فرحة طاغية حصلت امبارح في شوارع مصر
بالرغم من اننا لسة متأهلناش لكاس العالم و لسة هتتلعب مباراة فيصل
يعني فرصتهم زي فرصتنا لا ازيد ولا اقل فياريت بس محدش يبالغ في الفرحة و التفاؤل
لان لسة في مباراة تانية " علي ارضية ملعب سيئة " و ربنا يستر
لاني لسة علي رأي اني متأكد من عدم وصولنا لكأس العالم
و ادينا شوفنا امبارح محدش من اللاعيبة كان في حالتة
المهم ربنا يستر
و الخوف من المقولة "من يفرح اخيرا يفرح كثيرا "
و اللي فاكر ان السودان هتشجعنا يروح يشوف المنتدايات السودانية
حضرتك متشااااااااااااائم اوي ليه كده ؟!!!
مش حضرتك برده الليكنت متاكد اننا هش هنكسب امبارح وقعدت تحبط فيناااا
امبارح اللعيبه حتي لو كانا مش في حالتهم حضرتك لازم تراعي انهم بشررر وانهم فعلا كان عليهم ضغط رهيييييييييييييييييييييب علي عكس الجزائر اللي بتلعب ببرود اعصاب ورخامه وقله ادب كمان واديك شوفت اي لمسه يقعوا في الارض ويضيعوا في الوقت(كعادتهم معانا) والحكم كان مظبطهم وعلي طول فاولات ولذلك الحمد لله بتوفيق من ربنا قدرنا نكسبهم
وعايز اقولكحاجه علي الرغم من ان اللعيبه كانوا مش في حالتهم وعمللوا اخطاء كتير بس انا كنت قاعد وحاسس ان فيه جون هيجييي ي اخر دقيقه والحمد لله ربنا مخيبش ظننا
وفيه ناس كتيير امبارح عمالين يشتموا اللعيبه كل ما كوره تضيع ولا غلطه تحصل بدون ما حد يفكر انهم في ضغط كبير عليهم فعلا
فياريت حضرتك تتفائل شويه في حياتك كلها بغض النظر عن الماتش
وطبعا عندك حق في اننا منتغرش ونركز ان شاء الله في الماتش القادم بس برده نفرررررررررح
كفايه بقه تشااااااااااؤم
هقول لحضرتك على حاجة ..
احنا مقربناش لكأس عالم اوى كدة من ساعة سنة 89 .. كنا كل مرة بنطلع بدرى بدرى ..
فدة سبب الفرحة ..
اما سبب الفرحة "الزايدة شوية"
هى ان الجزائر كان جاى اساسا و شبه متأهل و داخل الماتش كسبان بجونين .. فان احنا نعمل المطلوب فى ماتش مهم .. دى حاجة جديدة على منتخبنا :)
اما بقا سبب الفرحة "المفرطة" ..
هى ان احنا كنا كلنا فاكرين ان احنا خلاص خسرنا لما كان فاضل دقيقتين .. و الناس كانت قاعدة بتقول يا رب بعلو صوتها من قلبها .. و فجأة ربنا اكرمنا بجون فى الدقيقة الاخيرة .. فأدت الى حالة انفجار :)
اما عن ان احنا منتفألش اوى .. ليه ؟؟ .. هو احنا الهنلعب ؟؟ :C_laugh[1]:.. احنا نفرح زاى ماحنا عايزين .. المهم اللاعيبة هى المتتغرش :dontudear:
و ياترى ليه حضرتك متشائم كدة و متأكد ان احنا مش هنوصل ..
بالعكس دة انا حاسس فرصتنا كبييييييرة اوى
و ان شاء الله مصر فى كأس العالم 2010
:S_thum1[1]: هو ده الكلام تسلم يا كريم باشااقتباس:
المشاركة الأصلية كتبت بواسطة kareemhisham
هو حضرتك صاحب الموضوع اللى قبل كده "ومين قال اننا ممكن نجيب فى الجزائر جونين من غير ميدخل حاجة فينا"!!! وادينا عملناها بتوفيق ربنا
الكورة ملهاش كبير بس بالارقام مبارة الفيصل تعتبر اسهل من امبارح لاننا
-داخلين بنفس الاعصاب (مش زى ماتش امبارح هما كانوا جايين قبل الماتش معاهم جونين)
-مش محتاجين نتيجة معينة (اى نتيجة حتاهلنا واحد صفر اتنين واحد عشرة تسعة حتى متفرقش)
-لسه لاعبين وعارفين اخطائنا كويس وحنصلحها
- الجون وخط الوسط بتاعهم مش حيلعبوا واحنا حيرجع وائل جمعة وحسنى عبد ربه والاهم ابو تريكة يرجع لحالته.
وفى الاخر مدام ربنا وفقنا امبارح ممكن جدا يوفقنا يوم الاربعا ونعمل اللى علينا وبس
كلامك مظبوط بس الناس عندها أمل و ثقة في المنتخب ده ..
و إن شاء الله الفرحة الكبرى يوم الأربع ..
و على فكرة لما الاسيوين منتخباتهم بتتأهل بينزلوا الشوارع يفرحوا ..و كذلك الأفارقة ..و الأمريكان ..و معهم الأوروبيين ..
بصرف النظر هما أغنياء أو فقراء ..متقدمين أو متخلفين ..
عشان الناس بس اللي مش عاوزة تفرح و لا غيرها يفرح كمان
قبل الماتش: رابح سعدان
بعد الماتش: خاسر زعلان
من إبداعى الشخصى ... من الأول بنقول
انا نفسي أعرف بس إنت متشائم ليه .. كنت مش مصدق إن هنكسب و كسبنا
بس هرد عليك بالحقائق برضه .. الناس فرحت إمبارح لأن الفريق حقق المستحيل
ماهو المستحيل ؟
كلنا بعد هزيمتنا من الجزائر في الجزائر قلنا مش مشكلة لسة التصفيات طويلة .. لكن كان فيه نقطة فاصلة و هي فوز الجزائر علي زامبيا في زامبيا .. ده اللي أحبط الجمهور و كل الناس بما فيهم الناس هنا في المنتدي و انا واحد منهم قلنا مبروك للجزائر و عالأقل هتصعد بنسبة 80% .
اللي حصل إن الفريق أخد ال 20% فرصة و لم يفرط فيها .. و كسبنا ماتشات بالعافية و بدعاء الوالدين لغاية ماتش إمبارح لما جه جون معادلة الجزائر في الدقيقة 96!
إنت عارف يعني إيه تخش ماتش مصيري و إنت مغلوب 2-0 مقدماَ .
اللي إحنا عملناه إننا خلينا ال 20% فرصة .. 50% 50% زي ما إنت بتقول .. و ده مش هين وسط إحباط الجمهور و رزالة الإعلام و الإحباط العام اللي كان في الجو و لكن الفريق لم ييأس لحد الدقيقة 96 في ماتش الجزائر .. و في الوقت اللي كانت الناس مشغولة فيه بهيستيريا الفرح .. بركات كان برضه لسة مش يائس إن نخلص الموضوع هنا و كان بيدور عالتالت .. و في عز فرحة الناس كان بيأنب نفسه إن الكورة مجتش صح مع إن كل الناس قالت رضا يا عم كدة فل أوي!
انا ماتش إمبارح عندي رغم إنه مش من أحسن الماتشات فنياَ للمنتخب إلا إنه أحسن عندي من 2006 و 2008 و ماتش البرازيل و ماتش إيطاليا مع بعض .. و يستحق كل الفرح .
و علي فكرة أرضية الملعب سيئة علينا و عليهم .
ههههههههههههههههههههههههه ههههههههههههههههههههههههه هههههههههههههههههههههههههاقتباس:
المشاركة الأصلية كتبت بواسطة emadkamel
جامده جدا
هو مش تشاؤم بالمعنى المفهوم.. هو بس استغراب من الفرحة الطاغية اللي حاصلة دي و لسه الموضوع ما اتحسمش.. أمال لو مصر صعدت فعلا لكاس العالم هانعمل ايه؟
الموضوع مش اكتر من وضع الأمور في نصابها الحقيقي و عدم المبالغة في الفرحة عشان لو لا قدر الله حصل عكس ما نتمنى، ما يبقاش الحزن برضه طاغي و ننكسر بعد ما كنا خلاص هانمسك النجوم بإيدينا.
انا مع صاحب الموضوع
المنتخب ما كانش ليه شكل واللعيبه كانت تايهه ؟
شفتم لاعيبة الجزائر كانت بتلعب ازاى ومقفلين ازاى
3 كانوا بيضغطوا علينا فى نص ملعبنا
لياقتهم حلوه ومهاريين جداا
فيه شكل وتكتيك بيلعبوا بيه لكن احنا طول الماتش قاعدين نرفع كور عاليه ومش عايزين نغير طريقتنا
بركات نزل مش عارف كان بيلعب فين ؟
نص ملعبنا كان فاضى وما كانش فيه ربط بين الهجوم والدفاع
الحمد لله على كل شىء وربنا يكملها بالستر فى ماتش السودان
الحمد لله على كل شىء
و الدليل علي الكلام ده مباراة أيطاليا و بعدها مباراة أمريكا , يا خوفي .....:U_thin1[1]:اقتباس:
المشاركة الأصلية كتبت بواسطة OlaOsman
المتشائمين بيشجعو مصر
واحنا مش معاهم...
الله يفتح عليكي يا علا بجداقتباس:
المشاركة الأصلية كتبت بواسطة olaosman
يا جماعة الخير
دي كورة ولعبة من ضمن حاجات كتير
ايوه لها جمع خفير من المشجعين ولكن في الأول والآخر حاجه ترفيهيه للمشجعين
مش اولويات حياة الناس يعني
اللي بيحصل ده دليل قوي جدا على حاجات كتير جدا لازم نعالجها بجد في مجتمعنا
ومش لازم اقول هيا ايه ولكن كل واحد يفكر جوه نفسه
هو المفروض الفرحة دي في فرحة اعلى منها او اقوى منها لسه ولا لأ
ولو فيه فرحة اقوى من كده للناس تبقى ليه وعلشان ايه ولمين والناس ساعتها هتعمل ايه اكتر من كده
كل واحد يسأل نفسه
ده لو اتكلمنا برده داخل مجال الكورة مثلا مش عارف لو اخدنا كاس العالم هنعمل ايه متهيألي المفروض بالمقياس بتاع الناس دلوقتي يبقى هلاقي الناس ماشيه بدون هدوم مثلا في الشارع ولا ايه مش فاهم ده اسمه تخبط بجد
مفيش حدود ووضع الأشياء في مكانها
فرحه تبقى بهبل وفجر وزعله تبقى بتقطيع ودبح
مشوفناش الكلام ده ايام غزة
ده اللي يشوفنا دبوقتي والله يقول يا سلام الكلام ده لو كان حصل ايام غزة
والله ده اسرائيل كانت عملت الف حساب وحساب للشعب بتاعنا لو طلع مثلا في الشوارع بالشكل ده غضباً على غزة
سبحان الله
قال رسول الله صلى الله عليه وسلم (( دعوها فأنها منتنه )) أي الجاهلية للتعصب القبلي
انا مصري وبحب مصر ولكن قبل ما اكون مصري فانا مسلم عربي مصري
وربنا يحفظنا ويهدينا كلنا وانا اولكم ان شاء الله
اولا دة مش تشاؤم لمجرد التشاؤم
زي ما بعض الأعضاء وضحوا دة , دة تهدئة للناس اللي فرحت اننا فزنا كأننا وصلنا كاس العالم و دي مش الحقيقة
احنا لسة موصلناش ولا حتي قربنا احنا لينا فرصة و للجزائر فرصة
زائد كمان اللي الواحد عرفة وشافة ان جمهور السودان مش هيكون زي ما احنا متخيلين
اما عن تأكدي اننا مش هنوصل كاس العالم هي دي وجهة نظري و ممكن اجزم ان دي الحقيقة و دي تعتبر وجهة نظر استنتجتها بعقلي مش بقلبي
الدافع النفسى عندنا اقوى من عندهم..... بس برضه المفروض نلعب بوعى و منطمنش قوى لان برضه هم دافع اليأس و الغل من اللى شافوه فى القاهرة ممكن يلعب فى صالحهم و يخليهم يستميتوا فى اللعب و الرغبة فى الفوز..... و افكركم اد ايه اللاعيبة بتاعتهم كانت اعصابهم بايظة من كمية الميس باس و الكور اللى كانوا بدل ما بيباصوها لبعض كانوا بيطلعوها اوت.....
بقى شئ آخر..... صحيح كرة القدم هى مجرد لعبة رياضية..... لكن الالعاب الرياضية هى حاليا الميدان الحقيقى للتنافس بين الشعوب..... وهى اشارة واضحة و قوية جدا على تقدم الشعوب..... و اسألوا الصين التى اعلنت و بوضوح ان القرن الجديد سيكون صينيا..... ليس فى ميدان معركة او مع تجارب لقنبلة نووية..... و لكن كان ذلك حينما فازت بالمركز الاول على جميع دول العالم فى الالعاب الاوليمبية الاخيرة..... و هى اشارة شديدة اللهجة لمن يعى تساوى فى قوتها الف تجربة ذرية.....
ينبغى ان نبحث لنا كشعب عن مصادر قوة و ميادين اخرى للانتصار غير الحروب.....
مصر وايطاليا
مصر وامريكا
الرجاء الاستعاد النفسى والبدنى لاعيبه حتى لاتتكر نفس الماساة
والجمهور يصبر شويه على الفرح
التاريخ بيقول ان مصر بعد الفرح الزائد بيكون فى هزيمه رخمة
يارب التاريخ لا يعيد نفسه
الكلام دة صح تماما و ياريت الناس تاخد بالها كويساقتباس:
المشاركة الأصلية كتبت بواسطة a_taamer
ياريت يركزوا و يفرحونا تاني
انا شايف ان سبب الفرحة الكبيرة هو اننا من ساعة ماتش الجزاير اللي خناك و احنا كنا فاقدين الأمل في التأهل لكاس العالم بنسبة كبيرة
الوقتي فرصتنا اتساوت مع الجزاير بعد معاناة
يا رب كملها علي خير