عرض للطباعة
هاي يا شباب
ازيكم كلكم واحشنى جدا، المره دي بقه الموضوع مختلف خالص مالهوش دعوه بالميكانيكا
الفكره انى جايب العربيه موديل 99 وفيها فرش قماش راكب، واتوسخ جدا
عاوز افكه اغلسه غسله حلوه كده واركبه تانى علشان مش ميال انى اغير لفرش جلد وخصوصا لو ده نضف كويس.
عاوز بقه اعرف كل كرسي افك منه الفرش ازاى، والكنبه اللى ورا اعمل فيها ايه برده.
سانك يو يا شباب :s1[1]:
بتتكلم عن فرش الفاريكة ؟
لو فرش الفابريقة ، كنت بعمله عند سروجي في نادي الصيد (منطقة قصاد أكاسيا) بس كنت بسيب العربية يومين مثلا (طبقا لسطوع
الشمس و جفاف الجو) لأنه بيفك الفرش كله و ينضفه (يغسله) و بعدين يتسلي في باقي العربية (تابلوة ، أرضيات ، إلخ .......) .
بتلاقى زى دبابيس ألمونيوم مثنية وماسكة الفرش بالأصلى بتاع العربية - أعتقد محتاج بنسة ببوز رفيع مع مفك عريض لذلك
لكن أعتقد إن فكه إحتمال كبير إنه يبوظ منك - إما تروح لسروجى و الفك ماياخدش أكتر من 10 جنيه - أو تشترى إسبراى التنظيف أبو فرشة و تنظفه مكانة بدون فك
اقتباس:
المشاركة الأصلية كتبت بواسطة bondjames
ده فرش راكب فوق فرش الفابريكه ... قماش عادياقتباس:
المشاركة الأصلية كتبت بواسطة col. Eng. Khaled
بلاش تفك الفرش لائك هتحتاج تروح لسروجى يشدهولك تانى .....
حلها جردل مية صغير وكرولكس بالاوان وقبل المغربية وافتح الكسيت وعيش حياتك ومتنساش باكو العسل :):) علشان الريحة
أيوه يامايكل هتلاقى الفرش الإضافى مثبت بالأصلى بقطع عاملة زى دبابيس الدباسة بس بتكون ألومنيوم و تخينة شوية
إخلع المقعد الخلفى و هتشوفها بنفسك
لو طلعت الكراسى برة هتلاقيها بنفس الطريقة
الكراسي الأمامية بتبقى مربوطة ب 4 مسامير ,
أما الكنبة و الضهر بيبقى مربوط بمسامير 12 و لازم يتفكة بـ بيبة 12
و في خوصتين في أول الكنبة لازم يتفكو ضغط و بعدين هتلاقي في منتصف الكنبة بينها و بين الضهر غاطس مسمار 12,
و بكده تتفك الكنبة ,
و هتلاقي مسامير رابطة الضهر من تحت و بعدين الضهر يترفع لفوق شوية هتلاقيه طلع معاك.
بعد ما تفك الدنيا دي هتلاقي مسامير تخينة على شكل حرف u و الأطراف متنية علشان يمسك الفرش , فكها بالراحة بزرادية بوز ,
و لما يتفك الفرش كله أغسله في الغسالة و بعد ما ينشف روح لسروجي يركبه علشان يبقى شكله مضبوط.
[s]لو تنظيف جاف يكون افضلاقتباس:
المشاركة الأصلية كتبت بواسطة akram
علشان لو فيه جلد او ان القماش ينكمش
[/s]
مايكل باشا
ممكن تجرب التنظيف الكيماوى
خالى لسة جايب كورولا 2004 من 6شهور كدة
فرش الابواب والصالون كلة بيج فى ابانوس كان اتفق مع صاحبها انة قبل مايستلمها يغسلها كيماوى عشان يخدها نظيفة
بجد مش عايز اقولك على النتيجة العربية رجعت لانج وجميع الاتساخات فى الابواب والارضية والكراسى اتمحت بجد
طيب ده ايه نظامه وتكلفته كاماقتباس:
المشاركة الأصلية كتبت بواسطة zocor742
مايكل بك بعد التحية
الغسيل الكيماوي أعتقد هو الحل في حالة سيادتك بلاش مسألة الفك والتركيب دي علشان هتحتاج سروجي شاطر يعملهالك ، ولو تمسكت بمسأله الفك ( إستناداً لمبدأ الإعتمادية ) فأعتقد أنه لن يوجد ما يضاف بعد كلام السيد أكرم .
الغسيل الكيماوي بماكينات ترش ماده علي الفرش تتفاعل مع الأوساخ ثم تطير وحدها لإحتوائها علي الكحول أو أنها تكون من الرغا وي التي يتم إزلتها بالهواء بعد ذلك وبالنسبة للأجزاء البلاستيكية يتم والجلود والتابلوه يتم إستخدام مادة ملمعة مزيله للبقع .
الكلام ده شفته إتعمل في عربية عند المهندس تامر (أحد أعضاء هذا المنتدي ) لديه ما يسمي بالكار كير سنتر في الإسماعيلية وعامل تخفيض خاص لأعضاء المنتدي (السعر الأصلي 120 ) سعر أعضاء المنتدي تقريباً 80 وبينضف الموتور تنظيف جاف وبيشمع العربية بعدها حاجة كدة هتتزهل لما تشوف النتيجة .
للأسف أنا معرفش حد بيعمل الموضوع ده في القاهرة ، كل إلي أقدر أقوله لسيادتك أي وقت تنزل فيه الإسماعيلية خميس أو جمعة أوسبت أنا هاجي مع سيادتك إن شاء الله
تحياتي
انا معاك وقريت الموضوع بتاع الاسماعيليه من زمان ونفسي اروح، لكن المشكله انى من الاسكندريه .. وصعب جدا انى اسافر كل ده علشان اغسل العربيه او الفرش القماشاقتباس:
المشاركة الأصلية كتبت بواسطة bshndi
انا من ضمن التفكير اللى فى بالى انى اركب فرش جلد واعمل الارضيات والشنطه ... بس لسه بفكر
وكنت فاكر ان القماش بسهوله يطلع ويركب تانى .....
انا عملت الكار كير فى وطنية وبصراحة حسيت بندم ونى دفعت فلوس على الارض .....لان الفرش كنت جايبة ب 200ج ونضفهولى ولمعلى العربية 100ج ........حسيت بعدها انى اضحك عليا بصراحة وقلت لنفسى انى استنى علية شوية ولما ازهق اغيرة خالص لو سعرة بسعر مرتين نظافة ..........وفى علب رش فوم للتنظيف بتكون فى حدود 20 ج عند اى حد بتاع كمليات..
من إسكندرية ؟ مش عارف أقولك إيه يا باشا :) ، ممكن حد من عتاولة إسكنرية أو القاهرة يدلنا علي حاجة قريبة ؟
بالنسبة لفرش الأرض والشنطة عين العقل علشان تحافظ علي العربية في الشتاء إلي هايهجم ده
اقتباس:
المشاركة الأصلية كتبت بواسطة michael_lanos
اعرف ان الاسكندرية فيها اكتر من كار كير بس محاولتش استفسر على الاماكن عشان مش محتاج الموضوع دة
بس اعرف توكيل بريدجستون اللى على البحر عندهم كار كير محترم
هو الرك ياجماعة على سمعة المكان اللى هتتعامل معاة ما انا ممكن اخد محل فى اى حتة واكتب عالية كاركير سنتر وانا اصلا مش بفهم فى الكار كير ولا اعرف بيعملوا اية بنظف وخلاص
هو زى ما الاستاذ بشندى قال انهم بستخدموا مستحضرات كيماوية وماكينات مخصوصة لكدة
ومن رأئى الشخصى حرام نعمل كدة فى فرش اصلا كلة على بعضة ب200 او 300 ج الكلام دة لو فرش الفابريكة اتبهدل مثلا وعندك الارضية موكيت فابريكة محتاجة تتنظف والاجزاء الفيبر والطابلوة محتاجة تنظيف بدراعات النور وكدة مش خصارة انك ترجع العربية لحالتها وعلى فكرة بعد ما بيخلصوا تنظيف وعند التفنيش بيكيسوا الارضية والكراسة عشان تفضل نظيفة اكتر مدة
ومن رأيى الشخصى حرام نعمل كدة فى فرش اصلا كلة على بعضة ب200 -300 جنيه
إشترى فرش جديد وطبعا اللى هايركبه هايفك القديم خليه يفكه بحرص و خده إغسله وشيله وشوف هل كان يستاهل أو لأ - وبعد كام سنة لما الفرش الجديد يتوسخ طلع اللى شلته وركبه مكانه
فكره حلوهاقتباس:
المشاركة الأصلية كتبت بواسطة bondjames
سوال على الماشى :: هو فرش اللانوس الاصلى فى منه جديد؟؟؟
اظن هايكون فيه منه فى توكيل منصور شيفورليه بس اكيد غالى جدا
شكرا لردكاقتباس:
المشاركة الأصلية كتبت بواسطة michael_lanos
طاب محدش يعرف فرش يكون خامته نضيفة وشكله حلو يعمل كام سواء قماش او جلد
فرش القماش النضيف يبدأ من 250 ج و انت طالع ,
لو نزلت التوفيقية هتلاقي فيه محلات كتير متخصصة في الفرش بس و كمان ممكن تركبه هناك و إن كنت بفضل تركبه عند واحد مضمون ,
و يفضل قبل ما تركبه انك تنضف الفرش الأصلي و صالون و سقف العربية بالفوم ,
هتحس بفرق كبير .....
شكرا يا باشا على الرداقتباس:
المشاركة الأصلية كتبت بواسطة akram
ومحدش يعرف الجلد النظيف بيعمل كام
بالنسبة للفرش الجلد بيختلف حسب خامة الجلداقتباس:
المشاركة الأصلية كتبت بواسطة maka
وفية حلين عشان تعمل الفرش جلد تركب كسوة جلد وتختار مابين اشكال الكسوات اللى فى السوق او تفصل الفرش عند السروجى بقاسات الكراسى و تختار الشكل النقشة والالوان والخامة ويفضل تعمل الارضية جلد بالمرة
والحل التانى افضل بكتير خصوصا ان الفرش بيكون قد الكرسى بالظبط وبيطبع على الكرسى تمام
بعكس الكسوة ممكن متلاقيش الشكل اللى عايزة على مقاسات الكراسى لأن كل عربية ليها مقاسات كساوى بتنزلها ومبيطبعش على الكرسى اوى زى التفصيل
شكرا يا باشا على الرداقتباس:
المشاركة الأصلية كتبت بواسطة zocor742