحياه-اقول مثلا- فى حين انها هى باصة للأمر انه ولد "كوول" ممكن اعيشلى معاه يومين كويسين-برضه بقول مثلا وممكن الأدوار تكون معكوسة فى احيان كثيرة- وبالتالى هى فى وقت من الأوقات زهقت منك، والمشكلة ان انت مش مستوعب فكرة ان المسألة بالنسبة لها كانت وقتية وبالتالى انت اتصدمت لما هى زهقت، وكان ممكن جدا ان لو كان الأمر واضح-ولو حتى بدون اتفاق معلن-لكلاكما ان المسألة هى مسألة وقتية كنت انت مش هتتصدم نهائيا لما هى تزهق وتمل منك ، وبرضه بكرر ان ممكن تكون الأدوار بالعكس، يعنى محدش ياخد كلامى ان الولاد ملايكة والبنات شياطين، لكن انت لازم تعرف ان سنك ده هو سن التجارب وسن الاتقاء بكل انواع البشر الجيدة والسيئة، وسن استيعاب حقائق الحياه والخروج من الشرنقة الوردية التى يضعنا اباءنا فيها، لذلك انظر فقط الى الجانب المشرق من الموضوع وهو انك اصبحت اكثر خبرة فى الحياه ، واكثر حنكة فى اختيار الطرف الآخر المناسب لك، وممكن كمان تكون اتعلمت انك تكون واضح وتطلب من الطرف الآخر الوضوح فى نوعية العلاقة بينكما علشان متحصلش قفلة من النوع ده تانى، وصدقنى يوم ما تنتقل لمرحلة اخرى فى حياتك كل المواقف البايخة دى هتتنسى ولن يبقى منها سوى ذكريات باسمة تحكيها لزوجتك واطفالك لتثبتك لهم انك كنت واد كوول مقطع السمكة وديلها ايام الجامعة، انظر للأمام وابتسم للحياه وخلى تركيزك فى اللى جاى مش اللى فات لأن الجايات اكتر من الرايجات بكتيييييييييييييييييير، وصدقنى هى مش مسألأة ان البنات بتذل فى الولاد ولا حاجة بقدر ما هى مسألة انك مقابلتش النموذج المناسب لك

**seade** · 13-11-2009 05:15 PM

اكيد انتا عملتلها حاجه ضيقتها او هي كانت شيله منك انما تقفل في وشك كده وش معتقدش وعموما يا باشا كبر دماغك لو هي ليك هتبقي ليك بس لو سمحت اوعي تضعف قدامها سيبها شويه هتحس بئيمتك لو هي فعلا بتحبك هترجعلك ندماااااااااااانيه اووي علي فكره انا برضو تقريبا سيبت صحبتي بنفس الطريقه ديه بس دلوقتي الحمدلله انا عايش ومقضيها ومش مرطبط شد حالك بقي وسيبها علي الله وربنا يعينك