يا جماعة حتى لو السودان مش معانا توفيق ربنا اهم من اى حد وان شاء الله المكسب لمصر
عرض للطباعة
يا جماعة حتى لو السودان مش معانا توفيق ربنا اهم من اى حد وان شاء الله المكسب لمصر
السودانين كشعب بيحبوا المصريين كشعب
ده غير انهم طيبين وقلوبهم بيضاء والمثل بيقول انا واخويا على ابن عمي وانا وابن عمي على الغريب والمصريين والسودانيين اخوات
كل لناس بقت بتكره مصر
هل احنا وحشين اوى كده ؟؟
كل الشكر والتقدير لهذا الرجل.. ربنا يباركله.اقتباس:
أكد يوسف السمان رئيس الإذاعة الرياضية بالسودان، أن أحد رجال الأعمال السودانيين تبرع بتجهيز 40 ألف علم لمصر، وشراء 40 ألف تذكرة لصالح الجماهير المصرية
لأ احنا مش وحشين اوى كدة
فينا ناس وحشين اه بس الغالبيه كويسين
ومعظم الجمهور السودانى هيشجع مصر بأذن الله وميمنعش ان فى قله هتشجع الجزائر...
يا شباب تانى.....وانا متضايق انى بقول كده ..... الشعب السودانى فى عمومة "مابيستظرفش" المصريين... عكس التوقعات وعكس كل ما يقال ... هو طبعا ده مش ظاهر قوى ومش بيكلموا عنه كتير... انما فيه خلفيات وعوامل كتييييييير قوى للموضوع ده من اول اللى حصل فى محمد نجيب (اللى والدته سودانية) مرورا بمشاكل المياة وحلايب والنميرى والمدرسين المصريين ومعاملة بعض المصريين ...و ..و...و إلخ
بس فى نفس الوقت زى ما قلت قبل كده ده كله مش فارق .. لان الاستاد هايبقى مقسوم نصين مصر وجزائر ومش هيكون فيه اى تواجد للسودانيين الا فى الشوارع .. وهما بصفة عامة مسالمين ... مش هايعملوا اى اذى
مرة جابوا راجل عجوز سوداني بعد ماتش لمنتخب مصر مع المنتخب السوداني في استاد القاهرة
وقال إنه حزين حزن شديد من المصريين و لا يكاد يصدق نفسه
المذيعة سألته ليه
قالها إنه كان مجند في الجيش المصري كان صف ظابط أيام ما كان مصر والسودان موحدة , وفضل أربعين سنة يحيي علم مصر كل يوم الصبح و يقول "تحيا مصر"
ولكنه لما جاء للقاهرة علشان الماتش سمع هتاف المشجعين المصريين من نوعية , بربريكا / زناجرة / البوابين فحزن جد أنه كان مستعد يموت في سبيل شعب لا يعتبره إلا زنجي وبواب
بالله عليكم عاوزينهم يحبونا ليه ؟
خد عندك العوجان المصري على كل الشعوب العربية (العرب بس) دول كانوا حافيين والبترول عملهم بني أدمين , دول بايعين أرضهم , دول بربر همج
دول إحنا اللي عملناهم
دول إحنا اللي علمناهم
دول إحنا اللي ساعدناهم
دول إحنا اللي حررناهم
لما ولله الحمد مافيش حد طايقنا للعنصرية الغير مبررة بالرغم من إننا فينا العبر
بالظبط زي الألمان بالنسبة لباقية الأوروبيين , بالرغم من إن ألمانيا فعلا أفضل دول أوروبا , إنما الفرنساويين يطيقوا العمى ولا يطيقوهمش ولا الهولانديين و لا الإنجليز و لا أي حد
عاوز تكسب عداوة الناس جميعا ؟ خليك نازي عنصري
هي دي الروشتة اللي إحنا ماشيين عليها ,وأديكوا شايفين الثمار.