حد هيسجل ماتش مصر و الجزائر ؟؟؟ ضروري جدا ؟؟

يا تري يا جماعة في حد هيقدر يسجل ماتش مصر و الجزائر كاملا بصورة dvd .. انا محتاج الماتش ضروري جدا جدا في شغل هام .... يا تري لو في حد هيقدر يسجلو يقولي عشان لو اقدر اخده منه

الف شكر مقدما

يا جماعة مفيش حد و لا ايه ؟؟؟

يا حسينى ده انا بفكر ما اتفرجش عالماتش اصلا وادور على اى حاجة تشغلنى عنه
عشان اعصابى مش مستحملة
مين بقا هيسجله ويتفرج عليه مرتين
استنى بعد الماتش هتلاقى مواقع كتير منزلاه

اقتباس:

---

المشاركة الأصلية كتبت بواسطة BASKOTA

يا حسينى ده انا بفكر ما اتفرجش عالماتش اصلا وادور على اى حاجة تشغلنى عنه
عشان اعصابى مش مستحملة
مين بقا هيسجله ويتفرج عليه مرتين
استنى بعد الماتش هتلاقى مواقع كتير منزلاه

---

و الله يا بسكوتة انا مش قادر استني اكتر من كدة .. بس فعلا انا عايز الماتش عشان هستخدمة في حاجة معينة في شغلي ... و انا عارف ان في مواقع كتير هتنزله بس انا عايز من غير كتابه عليه ( زي اسم الموقع او اسم اللي سجل الفيديو )

يا رب :ask:

أكيد في حد في موقع arabfilms.org هيسجل الماتش. لو مصر فازت بالثلاثة أكيد حتلاقي الماتش هناك.

وغالبا مش ح تلاقي عليه watermark.

اقتباس:

---

المشاركة الأصلية كتبت بواسطة itsonlyme

أكيد في حد في موقع arabfilms.org هيسجل الماتش. لو مصر فازت بالثلاثة أكيد حتلاقي الماتش هناك.

وغالبا مش ح تلاقي عليه watermark.

---

باشا .؟.. متعرفش حد يديني اسم عضوية في الموقع ده ... عشان التسجيل غير متاح

صباح الفل يا جماعة ... محدش يعرف موقع كويس انزل منه الاهداف بصورة dvd و يكون من غير علامة مائية

اقتباس:

---

المشاركة الأصلية كتبت بواسطة El.Hossieny

صباح الفل يا جماعة ... محدش يعرف موقع كويس انزل منه الاهداف بصورة dvd و يكون من غير علامة مائية

---

المبارة موجودة فعلاً على موقع arabfilms.org بجودة عالية 640x480 من غير علامة مائية باستثناء علامة قناة نايل سبورت.

ممكن تراسلني على الخاص. بس مش حبقى متاح للرد قبل العصر.

تقدر تنزل الماتش كامل من الموقع ده
مباره الحلمــ ,, مصر والجزائـر ,, كاملة نسخة مضغوطـة + النسخة الأصليــة ... وتحميل مباشر على عدة سيرفرات - منتديات ماي ايجي

الف شكر ليك يا باشا