عندي كام سؤال عن الجير الاتوماتيك
انا لما اجي اغير مثلا من d لــ n ادوس فرامل على الاخر ولا دوسة بسيطة ؟؟
وايه معنى 123 اللي موجودين في الجير
وياريت توضيح كامل لاني اول مرة اسوق جير اتوماتيك
وشكرا لكم
عرض للطباعة
عندي كام سؤال عن الجير الاتوماتيك
انا لما اجي اغير مثلا من d لــ n ادوس فرامل على الاخر ولا دوسة بسيطة ؟؟
وايه معنى 123 اللي موجودين في الجير
وياريت توضيح كامل لاني اول مرة اسوق جير اتوماتيك
وشكرا لكم
1و2و3 دى كأنك بتنقل مانيوال يعنى لو بتسحب عربية تانية مثلا أو طالع مطلع صعب و محتاج عزم ممكن تجيب على 1 يعنى الغيار الأول و هكذا
بالنسبة لأننك تجيب من الd إلى ال n فمش لازم تدوس فرامل بس الفكرة أن كده العربية هتبقى مش متعشقة يعنى لو أنت على منزل أو مطلع هتلاقى العربية بتتحرك لو أنت على n من غير ما تدوس فرامل
لا انا اقصد عامة لما اجي مثلا اغير لازم ادوس فرامل جامد؟؟؟
أنت بدوس فرامل خفيفة عشان العربية متتحركش من وضع السكون لو في حاجة قدامك أو وراك وطبعا لو هتقف في اشارة طويلة شوية تجيب علي الـ n ولو انت بتسئل على لو انت ماشي وهتقف في اشارة مثلاً ممكن تجيب n من قبل ماتقف ومن غير ماتدوس فرامل وتسيب العربية تدحرج بعد كدة تدوس فرامل قبل الاشارة ده عادي جداً وعشان تحافظ على الفتيس والتروس متنقلش ما بين الـ r و الـ p والعربية بتتحرك ابداً وكمان عشان تحافظ على قواعد الماتور لازم تسخن الماتور كويس قبل ما تتطلع خصوصاً ان دخلين على فصل الشتاء وكمان يفضل لما تيجى تنقل مابين الـ d والـ r أو العكس تجيب على الـ n الأول متختفهاش على طول يعني وبالنسبة للـ 1،2،3 وعندنا في الهوندا d4 و d3 و 2 هيه بتختلف الارقام من نوع عربية للثاني بس في الغالب بيكون اول نقلة بعد الـ n للمشى العادي وبيجيب كل النقلات يعنى الـ d4 بينقل لحد النقلة الرابعة و الـ d3 بيكون لما تكون بتشد وعاوز تجميع أسرع أو لو بتتجاوز في طريق سفر مثلاً وبينقل لحد النقلة الثالتة فقط والـ 2 أو 1 في عربيات ثانية بيكون لو طالع على مرتفع جامد شوية أو نزلة جامدة زي جبل ولا حاجة دى بيخلى العربية مكلبشة شوية على الحاجات اللى زي دى، ومتنساش تغير زيت الفتيس وتكشف عليه في الميعاد بتاعه ياريت اكون افتدك وبالتوفيق.