الموضوع: لية البنات بيعملوا فينا كدة

احب اجيبلك من الاخر يامحمد نصيحه لوجه الله بجد ماتعبرهاش
البنت اللى بكذا وش دى اسف يعنى ممكن اقول عليه غير سويه
ممكن تكون بتقولك كده عشان تضايق بس او تعند معاك زى ماانت عملت فى الحاله دى استحاله تكون باقيه عليك
اللى بيحب حد بحد وبيخاف عليه عارف يعنى ايه بيخاف عليه !
مش يسأل لما يكون تعبان ويطمئن عليك فى السفر والكلام ده بس
ويكون بيعمل حساب كل كلمه قبل مايقولها يخاف تزعلك وانت بتقول 4 سنين مده مش قليله انها تعرف ايه اللى بيضايقك وتعرف ازاى تتكلم معاك وامتى تهرج وامتى تتكلم جد

مع احترامى لكل بنات المنتدى واللى عنده اخوات بنات وانا منهم
بعض البنات بيبقى هدفهم فى الحياه جذب الناس كلها ليهم واعجابهم بيهم مش كده
يعنى تلاقى البنت من الصنف ده اى ولد عاجبها عايزه تكلمه عايزه تتعرف على شباب الجامعه كلها عايزه طول ماهى ماشيه ترغى فى الموبايل عايزه كل يوم رسايل وكل اسبوع خروجه ان ماكانش كل يوم عايزه تبقى اجمل بنت وطبعا اكيد بيغيروا من بعض دول بقى لاتصاحبهم ولا تحبهم ( قال يعنى الحب بالمزاج )
خد بالك واختار كويس صدقنى واحده ورا التانيه ورا التالته مش كويسه خالص خالص

المشاركة الأصلية كتبت بواسطة totaa

ينفع أسلوب الحوار يوصل للدرجة اللى تخليك تقول على البنت الجملة دي
البنات دول ما يتلقعوش من رجليك!!!!!!!؟؟؟؟؟؟؟؟؟ :u_thin1[1]:

البنات فيهم الوحش وفيهم الكويس زى ما الولاد فيهم الوحش وفيهم الكويس
أنا مش ممكن أقول حرف أو لفظ سىء يشين الراجل حتى لو كانت تصرفاته
سيئة لأنى مش هعمم تصرف شخص على الكل لأن الراجل ده
هو الأب ...الأخ ... الزوج ...الإبن .....إلخ
وبعدين الانسان اللى واثق من شخصيته وقدراته صعب يمشي بأسلوب سي السيد
وكلامي اللى يمشى ولازم تسمع (( ده ضعف شخصية )) لأن لو هى بتحبك وبتحترمك
وإنت أقنعهتا بقوة شخصيتك واحترامك لنفسك قبل ما يكون احترام لأى انسان تانى
وقتها هتلاقي الانسانة دي بتعمل كل اللى يرضيك عن حب لا عن اجبار وتحكم
وعن اقتناع لا نوع من الذل والغطرسة وعن احترام لا عن إنك سيد الموقف

ـــــ عمر الاختلاف فى الرأي ما بيزعل لكن اللى بيزعل إنك تجرح بدون أدنى
إهتمام لشعور الآخرين
ــــ للأسف عمر التجريح والإهانة ماكانوا أسلوب للاقناع ولكن هقول ايه؟
ياريت ننتقي كلامنا ونراعي إن فيه ناس كويسين ((( وهل ربنا قالك أو نبيك وصاك
إن البنات دول ما ........من رجليك؟))))))) ربنا يهديك ويهدينا كلنا
طيب شوف كدة معايا :ـ

قوله تعالى : { الرجال قوامون على النساء بما فضل الله بعضهم على بعض وبما أنفقوا من أموالهم فالصالحات قانتات حافظات للغيب بما حفظ الله واللاتي تخافون نشوزهن فعظوهن واهجروهن في المضاجع واضربوهن فإن أطعنكم فلا تبغوا عليهن سبيلا إن الله كان عليا كبيرا }


قال تعالى : [ وَلَهُنَّ مِثْلُ الَّذِي عَلَيْهِنَّ بِالْمَعْرُوفِ وَلِلرِّجَالِ عَلَيْهِنَّ دَرَجَةٌ ](البقرة : 228 ).


عن ابى هريرة رضى الله عنه
عن النبى صلى الله عليه وسلم قال
(من كان يؤمن بالله واليوم الاخر فلا يؤذى جاره
واستوصوا بالنساء خيرا فانهن خلقن من ضلع وان اعوج شيئ فى الضلع اعلاه فان ذهبت تقيمه كسرته وان تركته لم يزل اعوج
فاستوصوا بالنساء خيرا)

ولا تعليق بعد ذلك وللجميع مني فائق الاحترام

على فكره اكيد احمد مايقصدش كل البنات طبعا

المشاركة الأصلية كتبت بواسطة evoo90

على فكره اكيد احمد مايقصدش كل البنات طبعا

+11111111111111111111111
حضرتك أناأقصد نوع معين وهو النوع المعووج يمكن سامو وأكتو وأيفو أتكلمت معاهم أكتر من مرة فى الموضوع دا لاكن أكيد مبعممش لأن أكيد فى الحلو والوحش بدليل أنى مقولتش كل البنات لاكن أنا أقد نوع معين ولكى منى خالص الأحترام والتقدير
.................................................. .............................
الأخ ماجيفر بقا وألى بعتبرة صديق ليا بعتلى رسالة بيشتمنى بيقولى أنتا مكنتش تدخل فى الموضوع وشتيمة وقلة أدب وأنتا ملكش دعوة أساسا.... دا علشان عاوز مصلحتة وجت منى لاكن أنا بعتذر جداا يامحمد أنى تدخلك على أساس أنى صديقك وأنى كنت عارف الموضوع وكنت عاوز أساعدك
وأنا مش هرد تانى فى الموضوع دا !!!

لا ألة ألا أنت سبحانك أنى كنت من الظالمين


لقد خالفتم القاعدة رقم 7 مما يستوجب انذاركم مع ايقافكم لمدة أسبوع

مشرف الاجتماعي

+11111111111111111111111
حضرتك أناأقصد نوع معين وهو النوع المعووج يمكن سامو وأكتو وأيفو أتكلمت معاهم أكتر من مرة فى الموضوع دا لاكن أكيد مبعممش لأن أكيد فى الحلو والوحش بدليل أنى مقولتش كل البنات لاكن أنا أقد نوع معين ولكى منى خالص الأحترام والتقدير
.................................................. .............................
الأخ ماجيفر بقا وألى بعتبرة صديق ليا بعتلى رسالة بيشتمنى بيقولى أنتا مكنتش تدخل فى الموضوع وشتيمة وقلة أدب وأنتا ملكش دعوة أساسا.... دا علشان عاوز مصلحتة وجت منى لاكن أنا بعتذر جداا يامحمد أنى تدخلك على أساس أنى صديقك وأنى كنت عارف الموضوع وكنت عاوز أساعدك
وأنا مش هرد تانى فى الموضوع دا !!!

لا ألة ألا أنت سبحانك أنى كنت من الظالمين

متزعلش نفسك ياحمد وكل واحد بياخد على قد عملة والى يغلط فييك متفكرش تانى فية

المشاركة الأصلية كتبت بواسطة ksa2011

بس مشكلة الواحد مننا انه لما بيحب ممكن ييدوس على كرامته وللاسف البنت لو تمكنت من النقطه دى كل سنه وانت طيب
نصيحتى او زى ما تسميها لو انا مكانك بعد ظروف مريت بيها بعد الى حصل ده كل واحد فى طريق وما تنزلش كرامتك لاى بنت مهما كانت او تطنش
بالعكس حاول ترد ليها القلم وتحسسها انها مش فارقه معاك
البنات كتير يا عم ومهما كانت مميزة وكويسه فيه الاحسن منها اعرف كده
وربنا يصبرك وتعدى الفتره دى على خير

المشاركة الأصلية كتبت بواسطة sab3aawy

المصائب دائما تبدأ كبيرة ثم تصغر،المسألة مش مسألة البنات بتعمل فى الولاد ايه ولا مسألة الولاد بتعمل فى البنات ايه، المسألة دائما مسألة كل طرف باصص للأمر من انهى وجهة نظر، حب وللا تسلية وللا عريس جاهز وللا ايه بالظبط، بتحصل القفلة دائما لما طرف بيفاجأ ان الطرف الأخر باصص للأمر بصه مختلفة عن الطرف الأولانى، يعنى مثلا، واقول هنا مثلا لأن مش شرط ان ده يكون اللى حصل فعلا، انت بكل طاقة الحب والرغة فى الارتباط اللى موجودة جواك باصص لها انها حبك وحلم حياتك ورغبتك فى شريك الحياه-اقول مثلا- فى حين انها هى باصة للأمر انه ولد "كوول" ممكن اعيشلى معاه يومين كويسين-برضه بقول مثلا وممكن الأدوار تكون معكوسة فى احيان كثيرة- وبالتالى هى فى وقت من الأوقات زهقت منك، والمشكلة ان انت مش مستوعب فكرة ان المسألة بالنسبة لها كانت وقتية وبالتالى انت اتصدمت لما هى زهقت، وكان ممكن جدا ان لو كان الأمر واضح-ولو حتى بدون اتفاق معلن-لكلاكما ان المسألة هى مسألة وقتية كنت انت مش هتتصدم نهائيا لما هى تزهق وتمل منك ، وبرضه بكرر ان ممكن تكون الأدوار بالعكس، يعنى محدش ياخد كلامى ان الولاد ملايكة والبنات شياطين، لكن انت لازم تعرف ان سنك ده هو سن التجارب وسن الاتقاء بكل انواع البشر الجيدة والسيئة، وسن استيعاب حقائق الحياه والخروج من الشرنقة الوردية التى يضعنا اباءنا فيها، لذلك انظر فقط الى الجانب المشرق من الموضوع وهو انك اصبحت اكثر خبرة فى الحياه ، واكثر حنكة فى اختيار الطرف الآخر المناسب لك، وممكن كمان تكون اتعلمت انك تكون واضح وتطلب من الطرف الآخر الوضوح فى نوعية العلاقة بينكما علشان متحصلش قفلة من النوع ده تانى، وصدقنى يوم ما تنتقل لمرحلة اخرى فى حياتك كل المواقف البايخة دى هتتنسى ولن يبقى منها سوى ذكريات باسمة تحكيها لزوجتك واطفالك لتثبتك لهم انك كنت واد كوول مقطع السمكة وديلها ايام الجامعة، انظر للأمام وابتسم للحياه وخلى تركيزك فى اللى جاى مش اللى فات لأن الجايات اكتر من الرايجات بكتيييييييييييييييييير، وصدقنى هى مش مسألأة ان البنات بتذل فى الولاد ولا حاجة بقدر ما هى مسألة انك مقابلتش النموذج المناسب لك

المشاركة الأصلية كتبت بواسطة eltorky

أنا عايز أقولك علي حاجة بقي ياباشا أنت بتقول أن الفراق صعب معليش في الكلام اللي هاقولهولك داة ماتزعلش مني دي نصيحة و اعتبرها من أخوك الكبير العلاقة لو أستمرت بالطريقة دية كدة كدة مش هاتكمل علشان البنت مابتحبش الشاب اللي بيجي علي كرامتة وبالنسبة أن أنت بتقولي انا فعلا دوست علي كرامتي كتييير بس قلت في الاخر انا ليها وهيا ليا لحد بعد الجواز كمان و يبقي في بينكو عياااااااااال ماينفعش برضوو تدوس علي كرامتك لان اللي بيدوس علي كرامتو بيظهر في نظر حبيبتووو ضعيف جدا و بتظن أن هيا امتلاكتوو ياعني معليش سوري زاي كورة التنيس ترزعها في الحيط هاترجعلها تاني و علي فكرة بقي انت بتبقي فاكر أن أنت كدة بتوضحلها أد أية أنت بتحبها بس للاسف تفكير الشباب غير تفكير البنات هية كدة بتشوفك ضعيف و مفيش بنت بتحب راجل ضعيف علشان القوة صفة من صفة الرجولة اللي لازم تشوفها فيك البنت علشان تحبك نصيحة أخيرة و عن تجربة نفضلهاااااااااا خالص علي اد ما تقدر و كل ما الفترة هاتزيد كل ماهتجنينها أكتر و كل ماتجنينها أكتر كل ماهتحبك أكتر هما كدة للاسف حاول تقلب الموضوع لصالحك و بدل مانت بدور عاليها خاليها هية تدور عاليك و أهو بالمرة يا أخي تتأكيد من حبها ليك أنا عارف ان الموضوع صعب بس نتايجو هايلة وربنا يعينك

المشاركة الأصلية كتبت بواسطة fadymelad

هقلك على حاجة وحصلت معايا

انا كنت مرتبط بواحدة من حوالى سنة ونص او اكتر شوية

المهم انا ما كنتش بلعب وبجد فوت حاجات كتير غلط

لانها كانت بتشوف اية الى بضايق منة وهيا بتعملة

وانا ما كنتش برضى ازعلها

المهم اكتشفت حاجات ما ينفعش تخلى علاقتنا تستمر

الاول هيا كانت فاكرة انها متمكنة منى يعنى تعمل الى عايزاة وانا بفوت

بس لما ما ابتديت اطنشها وما اردش عليها بقت هيا معلش فى اللفظ بتجرى ورايا بجد

كانت بمعنى الكلمة بتترجانى اننا نرجع لبعض

بجد ما فيش حاجة تستاهل وانت لو سبتها مدة ما عبرتهاش وهيا بتحبك هتجيلك وتقلك انا اسف

بس نصيحة لو حصل كدة ما تقلش اتقل يا واد كمان لان كدة انت ممكن تطيرها من ايديك

لو جاتلك ندمانة وغلطانة سامحها وما تخليش الرجولة تضرب اوى

ودى نصيحة اخوك

المشاركة الأصلية كتبت بواسطة nabaster

اهلا يا مجايفر

انا علي فكره متحفظ في ردودي علي المواضيع دي

في اكتر من موضوع في المنتدي بيتكلم عن موضوعات شبه الموضوع بتاعك

بس انا كنت بشوف انهم تفكيرهم ممكن هيتغير بعدين شويه بشويه

الي خلاني ارد عليك شايف ان موضوعك دخل في الجد شويه

معلش يا محمد انا هكلمك علي طبيعتي واسف لو لهجتي معجبتكش

مين علي صاحبك ده؟؟ وازاي تقبل انه يكلم واحده بتعتبرها انتا زوجة المستقبل ده علي اساس ايه يعني؟؟

انتيمك؟؟؟ مع احترامي ليك سلامات يا انتيمك

وده يعني حلال المشاكل الي بيحل مشاكلكو؟؟؟ يااااااااااه فعلا مصلح اجتماعي وطيب اوي صاحبك ده وبيحبك و (بيحترمك فعلا)

وبيتكلمو بقي وتقولو ده عمل وعمل يرضيك كده وهوا يقولها معلش بقي والافلام دي

يابني ايه الي بتقوله ده؟؟

وازاي تقبل بشخص غريب يدخل بينكلم و انتيمك مين بس هوا يا جماعه المقاييس اتغيرت ولا ايه؟؟؟

ازاي تقبل ان واحد صاحبك حتي ولو بينكلم وبين بعض ايه انه ياخد رقمها ويكلمها وتكملو عادي كده وسيادتك واخد لقب الراعي الرسمي

الي بينك وبين صاحبك لا يتعدي بعض كلام عليها وفي حدود ضيقه جدا جدا لان في كلام بينكم وبين بعض الهوا المفروض ميعرفوش

قوم تقولي فلان ده بيحل مشاكلنا وبيضالحنا علي بعض؟؟؟

علي كده بقي بعدين لما تتجوزو هيبقي بوضعه ده يعني ولا ايه؟؟؟

دي اول نقطه استني لكلامي لسا بدري

علي اساس ايه تقفل في وشك؟؟؟ انك بتقولها خلي ولاد عمك ينفعوكي؟؟

الكلمه تزعل مقولناش حاجه

لاكن تقفل في وشك؟؟؟ وكمان انتا الي بعدين تكلمها ومتردش عليك لا وتكلم صاحبك وصاحبك تاني يوم يقولك هيا كلمتني وبتاع والفيلم الهندي ده صح؟

البنت دي علي فكره مش بتحترمك متزعلش مني انا كلامي مباشر ومتزعلش من صراحتي

يمكن انتا جيت علي نفسك قبل كده بس ده برضه مش سبب لان البنت السويه الي معندهاش نقص مش هتستغل نقطه زي دي وتعمل معاك زي الي حصل ده

انتا مستني ايه وبتسئل علي ايه بظبط بعض ما قالتلك انها غلطت انها حبتك؟؟

متهيالي الكلمه دي مش في لحظة غضب وحتي لو في لحظة غصب الكلمه دي كفيله تنهي الي بينكم مبالك بقي بالي قبل كده

في حدود في الكلام ومش اي كلام يتقال والكلمه دي كبيره اوي اوي اوي

بص لنفسك وشوف انتا بتعاملها ازاي وهيا بتعاملك ازاي

البنت دي متستاهلش ضفرك

سيبك منها واحترم نفسك وحط كرامتك في اولوياتك واوعي كرامتك تهون عليك مره لانها لو هانت مره هتهوووووووون كتييييييييييييير

متزعلش عليها وتعيش نفسك في وهم واغاني بقي حزينه وبتاع

اتصل علي اي حد من زمايلك واخرج معاه كل يوم نقيلك واحد واخرج معاه

ايوه هتبقي بتفكر فيها لاكن شويه وهتنسي والي هيبقي شافعلك انك معملتش معاها الغلط في يوم

وان احسانك قابلته هيا بالاسأه وده الي هيثبتلك ان البنت دي متستاهلكش وهتنساها بسرعه

متزعلش من كلامي ولهجتي بس اصراحه العرق الصعيدي نكح عليا وغير صعيدي او كده متهيالي البحراويه برضه عندهم كرامه وعندهم نخوه وموافقني في كلامي ومحدش يقبل علي نفسه الي بتعمله معاها ده

لو ليك تعليق مستنيه

a.yakout

المشاركة الأصلية كتبت بواسطة demos70

كلام nabaster عشره على عشره وفي منتهى الإخلاص. من قصتك أكاد أجزم أنها الحب الأول و أحب أضيف بعض النقط:
- من الصعب دوام الحياة الزوجيه مع إنسانه تقولها "مانتي عارفه أنا بضعف قدامك" أو حتى تستشعر فيك ضعفاَ. بقولك حياة زوجيه مش حياة صحوبيه مهما إدعت المرأه انها من النوع اللي بتحب المسكين الضعيف فلا يغرنك.

- أعتقد ان فارق السن بينكما صغير أو معدوم. مع الخبره يمكنك الإرتباط بواحده أكبر منك بثلاثين عاما و تنجح العلاقه أما في مرحلة إكتساب الخبره فيستحسن تكون أنت الأكبر بخمس سنوات سواء سنين حياة أو سنين خبره ليكون هناك مساحه لتدارك أخطاءك أما بالمنظر ده فكل خطأ ترتكبه خلاص يتمسك عليك. يعني مستحيل انك تطلع من دماغها أنك من هنا و رايح مكجيفر التقيل اللي مبقاش بيضعف قدامها.

- البحر مليان سمك. تعلم من تجربتك و خيرها في مليون ألف غيرها. و متجبرش نفسك بالدخول في علاقه لنسيان علاقه أخرى. الحل ده بينفع في الأفلام القديمه بس. لازم تجاهد نفسك و تقضي على أي مشاعر تجاهها. يعني ولا حب ولا كره و زي ماقال الخواجه:

مع التعود هتبقى شاطر جدا في التحويل الي الحاله دي مع أي علاقه و مع أي شئ إلي أن توفق مع الإنسانه أو الشئ المناسب. The right one or right thing.

- حب البنت "تزعلك". "زعل" البنت تحبك. المراد من تلك الحكمه الرائعه أن تختار بعقلك عشان تعرف تتحكم و تقود بعقلك و تجعلها هي تحبك بكل قلبها. أنا عارف انك تاخد واحده بتحبها هو الدور الألذ لكن عيوبه على المدى الطويل لا يقبلها أي رجل.
يجب أن يكون هناك مثلا 50% حب و 50% عقل لتكون سيد قرارك. فالعقل عقال (رباط) القلب.

و أخيرا أعتقد بنسبه 90% هترمي نصائح الأعضاء كلها في البحر و تمشي ورا قلبك. و لو إتخذت هذا المسلك فخير بردو. الزمن هيعلمك نفس النصائح اللي قالتها العقلاء و الخبراء من الأعضاء بس الفارق أنك وقتها هتكون مقتنع جدا و فاهم.
ولو درست الموضوع بعقلك لأدركت ان الموضوع أبسط من أن تشغل بالك به أو تطرحه للعوام بحثا عن حل.

و بالنسبه لسؤالك الأصلي "هما ليه بيعملوا فينا كده" :

2- because you allow them to
3- ph0kax menha
اي إجابه تختارها صحيحه. بالتوفيق.

المشاركة الأصلية كتبت بواسطة samoevil911

بعد اذنك .. حكمة خدها مني
لو مكنتش شايف نفسك راجل يبقي متعملش راجل

قفلت السكة في وشك .. شكرا متعبرهاش تاني .. ملوش لازمة انك تكلمها تاني .. هتبقي بتكسف نفسك وبتهين كرامتك لسببين:
الاول : انها مش هترجعلك او مش هتعتزر .. ودا باين لانها مش بتكلمك من ساعتها ... ومتقلش يمكن قفلت عشان حاجة حصلتلها .. لأن هي ملمتكش لمدة اسبوع علي ما اظن .. معناها انها مطنشة .. وبعدين كانت بتبعت free msg لانتيمك
ثانيا: حتي لوهي هترجعلك ..للأسف مينفعش لأنك ساعتها هتبقي اهنت كرامتك .. وساعتا اسف على اللفظ (هتركبك طول عمرك)
الا بقي لو جت واعتذرت واتزللتلك يعني انت تهزئها وتحسسها باللي عملته


وخدها نصيحة مني : خليك معوج علي البنت احسن مهيا اللي تتعوج عليك
والبنت المعوجة عايزة اللي يديها علي دماغها .. ساعتها تمشي زي الالف

البنات انواع في منهم الرقيق والمؤدب اللي بيسمع الكلام وفي منهم المعوج اللي عايز يتعدل .. بيختلفوا في الاخلاق والطباع بس بيتفقوا في انهم لازم يتشكموا ..

خليك تقيل وزي مبيقولوا التقل صنعة ..

وكن واثق دايما انت في موقف قوة .. انت اللي بتختار .. لكن البنت لأ .. دي بتستنا اللي يختارها ويجيلها ..

و اللي يبيعك بيعو..وان لقيتوا هيبيعك بيعو قبل ميبيعك ..

واتعود : خليك عندك كرامة .. يحترمك اللي مسمعش عنها

ونصيحة كمان : ابعد عن موضوع العلاقات دا خالص لانه فاشل بكل المقايس ومش هقلك مبينجحش بس نسبة نجاحه 1%

كلام كله 10/10
ومافيش بعد كده كلام.