الموضوع: نيسان صنى- تقفيل مصرى....أم الأجنبى

الكلام ده جميل وبيفرح . أنا نفسي لما إرجع مصر إن شاء الله أجيب عربيه تقفيل مصري عشان أشجع بلدي .

ممكن أعلق على حجتين .

هل الصني فيها مشكلة إستهلاك بنزين عالي.

كمان يا ريت لا نلوم الناس على عدم الثقة في المنتج المصري ، دي مش عقدة الخواجه . دي نتيجة عدم الأمانه في أمور كثيرة قد لا يكون ليها علاقه بالعربيات ، احنا بنعاني من الكذب اللي لم يعود عيب وعدم إعتبر إن ده نصب أصلاً .

الثقه في المنتج المصري تكتسب وليست تخلق من عدم .

وبعدين ليه تركيا سبقتنا وماليزيا والمغرب وتايلند وجنوب أفريقيا وبيصدرو لينا ولأوروبا وإحنا مصدرناش ولا عربيه .

الثقه في المنتج المصري تكتسب وليست تخلق من عدم .

تمام...احييك

كلامك تمام التمام
العربية كانت معايا وكل عيوبها كانت كانيسان صني نفسها مش التقفيل غير الفرش
يعني من العيوب:
عريضة جدا و طويلة جدا ومع ذلك الكنبة ضيقة
استهلاك عالي للبنزين
عفشة الي حد ما ناشفة
كلبسات الاكصدامات بلاستيك
العزل

المشاركة الأصلية كتبت بواسطة sab3aawy

خامات متقاربة عالية الجودة، بل واجزم ان بعض خامات الصنى -مثل فرش الكراسى مثلا-مصنع من خامة اقيم من فرش سيارتى الحالية

انا الحقيقة شايف غير كدة خالص
يعني فرشها مش كويس وهبط بعد شهرين وغير مريح وفي المقابل جربت الكورولا وكانت باشا مفيش مقارنة

الله ينور عيك ياباشمهندس فعلا العربية جميله وبعدين احنا لازم نقف جنب المصانع الى بتشتغل فى مصر حتى ولو كان تجميع كنت عارف حد المانى قبل كده قالى اننا نستعمل ونشترى الالمانى فقط حتى ولو كان اقل كفائة من مثيله من بلاد اخرى ( المناسبة انه كان معاه تليفون سيمنز غريب ) فا ياريت كلنا نعمل كده واعتقد ان دى فكرة ممكن ندعو ليه
اشترى المصرى حتى ولو كان اقل كفائة من غيرة
اخوكم مصطفى

المشاركة الأصلية كتبت بواسطة asnady

انا اشتريت نسيان صنى عشان سبعاوى اختارها و قال عليها كويسة
المفروض يا جماعه نيسان تدى سبعاوى هديه عربيه تيدا مثلا
دا جابلهم مئات المشترين بدون مبالغه و لسه مستمر

وأنا كمان اشتريت صني ٢٠٠٩ و عامله دلوقت ٢١٠٠٠ كم و الحمد لله ربنا كرمني فيها ...........
جزاك الله خير يا باشمهندس سبعاوي......