مبروووووك لمصر الفوز على الجزائر 2-0

**Ahmed Samy** · 15-11-2009 01:03 AM

اصل الظلم وحش

و الحكم ظلمنا كتير

اللي يلمس جزائري ياخد فاول ....

ولا كأنهم ستات مثلا ....الحمد لله

عقبااااال السودان

**Abo_Lina** · 15-11-2009 01:11 AM

المشاركة الأصلية كتبت بواسطة ahmed samy

اصل الظلم وحش

و الحكم ظلمنا كتير

اللي يلمس جزائري ياخد فاول ....

ولا كأنهم ستات مثلا ....الحمد لله

عقبااااال السودان

فعلا الحكم كان غريب و كل لمسة بفاول و ٩٠ % من الفاولات علينا ماكانتش فاولات

**M.Osman** · 15-11-2009 01:15 AM

انا و انا في الكافيه بتفرج ..لما الوقت وصل للدقيقة 90 بجد كنت قاعد مزهول ان كل الناس اللي كانت جاية تشجع دي ممكن تروح زعلانة

انا بالنسبة لي مش مهتم اوي بالكورة ... اهم حاجة عندي بس ان الجزائر متصعدش!!!

**asbeats** · 15-11-2009 01:53 AM

المشاركة الأصلية كتبت بواسطة mok3336

السلام عليكم و رحمة الله و بركاته
مبروك يا جماعة لمنتخب مصر و يارب يتمم بخير
بس مش عارف هل فعلا الموضوع يستحق كل الضجه دي و التفاعل الكبير في الشوارع والأسفلت المتقطع في الميدان علي رأى أخونا مش فاكر أسمة إية و أن الناس تروح الإستاد من الساعة 12 الظهر عشان تحجز المكان و في منهم أكيد مسلم يوم الجمعة بيكسل يروك يصلي الجمعة في الجامع أو يروح يصلي يوم الأحد بالنسبة لأخوانا المسيحيين في الكنيسة
و أكيد منهم يوم حادثة القطار لم يبدى اى إهتمام و أكيد منهم و منهم و منهم
و أكيد برضة المكافئات ايلي هيحصلوا عليها المنتخب المصري سواء من الإتحاد او من الحكومة أو من رجال الأعمال يستحقوها فعلاً أو هم فعلاً عملوا حاجة يستحقوا عليها كل التكريم والإهتمام ده كله ( انا مش بقلل منهم و لكن ممكن يكون الإهتمام زياده شوية )
أنا عارف أن في منكم هيقول عليا أنى مش بفهم حاجة و دى رياضة و أنت أكيد معندكش إنتماء و هيقولي شعارات في حب الوطن و دور المنتخب العظيم و الحرب الكبيرة إيلي إنتصر فيها أمام الفريق الجزائري
بس في كام سؤال كده ياريت تجوبوني عليه
1- هل في حادث القطار الإخير أو غيرة أو في جنازة الدكتور الكبير مصطفى محمود أنتقل الكم الهائل من الممثلين و الفنانين و كمان رجال الدولة ماراحوا كده الإستاد يشجعوا المنتخب ؟
2- هل القنوات الخاصة زى دريم و الحياه و مودرن عطلوا الإرسال بتاعهم عشان يقولوا كلمتين زى ايلي كانوا مكتوبين ساعت المباراه و بيصفوا وزير الإعلام المصري بأنه متعسف ( و الله هم يدحك و هم يبكى )
و غيرهم و غيرهم كتير
بس للأسف الإنتماء بتعنا بيبقي في الكورة بس أو بمعني أصح في الهيافة بس أو أسف علي كله الهيافة دي بس ملقتش كلمه غيرها و لو كنت لقيت كلمه أقل منها كنت هقولها

و المصري إيلي علي حق ...... عمره ما يقول لأ ( حاضر و بس )

و سلامي لكل مصري و بالتحديد لمشجعي منتخب مصر و بالتوفيق لمنتخب الجزائر

+1111111111111111111

معاك قلبا وقالبا

لكن مقدرش انكر انفعالي بالمباراة وفرحتي بالفوز على الجزائر

**bmya** · 15-11-2009 01:57 AM

الله اكبر والحمد لله اولا واخيرااااا
وربنا يسهلنا في السودان

**maka** · 15-11-2009 02:44 AM

المشاركة الأصلية كتبت بواسطة SuccessCre8or

انا و انا في الكافيه بتفرج ..لما الوقت وصل للدقيقة 90 بجد كنت قاعد مزهول ان كل الناس اللي كانت جاية تشجع دي ممكن تروح زعلانة

انا بالنسبة لي مش مهتم اوي بالكورة ... اهم حاجة عندي بس ان الجزائر متصعدش!!!

انا مليش فى الكورة وطول عمرى بارد وهادى بشهادة الناس

بس من نص الشوط الاول لحد الجون التانى وانا هتجنن واول مرة اعصابى تتشد كده ومكنتش طايق كلمة من حد

واللى حوالي مندهشين من الحالة اللى وصلتلها

لانى بصراحة كنت واخدها مسالة كرامة لان الجزائريين قلوا ادبهم علينا هناك و جايين بلدنا يبلطجوا وكمان منربهمش

دى تبقى عيبة فى حقنا

**pro_samir** · 15-11-2009 04:05 AM

بجد مش عارف لية معظم الناس كانت متأكدة ان في جون هييجي في اخر لحظة ، كل لما اقابل حد يقولي انا كنت قاعد مستنية

بالرغم من ان في الكافيهات وفي الأستاد كانو ابتدو يمشو

وانا برضو مع ان مليش في الكورة خالص لكن كان عندي احساس رهيب ان في جون في الأخر ، وساعتها ضيفت رد في موضوع قلت يا رب صاروخ من برا ال18 ، شوية وراح بركات مسقطها وجون

مش عارف الواحد يفرح للفوز ولا يفرح في الجزائريين

الحمد لله ان مصر باتت مبسوطة

**mahmoud_magdy** · 15-11-2009 07:18 AM

انا كنت فقدت الامل بجد
دايما بيحرقو اعصابنا في كل ماتش مهم بالطريقه دي
مش عارف ليه لعيبتنا بيتباردو كدا ليه
يجيبوا الجول الاول وهب يناموا بقى
والناس دمها بتحرق وتتعصب
وفي الاخر يجيبو جون والناس تنسى اللي حصل في الماتش
المهم اننا كسبنا
في الاخر انا قلت انا فقدت الامل وفجأه
الجون جه
يــــــــــــــــــــــــ ــــاه أخيرا عودا حميدا
ونزلت الشارع والطريق فعلا كان مقفول والناس كانت كتييييييييييير
لدرجة كان في ناس معايا قالو احنا اول مره نشوف العاشر مسكونه كدا ( فيها ناس كتير ظاهرين بالشكل ده ) لان العاده ان البلد دايما فاضيه ورايقه وهاديه
الحمد لله
يارب الماتش الجاي نكسب ونتأهل
كفايه حرق الدم اللي حصل للمصريين
وربنا يستر على المصريين اللي في الجزائر

-

-

الموضوع: مبروووووك لمصر الفوز على الجزائر 2-0

LinkBack

أدوات الموضوع

عرض

-

-

-

-

-

-

المواضيع المتشابهه

مبروووووك يا وليد باشا

خبير: لوائح الفيفا تضمن لمصر إعادة المباراة أو اعتبار الجزائر مهزوماً

مبروك لمصر الفوز

مبروووووك ..

الكلمات الدلالية لهذا الموضوع

المفضلات

المفضلات

ضوابط المشاركة