اوبترا 2010 هل هناك اختلاف؟

**hesham70** · 14-11-2009 12:42 PM

ان شاء الله عز وجل وبتوفيقه سوف استلم بعد يومين سيارتي الجديده اوبترا 2010 اتوماتيك
بس حبيت اعرف هل هناك اختلاف في موديل 2010 عن موديل 2009؟
و كذلك ما هي الاشياء التي يجب عليا استلامها من معرض السيارات من مستلزمات العربيه و اوراقها او اي متعلقات بالسياره؟
جازكم الله خيرا
هشام

**Hosam_Optrawy** · 14-11-2009 01:13 PM

المشاركة الأصلية كتبت بواسطة hesham70

ان شاء الله عز وجل وبتوفيقه سوف استلم بعد يومين سيارتي الجديده اوبترا 2010 اتوماتيك
بس حبيت اعرف هل هناك اختلاف في موديل 2010 عن موديل 2009؟
و كذلك ما هي الاشياء التي يجب عليا استلامها من معرض السيارات من مستلزمات العربيه و اوراقها او اي متعلقات بالسياره؟
جازكم الله خيرا
هشام

اولا الف مبروك مقدما على العربيه وربنا يباركلك فيها

ومبروك علينا اوبتراوى جديد :)

العربيه المفروض هى هى 2009

العربيه بييجى معاها فى الشنطه الكوريك والعده ( مفتاح لمسامير العجل ومفك )

وتتأكد من وجود الطاسات على العجل والولاعه

طبعا تجرب الانوار والمساحات والكاسيت والتكييف

تتأكد ان العربيه مفيهاش خدوش او تجريح

الضمان والكتالوج هاتستلمهم بعد الترخيض ان شاء الله

**hesham70** · 14-11-2009 01:36 PM

تسلموا الله يبارك فيكم علي الرد السريع
أ/حسام شكرا جزيلا ان شاء الله نتواصل علي طول ويشرفني ان اكون اوبتراوي

**Hosam_Optrawy** · 14-11-2009 01:41 PM

المشاركة الأصلية كتبت بواسطة hesham70

تسلموا :ta_clap[1]::ta_clap[1]::ta_clap[1]:الله يبارك فيكم علي الرد السريع
أ/حسام شكرا جزيلا ان شاء الله نتواصل علي طول ويشرفني ان اكون اوبتراوي

العفو يا استاذ هشام وتحت امرك فى اى استفسار اهلا بيك فى اى وقت :)

**abou-yahia** · 24-11-2009 09:47 AM

مبارك عليك اعربيه انشاء الله ويرزقك الله الخير منها ويبعد عنك الشر منها , بص يا سيدي الموضوع سهل وبسيط خالص كل احكايه هما دواستين واحده للبنزين والتانيه للفرامل كل المطلوب منك انك تاخد بالك من ان تسارع الاتوماتيك اقل من المنيول فلازم تكون صبور شويه وما تكبس بنزين جامد وخلي بالك الجير بوكس بتاعها اربع غيارات بس وزرار الهولد ده بيعمل تعليق للنقله اللي الجير عليها عشان يديك اعلي عزم وده بيكون في مواقف قليله وتلغيه بعد ما تستخدمه وبرضك رجليك علي الفرامل تكون حساسه لانها بتكون جامده بس بعد يومين سواقه كل الكلام ده حيكون متضبط .
نصيحه تانيه بعد الاستلام انشاء الله ضبط ضعط العجل ومون من بنزينات كويسه .
ربنا يبارك لك انشاء الله

**Hosam_Optrawy** · 24-11-2009 01:06 PM

المشاركة الأصلية كتبت بواسطة أبــوحبيبه ونور

ان شاء الله ان شاء الله ان شاء الله هستلم اوبترا 2010 اتوماتيك بعد العيد بس انا سؤالى مختلف
انا طول عمرى بركب مانويل ممكن يكون السؤال غريب بس انا مش عارف ايه الفرق بين المناويل والاتوماتيك من ناحية السواقة يعنى محتاج حد يعلمنى اسوق اتوماتيك ازى ولا هعرف اسوقها من غير مشاكل ولكم منى جزيل الشكر والاحترام والتقدير وفى انتظار الردود والتعارف بالاخوة الاوبتراوية مانويل واتوماتيك

احمد منجى"" ابو حبيبة ونور""

مبروك مقدما يا استاذ احمد

الاوتوماتيك اسهل واريح بكتير من المانيوال

طبعا هما دواستين بس بنزين وفرامل ورجلك الشمال مبتستخدمهاش خالص

وهاتتعود عليها بسرعه ان شاء الله

بتجيب الفتيس على ال d وتمشى

لما تعوز ترجع لورا بتجيب r

ال n كأنك ممور

ال p بتاع الباركنج يعنى العربيه ماتتزقش

وانت بتنقل بين النقلات d و n و r و p بتبقى دايس فرامل

وفى النقله من n ل r بتحتاج تضغط طغطه خفيفه لتحت وانت بتنقل

فى باقى النقلات عادى مابتضغطش