انا معجب جدا بالعربية دي
لكن لما دخلت علي الموقع لقيت شكاوى كتير من العربية و كتير قوي من التوكيل
لكل ملاكها ايه رايكم : العربية تستاهل ولا مشاكلها كتير و التوكيل مقرف؟
سؤال للاخوة الأعزاء و ارجو منكم الرد قبل ما أدفع كل اللي حيلتي فيها
و شكرا مقدما
عرض للطباعة
انا معجب جدا بالعربية دي
لكن لما دخلت علي الموقع لقيت شكاوى كتير من العربية و كتير قوي من التوكيل
لكل ملاكها ايه رايكم : العربية تستاهل ولا مشاكلها كتير و التوكيل مقرف؟
سؤال للاخوة الأعزاء و ارجو منكم الرد قبل ما أدفع كل اللي حيلتي فيها
و شكرا مقدما
العربيه ممتاذه وسعرها بالنسبه لامكانياتها فوق الممتاذ والتوكيل سئ وسعر اعادة البيع سئ وأسعار قطع الغيار فى المتوسط ومتوفر واستهلاك البنزين (لو كنت تمتلك سياره أقل من 1600 cc هتحس بفرق كبير لكن لو كنت تمتلك سياره 1600 cc أنجكشن مش هتحس بالفرق ) وربنا يوفقك .
تستاهل جدااااا
كلنا دفعنا التحويشه والحمدلله لم اندم لمره واحده ولو رجع الزمن حتى وعز بقى شكل تانى برضه تستاهل جدااا :fun_36_3_4[1]:
ربنا يوفق
بصراحه انا نفس مشكلتك معجب بيها جدا وفي نفس الوقت خايف من التوكيل والتقفيل وكده
وانا معايا شاهين 1400 هحس ازاي بفرق في البنزين زي مااستاذ احمد قال الضعف مثلا ولا ايه مش فاهم ياريت التوضيح
وحكليه اعاده سعر البيع دي برضه من العيوب ومش عارف اشتريها مستعمله ولا جديده
العربية ممتازة و التوكيل عادي .......
لو معندكش مشاكل في العربية ...... هاتقول التوكيل ممتاز
لو حصل معاك حاجة و متحلتش .......... هاتقول التوكيل أوحش توكيل في العالم
و لكن أداء التوكيل عموما عادي ......... فيه زحام ....... الورش الجديدة لسة مفتحتش لغاية دلوقتي .... و إن كان فيه عدد روافع زاد علشان يتعمل عليه الصيانة السريعة و الورشة تكون متخصصة للصيانة التقيلة .
الميكانيكية عاديين مش خارقين
أعتقد أغلب توكيلات مصر كدا .
العقبة الوحيدة لو ظهر معاك عيب تقفيل و التوكيل معرفش يصلحه أو أخد وقت طويل في تصليحه .
إنما العربية من أفضل العربيات 1600 اللي موجودة في مصر من ناحية الأداء و الكماليات .
عن تجربة شخصية اتا كان معايا ويرا والان انا راكب لانسر سبورت بومة 2006
بخصوص موضوع التوكيل فهو يعتبر افضل من مصرية ويخصوص الاسعار يعتبر عادى وفى اغلب الاحيان عز ارخص اما بخصوص الخدمة ففى رائى عز مش سئ زى ماناس كتير بتقول
عربية حلوة جدا جدا والله
بس التوكيل انا شايف انه مش حلو
عربية تحفة توكيل فى الضياع
العربية تحفة ماشاء الله و التوكيل بصراحة مش عاجبنى اوى بس أنا للأسف ما عنديش خبرات مع توكيلات تانية عشان أقدر أقارن بس الكل بيقول إن أداؤه متوسط مقارنة بتوكيلا كتير فى مصر
المشكلة مش التوكيل وبس المشكلة الأكبر في عيوب التقفيل الكتيرة
ايه العيوب الي ظهرت في عربيتيك يا رانيا ؟؟
العربية حلوة
التوكيل ( حبايبى بصراحة ) بس محتاج اهتمام اكتر شوية بالعربية
اقتباس:
المشاركة الأصلية كتبت بواسطة theegyption
+11111111111111111؟؟؟؟؟؟؟
1 - صوت عند قثح الشنطة نتيجة احتكاك الزجاج بالسقف
وكان الحل انهم فكوا الزجاج و رحلوه شوية - و ده كان امبارح و لسه تحت الاختبار
2- صوت في الدركسيون - ظبتوه و راح الصوت بنسبة 70 %
على فكرة انا لما كتبت ان في عيوب تقفيل كنت بقول في العموم
مش على العيوب اللي ظهرت عندي أنا بس
وانا كنت عارفة كدا قبل ما اشتري
بس انا قلبي جامد شوية وقولت اخود التجربة
نسيت اقول حاجة مهمة ان امبارح في التوكيل لقيت معاملة كويسة واهتمام من مهندس الاستقبال (مدحت) و م. امر و 2 من جوه الورشة
كان لازم استنى ساعتين بعد تركيب الزجاج و ده كان 3:45
م/ مدحت استنى معايا لحد 6:15
عشان قي واحد فني اهتم و شافها 5:45 و قالي استني كمان نص ساعة أحسن
كانوا مهتمين جدأ كلهم يفهموني ان فك الزجاج ده أحسن حل عشان ميتكسرشى والدليل انهم حاولوا الاول في تظبيط مفصلة الشنطة
و ا رايك في العربية بعد المشاكل دي ؟ تستاهل إن الواحد يستحملها ؟
العربية تستاهل اوى و يا سلام لو حظك حلو و مالقتش عيوب تقفيل و ما احتجتش التوكيل .
انا عارف , موضوع غريب موضوع الحظ دا , مش المفروض تحطه فى الاعتبار و انت بتشترى عربية خالص , و انا كنت عارف الموضوع دا قبل ما اشتريها بس انا كان نفسى فيها اوى فخدت التجربة زى ما الناس خاضتها برده , و الحمدلله مافيش عيوب خالص الحمدلله لغاية دلوقتى .
هو يس حاجة كدة بسيطة وانا متعايش معاها بنسبة 100 % و مش هقوللك عليها عشان متقلقش اكتر , عشان الحاجات دى كانت بتخوفنى اوى قبل ما اشتريها .
و نصيحة اخيرة : ماتسمعش كلام اى حد ماعهوش العربية .
يا تري ايه عيوب التصنيع اللي ظهرت معاكم ؟
و هل نسبتها كتيرة ؟
أفيدونا أفادكم الله
و شكرا لكل من يشارك
و ايه موضوع استهلاك البنزين العالي ااااااااااااااااااااوى ؟:120146b
أستهلاك البنزين بيرجع لرجلك أنت ......... دوستك على البنزين .......اقتباس:
المشاركة الأصلية كتبت بواسطة achrafhendawy71
العربية في العادي بتعمل من 250 إلى 350 لكل 20 لتر بنزين 92
و السرعات تكون ما بين 75 إلى 100 أو حتى 110 كم - س
و الجين 2 الجديدة فيها نظام iafm و المفروض أن مع النظام ده الأستهلاك أقل من القديمة شوية بسيطة .
الناس اللي بتشتكي من البنزين يا إما لسة بيلين ......... أو بيحرق جامد على العربية و بيشد كتير
و طبعا أكيد فيه حد عنده حاجة
فلتر بنزين مش كويس ( مسدود أو قديم ) .......
إنما الأستهلاك كويس جدا لعربية 1600 .
اقتباس:
يا تري ايه عيوب التصنيع اللي ظهرت معاكم ؟
و هل نسبتها كتيرة ؟
أفيدونا أفادكم الله
و شكرا لكل من يشارك
بُص يا دكتور أشرف ......... هو مفيش عيوب تصنيع .......و لكن فيه عيوب تقفيل .
عيوب التصنيع دي ممكن تظهر مع أي عربية و بيتم تغيير أي حاجة فيها عيب تصنيع في الضمان .
إنما عيوب التقفيل اللي الناس بتتكلم عليها هي حاجات بسيطة إنما مكنش المفروض تعدي في أختبارات الجودة عند خروج العربية ...
زي حاجات تلاقيها مش مربوطة كويس ........لمبة الصالون مثلا .....
حاجات هايفة جدا في أغلبها و لا تؤثر على العربية في شئ .