الموضوع: باور النترا 2010

المشاركة الأصلية كتبت بواسطة hash_mafia

هو الثبات اللي عايز أسأل عنه لأن كل لما اقول لحد اني عايز اجيبها يقولي الثبات وحش وكده
بس لما بسأله تقصد ايه بالثبات واحد يقولي وحش من 100 والتاني يقولي من 150(لو كده يبقا مش وحش خالص)
انت ايه رأيك؟؟؟

سيدي الفاضل متسمعش كلام اي حد بيتكلم عن الالنترا لانه ممكن يكون بيتكلم من باب احساس او تخمين وليس تجربة .

عشان تطمن بس من المعلومات اللي هقولها . انا من ملاك الالنترا 2009 وعامل بيها 10000كم تقريبا .

بالنسبة لثبات الالنترا :

العربية بشكل عام ثباتها جيد جدا على السرعات العاليةومش خفيفة لكن :

لو زودت السرعة عن 100 وعدى من جنبك عربية نقل او ميكروباص او عربية بفارق سرعة كبير هتلاقي العربية انحرفت عن مسارها انحراف بسيييييط جدا مش لدرجة الخطر زي ما في ناس فاكرة .

امال بتقول ثباتها كويس ليه ؟؟

لان على السرعات العالية لما تيجي تلف الدركسيون بمقدار كبير الى حد ما لتفادي شيء مفاجئ او حفرة او بلاعة هتلاقي العربية ما شاء الله في منتهى الأمان والثقل و السيطرة على العربية عالية جداااا .

بس انتبه الكلام ده وانا ماشي على اقل من 120 - 130 بعد كده لازم التحكم في الدركسيون بحرص شديد عشان العربية متفلتش منك .

غير كده في الطرق المستقيمة والمنحنيات الخفيفة فحدث ولا حرج ممكن تقفل العداد براحتك .

فعلا الباور بتاعها خرافي انا بحبه جدا بتلاقي الدركسيون خفيف اوي في ايدك و ده بيفيدك في الزحمة و الحفر و كل ما تسرع الباور يتقل شوية
بجد انا بعشق حاجة اسمها النترا و كل مرة بسوق فيها العربية بعتبرها نزهة جميلة الا طبعا لما بتتخبط بتبقى مش نزهة خالص ههههههههه

بس ياريت تحاول ما تغامرش بيها خالص في الأول عشان العين
انا قعدت اطنطط بيها هنا و هنا لحد ما اتخبطت مرتين في الاكصدام و مرة في الصاج و هي لسة 4000 كم مش عارف ده معدل عالي للخبطات و لا ايه بس ربنا ستر
و ربنا يباركلك فيها

المشاركة الأصلية كتبت بواسطة hash_mafia

هو الثبات اللي عايز أسأل عنه لأن كل لما اقول لحد اني عايز اجيبها يقولي الثبات وحش وكده
بس لما بسأله تقصد ايه بالثبات واحد يقولي وحش من 100 والتاني يقولي من 150(لو كده يبقا مش وحش خالص)
انت ايه رأيك؟؟؟

انا بقى اقدر افيدك في موضوع الثبات ده
اكيد طبعا عارف الطريق الزراعي بتاعنا و عارف بيبقى زحمة ازاي و مليان بلاوي و اخر سرعة فيه 90
انا بقى كنت مسافر عليه بتاع 170 كم و طول الطريق ما نزلتش عن 120 كم/س و فترة كبيرة كنت ماشي على 160 كم/س و باخد غرز كتيرة جدا بين العربيات و اعدي ديه و ديه و العربية مستجيبة بطريقة خرافية و بجد كانت بتغريني اني ازود اكتر و اكتر
بجد ثباتها جامد جدا و الباور بتاعها بيساعد في كده كمان

اشتريييييييييها على ضمانتي و لو زعلتك في حاجة واحدة يبقى ليك الكلام
شوف شكل التابلوه من جوة و شكلها من برة و نعومتها و وسعها الرهيب من جوة و فخامتها
انا لو رجع بيا الزمن 100 مرة هشتري النترا برضه
و انا مستني حضرتك تنبقى من الالنتراوية ان شاء الله