يا جماعه الانذار العادى ممتاز بس فى حاجه محدش واخد باله منها
ان الانذارات دلوقت مش بيجى معاها مانع الدواره ذى زمان او بيجى واللى بيركب بياخده علشان يبيعه لوحده لانه يا فرحتى اروح اركب انذار ب200 ولا 300 علشان العربيه تنو وتزمر وترمش ويأخدها ابن الحلال وهى هايصه كدا ويخلع وفى ظرف 3 ثوانى هيدو وتيت تيت خلص الشريط
انا كان معايه جهاز وولف قديم مركبه فى العربيه القديمه (مازدا 323 استشن اسبور)وكان معاه مانع دواره يعنى العربيه متدورش غير بالريموت وكان فيه مانع دواره يعنى لو الحليوه الى جاى نفسه فى العربيه اول ما يدور الموتور يبطل فى الحال والسرينه والانوار تشتغل ووكمـــــــــــــــــــــ ـــــــــــان السنتر لوك يقفل وميفتحش من جوه غير لما تفصل الانذار يعنى كمان هتقوم الصبح هتلاقى العصفور فى المصيده الا اذا كان ابن ناصحه وقدر يكسر الزجاج ويخرج
وللاسف بعت العربيه وكنت فاكر ان مانع الدواره ده موجود لكن كل ما اسأل عنه يقولولى الموجود دلوقت صناعه اى كلام وبيلدع ويوقف الموتور
فلو حد بعرف اى نوع محترم معاه الجزء ياريت يفيدنا