السلام عليكم
عاوز اعرف ايه الفرق بين 128 العاديه والنوفا وانهى احسن وهل هى هى قطع الغيار
انا معايا 20 الف ومحتار اجيب 128 ولا ميرا تسعينات بس صغيره اوى
ودى ان شاء الله هتبقى اول عربيه بس ناوى تقعد معايا فتره وكمان انا جديد فى السواقه
عرض للطباعة
السلام عليكم
عاوز اعرف ايه الفرق بين 128 العاديه والنوفا وانهى احسن وهل هى هى قطع الغيار
انا معايا 20 الف ومحتار اجيب 128 ولا ميرا تسعينات بس صغيره اوى
ودى ان شاء الله هتبقى اول عربيه بس ناوى تقعد معايا فتره وكمان انا جديد فى السواقه
وفى استفسار تانى هل عيوب 128 نوفا هى هى عيوب 128 العاديه ولا فى اختلافات ؟
الفرق بين 128 العادية والنوفا حجات بسيطة فى الميكانيكا الماتور فى العادى 1100 والنوفا 1300 او اى موديل فوق 1988 المتور 1300 بس نصيحة اخوية هات الميرا احسن لو حلتها كويسة هى انعم من 128 وشوف قطع غيار الميرا تكلفتها اية حتى لو غالية شوية هتكون كويسة عشان يبانى فبتكون معمرة
النوفا فيها متور قوي جدا
مفيش فرق غير الموتور والنقلات النوفا 5 نقلات العاديه 4 وفرق بسيط فى الشكل الخارجى فى الاكصدامات والفبر الى على الباب
والمشاكل طبعا موجوده فى اى عربيه مستعمله بس الفرق الحاله يعنى لو حاله نضيفه حتريحك كتييييييييير وخصوصا انت بتقول اول عربيه يعنى مش خبره اوى
ولو انت عاوز عربيه واسعه وعائليه وتنفع للسفر وقطع غيار متوفره ورخيصه وسهله الصيانه جدا حتى انت ممكن تصلح فيها بنفسك يبقى 128
ولو ميهمكش المساحه الواسعه واسعار قطع الغيار واستخدامك الشخصى يبقى الميرا كويسه
أنا معايا نوفا 97 ... الفرق كالتالي
- التابلوه مختلف ... لونه رصاصي وشكله أنا شايفه مقبول وأحلى من أي تابلوه 128
- في النوفا الموتور فيه 1116 سي سي وفيه 1300 والاتنين 5 حلوين وسحبهم جميل
- كيلبرات الفرامل والتيل غير الـ 128 العادي
- الاكصدامات قدام وورا مختلفة وكل موديل من أول 97 وانت طالع ليه ضوافر اكصدامات غير التاني (الضوافر هيا الحتة الفبر الي في طرف الاكصدام من الناحيتين) والموضوع ده رخم شوية لأنك صعب شوية تلاقيهم لو اتكسروا .. وسعرهم أغلى بكتير من بتاع الـ 128 العادي
- أكر الباب أسود ، وفي الـ 128 العادي نيكل
- الخلاصة إن فيه حاجات كتير مختلفة عن الـ 128 العادي في قطع الغيار ، بس تحس إنه رخامة بس مش أكتر
يعني عندي كان أتوماتيك المارش عايز يتغير لقيت شكله غير بتاع الـ 128 العادي وملقتوش هنا في المنصورة ، فاضريت أشتري مارش استيراد كامل
شكرا لردود حضراتكم انا كده هفكر فى الميرا احسن او كانشيل 99 اعتقد برده ممكن تبقى نفس رنج السعر او اكتر بحاجه بسيطه
الـــــ 128 موديل 88 وبس موديل أخر السنة 5 غيار أفضل سيارة فيات 128 لا قبلها ولا بعدها ....