عايزين نخد بالنا من الموضوع اوي يا جماعه بجد
عرض للطباعة
عايزين نخد بالنا من الموضوع اوي يا جماعه بجد
متشكرين يا نجد بيه وجزاك الله خير
بس هو فى حاجة انا مش عايز حد يفهمنى غلط
وهى النية وبيتهيالى هى اهم حاجة لان ربنا عارف نية كل واحد منا ايه
ده غير ان احنا هنتحاسب على النية مش طريقة الكتابة
ده غير ان الدين يسر وليس بعسر
بس مش المقصود بكلامى ان نكتب ان شاء الله غلط ونسوق فيها
ومتشكرين مرة يانجد يا حبيب قلبى من جوة على التنويه ده وبكرر مش عاوز كلامى يتفهم غلط
لا ياباشا كلامك مفهوم صحيح ربنا بحاسبنا ع النيه اللى جوانه بس
السلام عليكم ورحمة الله وبركاته
إحنا حديث إنما الأعمال بالنيات دة بصراحة معظم الناس فاهماه غلط وبعدين إنت حافظ الحديث دة ومش حافظ قول رسول الله (صلى الله عليه وسلم)" إن الله يحب إذا عمل أحدكم عملاً أن يتقنه"
ولو تلاحظ كلمة (عمل) هنا غير معرفة عشان تفيد الشمول والعموم يعنى ربنا بيحب لو حانعمل أى حاجة فى حياتنا نتقنها
ياجماعة الأعمال بالنيات دة للى بينك وبين ربنا يعنى فى الحديث كان بييتكلم على الهجرة وهنا كانت النوايا لا يعلمها إلا الله يعنى اللى كان مسافر لله ورسوله واللى كان مسافر لنفسه وللدنيا
يعنى زى اللى بيصلى هل إنت تعرف بيصلى لله ولا عشان يقال عليه مصلى وكذلك المتصدق وقيس على كدة كتير
أنما ما نغلطش ونرجع نقول إنما الأعمال بالنيات
وشكراٌ على الموضوع دة يا نجد
أخوكم فى الله هانى
حبيبي يا اخ هاني كلام سليم
شكرا علىالتوضيح والتنبيه
الله يباركلك ويجزيك خير عن التذكرة
....
عاوز اعقب تعقيب صغير
احنا مطالبين بحسن النية مع حسن العمل ......ولا يكفي ان تكون نيتنا حسنة ... وعملنا غير ذلك
النيه والعمل متكاملان
لو افترضنا ان عمل الانسان في حياته زي مركب يبحر في نهر او بحر للوصول الى وجهه معينة
فإن العمل بمثابة المحرك او الموتور الذي يحرك المركب
اما النيه فهي الدفة التي توجه المركب للوجهه الصحيحة
....
لو المركب تحرك بفعل المحرك و لكن الدفة موجهه الى اتجاه خاطيء ... يبقى المركب ح يمشي لكن ح يروح في مكان خاطيء ويمكن يروح النار بدل الجنة ... والعياذ بالله
ولو الدفة متوجهه صح والموتور مش شغال ..... يبقى المركب ح يتجة صح لكن بدون حركة ...يعني محلك سر
والحديث الشريف بيؤكد ده .... نص الحديث انما الأعمال بالنيات ..... يعني فيه اعمال وفيه نيات
مش عمل بس ومش نية بس ..... الا لو نوى الانسان شيء ولم يتمكن من عمله لسبب خارج عن ارادته ...... ده موضوع تاني
لكن اني اعمل حاجة مش صحيحة واقول انا نيتي كانت خير ..... اكيد ما ينفعش
اللي بيكتب إنشاء ... وهو ما يعرفش او اخطأ في الكتاية ....اكيد ربنا غفور رحيم
لكن لما ييجي حد ينبهه للصح و يعرفه الفرق بين الصح والغلط .... يبقى كده لازم يعرف وياخد باله .....وكمان يعرف غيره علشان يفيد كما استفاد
لكن طبعا ما ينفعش بعد ما يعرف يستمر في الكتابة خطأ ويقول ان نيته صحيحة
....
آسف للإطالة لكن الموضوع مهم ويستحق الانتباه
انا كنت خايف من كده انى اتفهم غلط اتكتب فى اخر المشاركة ان مش معنى كده انى اكتب ان شاء الله خطاء واسوق فيها
المقصود بكلامى ان الواحد منا لما يجى يكتب بيكتب بسرعة ومبيخدش باله من الاخطاء ومحدش يعتبر ان ده عذر عشان محدش يعلق عليه ونعتبره شماعة لاخطاءنا
المقصود ان فى كتب ومجلدات فيها اخطاء مطبعية ممكن يكون هذا الخطاء يغير معنى الكلام ولا سيما لو مستبشر ببعض ايات القراءن الكريم
ممكن يكون هذا الخطاء تحريف فى معنى الاية وليعاذ بالله ولكن دون قصد
والا لو كده يبقى كلنا هنتحاسب حساب عسير عند قراءة القران بدون تشكيل لان بقرائتنا هذه قد ننطق ببعض الايات بطريقة خطاء وخاصة ان معظم الشعب يقراء القراءن بدون تشكيل واكيد هيخطى فى القراءة
ولكن ربنا كبير وهيحاسب عباده بالنية لانهم حاولوا القراءة وذلك لمجرد المحاولة
وخلاصة كلامى الكتير ان النية مهمة
والخلاصة فى الاخر ان ربنا هيدخلنا الجنة برحمته وليس بعملنا او نيتنا او كتابتنا
وربنا كبير ورحمته وسعت كل شئ
ومعذرة للاطالة بس حبيت اوضح وجهة النظر والاختلاف فى وجهلت النظر لا يفسد للود قضية
شكرا علي:cool2: التوضيح والتنبيه
ربنا يجازيك خير على المعلومة