صوت حكة ناحية العجلة اليمين والدريكسيون مكسور ع الاخر يمين

ازيكم يا احلى شباب
لاحظت من يومين وانا برجع بالعربية ال 128 بتاعتى مارشيليه لورا صوت حكة او خبطة ناحية العجلة اليمين وانا كاسر الدريكسيون يمين على الاخر
صوت عامل زى حاجة سابت مكانها وبتحك وبترجع تانى لما اعدل الدريكسيون

المهم رحت لميكانيكى وسمع الصوت وقالى ان الكوبلن اليمين محتاج وردة علشان تمسكه فى مكانه وميلقش
وان اللى حاصل ده نتيجة ان العجلة اليمين فتحت عشان الركب فتحت
يعنى من الاخر تقريبا الشاسيه بدا يفتح
الكلام ده صح ولا غلط يا جماعة
وايه الحل ؟؟
هل اركب الوردة دى وامشى على كده عادى؟؟
ولا لازم الحق الشاسيه قبل ميفتح اكتر من كده؟
وايه اللى المفروض اعمله بالضبط؟
دلونى يا جماعة بعد اذنكم عشان موضوع الشاسيه ده قلقنى جامد بالذات ان العربية حالتها فابريكة ودواخلها فابريكه

لازم تلحق الشاسيه طبعا" بلاش موضوع الورد
أعملها زرجينه ورجع الركبه مكانها وروح لسمكرى محترم يلحمهالك أو ركب شداد ان أمكن
أنت مجنط العربيه ومكبر حجم الكاوتش ؟؟؟ ممكن يكون السبب من الجنط

شكرا يا باشا على الرد
انا مش مجنط العربية انا كل الحكاية حاطط كاوتش عريض165 بس نفس المقاس 13

كنت عاوز اسئل هل الصوت اللى عندى ده مالوش حل غير ان يكون الشاسيه فتح؟؟
مفيش اى احتمالات تانية؟؟
الكوبلن يكون ضرب مثلا او اى حاجة؟؟
ومين اكتر صنايعى يقدر يفيدنى فى الموضوع ده هل السمكرى ولا الميكانيكى ولا العفشجى؟؟

ممكن الميكانيكى وممكن العفشجى
لو بصيت فى حوض العربيه ناحية الركبه ملاحظ أى شرخ أو لحام الركبه مفكوك ومش ظاهر ؟

انا رحت لعفشجى يا باشا وشاف العربية وقالى ان المشكلة كانت كاوتشة الميزان مقطوعة وغيرتها والصوت اختفى
الحمد لله انها طلعت كده ولو ان الموضوع ده قلقنى جامد من حكاية فتح الشاسيه ايه رايك المفروض اعمل تقويات للشاسيه وهو سليم ولا اسيبه فابريكه على حالته؟
وشكرا على تعبك معايا

لأ تمام التمام كده
كنت حاسس والله ان الموضوع مفهوش شرخ ولا حاجه
الحمد لله ومبروووووووك لمصر