الموضوع: ما رائيكم فى البورا برجاء الرد للاهمية

المشاركة الأصلية كتبت بواسطة vwbeetle

علي فكره اي حد يقولك ان السيارات الالمانيه فيها عيوب يبقي ما بيفهمش في الالماني
الالمان هما فراعنه العصر في صناعة السيارات
والبورا عربيه في منتهي الجمال والقوه والثبات و الشياكه بس اهم حاجه تجيب موديلات من فوق الـ ١٩٩٠
واتمني انك تتوفق من عند الله في عربيه سليمه ،،،،

كلام غير واقعي بالمرة..!!! للأسف..
مفيش عربية من غير عيوب.. و انا امتلكت عربية الماني قبل كده اوبل كورسا.. و لله الحمد معايا دلوقتي عربية الماني برضه.. و كل عربية فيها عيوب.. و اكيد مميزات.. و ممكن يكون في عيوب انت شايفها تعتبر مميزات في نظر ناس تانية..

ما علينا.. بتتكلم في بورا موديل اعلي من 90؟؟؟ّّّّّّّّ!!!!!!!!!
هي في مصر من اول 2000 لحد 2005..

انامتابع الموضوع عشان اعرف ايه نظام الفتيس بتاعها.. عشان كنت سمعت ان الفتيس اللي نزل في العربيات دي اللي هو في الاوكتافيا في موديلات 98-2001 كان فيه شوية قلق و مشاكل والله اعلم الكلام ده صح ولا لأ..

بس اكتر عيب شائع في العربيات دي.. انها الكارتيرة بتاعت الموتور بتاعتها الومنيوم.. و مفيش فيها مصفحة حديد من تحت.. بس ده مش عيب يخليك متشتريش العربية.. لكن لازم تبقي حريص شوية و انت سايق من المطبات و الرصيف و الطوب و الحجر اللي ممكن يبقي في الشوارع..

المشاركة الأصلية كتبت بواسطة ahmad allawy

كلام غير واقعي بالمرة..!!! للأسف..
مفيش عربية من غير عيوب.. و انا امتلكت عربية الماني قبل كده اوبل كورسا.. و لله الحمد معايا دلوقتي عربية الماني برضه.. و كل عربية فيها عيوب.. و اكيد مميزات.. و ممكن يكون في عيوب انت شايفها تعتبر مميزات في نظر ناس تانية..

ما علينا.. بتتكلم في بورا موديل اعلي من 90؟؟؟ّّّّّّّّ!!!!!!!!!
هي في مصر من اول 2000 لحد 2005..

انامتابع الموضوع عشان اعرف ايه نظام الفتيس بتاعها.. عشان كنت سمعت ان الفتيس اللي نزل في العربيات دي اللي هو في الاوكتافيا في موديلات 98-2001 كان فيه شوية قلق و مشاكل والله اعلم الكلام ده صح ولا لأ..

بس اكتر عيب شائع في العربيات دي.. انها الكارتيرة بتاعت الموتور بتاعتها الومنيوم.. و مفيش فيها مصفحة حديد من تحت.. بس ده مش عيب يخليك متشتريش العربية.. لكن لازم تبقي حريص شوية و انت سايق من المطبات و الرصيف و الطوب و الحجر اللي ممكن يبقي في الشوارع..

انا موافقك الرأى تماما انة عيبها فى الكارتيرة الالمونيوم ودا بسبب وطى العربية بس الى انا اعرفة ان من بعد 2000 او 2001 العربية نزلت بمصفحة من تحت لحماية العربية من تحت وعلى فكرة البورا والاوكتافيا عربية واحدة من حيث قطع الغيار والفتيس الموتور والسيات التوليدو معاهم فا هى عربية ما شاء الله حلوة وعيوبها قليلة وناعمة وثابتة وعفشتها جميلة بس المهم انك انت تحافظ فى سواقتك وانك تاخد بالك من المطبات عشان وطى العربية وربنا يوفقك

متابع

أنا مضطر متكلمش عن العربية دلوقتى لأنى لسه مظبطهاش زى منا عاوز, بس عموما قطع الغيار مش غالية أوى, فى المتناول و الاستيراد الحمد لله مفيش أكثر منو و بأسعار جيدة جدا (بس انتا لازم تختار هتتعامل مع مين) التسارع جيد الى حد كبير لكن السرعة القصوى مش أد كده (بتوصل ل 160 و تتخنق و أخرها كان 180 - 185) فالأمان بتاعها على الموتور هو ال 160 مع العلم انى أتوماتيك.
الثبات طبعا جيد جدا الى حد كبير (مع العلم ان الكاوتشات ضايعة و مفروض انى أغيرها الأيام ديه)
نيجى بأه للمفيد, كلو على حسب احتياجك لو انتا عايز عربية فرك أو شد و تسارع عالى يبقى مش هتنفعك, العربية ثقيلة و رزينة و لازم تحترمها عشان تصونك (صحيح ده ميمنعش انها بتتعفرت بعد ما تدى الكيك داون و الار بى ام يعدى التلاتة)لكن لازم يبقى فى دماغك ان مشيك العادى هيكون باحترام.
حاجة تانية هتاخد لفات محترمة عشان تتعرف على ميكانيكية أو ورش صيانة الألمانى و مين بتوع قطع الغيار المحترمين و متحاولش تغامر فى موضوع قطع الغيار عشات متقرفكش.
العربية قديمة طبعا فلازم تلف كويس عشان تلاقى عربية حالة و لازم تكشف عليها كويس و تختار أولوياتك يعنى أنا اهتمت ان البوية تبقى فابريقة داخل و خارج و عداد قليل (90,000)مع عربية صاحبها مهتم بماتورها و فتيسها, و بالتالى خدت عربية من واحدة ست بس طبعا الكمال لله واحده فكانت العفشة تعبانة شويتين و الكاوتشات ضايعة و العربية مخنوقة حبتين.
كمان انت مفروض تعرفنا انتا كنت راكب ايه و أسلوب سواقتك و انتا متوقعو من العربية الهتركبها عشان نقولك هتنفعك ولا لاء.
و مثال بسيط انا عينى كانت رايحة لل 406, و كانت من ضمن لستة الاختيارات و خصوصا عشان موتور ال 2000 سى سى, لكن كان فى كلام كثير على موضوع الفتيس و الورش المتخصصة فيها و محلات قطع الغيار مليش علم بيها كثير و استخرت و ربنا كرمنى بالبورا بس المشكلة و رغم اقتناعى بسيارتى الحمد لله بس لغاية دلوقتى كل ماشوف ال 406 بتزغلل عينى و موتور ال 2000 سى سى واكل دماغى حبتين بس بردو الخير فيما اختارو الله و الحمد لله على ما رزقنى,
حدد احتجاتك و امكانياتك عشان نعرف ننصحك و بالتوفيق

المشاركة الأصلية كتبت بواسطة TOOLA

أنا مضطر متكلمش عن العربية دلوقتى لأنى لسه مظبطهاش زى منا عاوز, بس عموما قطع الغيار مش غالية أوى, فى المتناول و الاستيراد الحمد لله مفيش أكثر منو و بأسعار جيدة جدا (بس انتا لازم تختار هتتعامل مع مين) التسارع جيد الى حد كبير لكن السرعة القصوى مش أد كده (بتوصل ل 160 و تتخنق و أخرها كان 180 - 185) فالأمان بتاعها على الموتور هو ال 160 مع العلم انى أتوماتيك.
الثبات طبعا جيد جدا الى حد كبير (مع العلم ان الكاوتشات ضايعة و مفروض انى أغيرها الأيام ديه)
نيجى بأه للمفيد, كلو على حسب احتياجك لو انتا عايز عربية فرك أو شد و تسارع عالى يبقى مش هتنفعك, العربية ثقيلة و رزينة و لازم تحترمها عشان تصونك (صحيح ده ميمنعش انها بتتعفرت بعد ما تدى الكيك داون و الار بى ام يعدى التلاتة)لكن لازم يبقى فى دماغك ان مشيك العادى هيكون باحترام.
حاجة تانية هتاخد لفات محترمة عشان تتعرف على ميكانيكية أو ورش صيانة الألمانى و مين بتوع قطع الغيار المحترمين و متحاولش تغامر فى موضوع قطع الغيار عشات متقرفكش.
العربية قديمة طبعا فلازم تلف كويس عشان تلاقى عربية حالة و لازم تكشف عليها كويس و تختار أولوياتك يعنى أنا اهتمت ان البوية تبقى فابريقة داخل و خارج و عداد قليل (90,000)مع عربية صاحبها مهتم بماتورها و فتيسها, و بالتالى خدت عربية من واحدة ست بس طبعا الكمال لله واحده فكانت العفشة تعبانة شويتين و الكاوتشات ضايعة و العربية مخنوقة حبتين.
كمان انت مفروض تعرفنا انتا كنت راكب ايه و أسلوب سواقتك و انتا متوقعو من العربية الهتركبها عشان نقولك هتنفعك ولا لاء.
و مثال بسيط انا عينى كانت رايحة لل 406, و كانت من ضمن لستة الاختيارات و خصوصا عشان موتور ال 2000 سى سى, لكن كان فى كلام كثير على موضوع الفتيس و الورش المتخصصة فيها و محلات قطع الغيار مليش علم بيها كثير و استخرت و ربنا كرمنى بالبورا بس المشكلة و رغم اقتناعى بسيارتى الحمد لله بس لغاية دلوقتى كل ماشوف ال 406 بتزغلل عينى و موتور ال 2000 سى سى واكل دماغى حبتين بس بردو الخير فيما اختارو الله و الحمد لله على ما رزقنى,
حدد احتجاتك و امكانياتك عشان نعرف ننصحك و بالتوفيق

تسلم ايدك علي الكلام العملي و الواقعي الموزون جدا ده..