-
فيات 128
انا عندى مشكلة بعد ما عملت عمرة للموتور وصوت العربية بقى عالى وكمان بقت خشنة واحترت مع الميكانيكى
لحل المشكلة ومعرفش ودة برضة اللى حصل لعربية صحبى وهى فيات 128 زى عربيتى لما سقط الموتور وركبة تانى يعنى ما عملش عمرة و برضة عندة خشانة ارجوكم افيدونى فى المشكلة
-
انا برضه لاحظت المشكلة دي لما عملت طقم شنبر لعربيتي ال127 ....وما كنتش عارف السبب
ان شاء الله حد يرد علينا ويوضح السبب
-
يا جماعة أي عربية بعد العمره بتبقي كده...خشنة و صوتها عالي و مابتسحبش....اتفرج عليها بعد العمرة ب 5000 أو 10000 كيلو...هتختلف تماما..بس طبعا مع عمل الصيانة الدورية في وقت أقل من العادى...يعني بعد الألف الأولي غير طقم كهرباء و كل الفلاتر و الزيت...و اعمل ده تاني عند ال 10000...و اسمع احلي صوت للموتور
-
-
يا ريت توضيح نوع الخشانة الموجود عشان نقدر نرد
خشنة إزاي ؟؟؟؟؟؟؟؟؟؟
-
انا بحس ان الموتور جوة العربية وعموما علشان اوضح اكتر لما بمشى على سرعة من 30 - 40 على التانى لا استطيع اكتر دقيقة لان صوت الماتور بيضايقنى وعلى فكرة انا عامل 25000 كيلو بعد العمرة و برضة الصوت العالى و الخشانة زى اول ما عمرت وفى ناس قالولى ان الماتور قاعد على جسم العربية مباشرة ودة اللى عامل خشانة وصوت عالى
-
مشكلتك غالباً في كراسي الموتور : (قاعدة القنطرة + القاعدة الثانية + الشداد)
راجع عليهم عند ميكانيكي ولو شرخين أو مريحين أو مقطوعين غيرهم
وممكن تكون القنطرة فاكة من الشاسيه والماتور مريح على الشدادات
روح لميكانيكي كويس وإكشف على هذه الأشياء
ومتنساش تعرفنا بالأخبار
-
برضو شوف العزل خلف التابلوه و لو فيه فتحات من الحوض للكبوت اقفلها ب فوم اسبراى
-
شكرا ياجماعة انا بعت العربية
Content Relevant URLs by
vBSEO 3.6.0 PL2