شكرا على التنبيه
رقم العضوية : 97
تاريخ التسجيل : 23Apr2007
المشاركات : 11,050
النوع : ذكر
الاقامة : ManSOuRa
السيارة: coRoLLa 06
السيارة[2]: siRiOn 07
دراجة بخارية: ان شاء الله
الحالة :
ياريت الناس متروحشي ونشوف هيعملوا ايه
دي لعبه على الناس
انا كنت في الضرائب العقاريه من قريب
وسألت زميل لي مش اللي اقل من 500 الف مش هيدفع
قالي انت بتصدق الكلام ده
ما هو كله هيبقى اعلى من 500 الف وضحك
الأقرار بجد اللي عامله واحد .هشسطيطكبةتاس تكطكقل كمثقف
بس
انا بصراحه حاسس انها شدت رجل
انتم عارفين انهم ثلاث فئات أ و ب و ج
أ ده فئة الشوارع الرئيسية
لو العمارة بتاعتك على شارع رئيسي وقيمتها مثلا مليون جنيه فقط وده مش موجود حاليا
هتدفع 10% من قيمتها يعني 10 الفا جنيه في السنة يتقسموا على الشقق
يعني عمارة بــ 10 مليون يبقى هيدفع 100 الف جنيه
وهكذا
ربنا يستر انا مش مطمن بصراحه
عن أبي هريرة قال :
قال رسول الله صلى الله عليه وسلم :
إذا قال الرجل لأخيه :جزاك الله خيرا ، فقد أبلغ في الثناء
رقم العضوية : 996
تاريخ التسجيل : 17Jun2007
المشاركات : 1,565
النوع : ذكر
الاقامة : TANTA
السيارة: B.M.W. 318i model 2001
السيارة[2]: دايو لانوس 2003
الحالة :
شكرا على التنبيه
بدون توقيع
رقم العضوية : 50590
تاريخ التسجيل : 21Oct2009
المشاركات : 65
النوع : ذكر
الاقامة : Cairo
السيارة: none
السيارة[2]: Oksha
الحالة :
الفكره مش في تعاون الموظفين الفكره أنه القانون مخالف للدستور و غير منطقي. الضرائب يتم دفعها للأرباح و ليس رأس المال. الإستماره نفسها مستفزه جدا فيها اسئله زي شقتك بحري ولا قبلي؟ بطل على حديقه أو شارع رئيسي أو أرض فضاء؟؟ معنى كده أنه هتفرق يعني ممكن شقتين في نفس العماره و نفس المساحه واحده قبلي و التانيه بحري و بطل على جنينه يبقى يدفع ضرايب أعلى؟
يعني ليه الحكومه تجبرني أجاوب على أسئله زي دي؟ ناقص يسألوا إنت مرتاح و مبسوط في شقتك؟ و كلوا يتسجل على الكمبيوتر و يرفق برقمك القومي لمراقبة و متابعة و حصر المواطن. ده إللي فالحين فيه في إستخدامات الكمبيوتر: مراقبة وحصر و إحكام الخناق على الشعب و ليس سرعة الأداء و التيسيير على المواطن بدليل اللطعه في المرور و جميع المصالح الحكوميه بحجة "أصل الكومبيوتشر عتلان" و لازلت تقف في الخزنه و تستنى الموظف يكتب و يقطعلك الوصل الأحمر يعني الكمبيوتر أصبح إجراء زائد و مُعطل لأنه "بيعطل كتشير".
و لو قبلنا تطبيق قانون مثل هذا فبما أنك قبلت و ملأت الإستماره و تقدمت بها يبقى موافق من حيث المبدأ. صحيح السنه دي شقتك متسواش 500 ألف لكن هيقدروها بكام بعد سنه أو إثتنين؟ أو يعدلوا القانون و يبقى الحد الأدنى 100 ألف الفهلويه مش هتغلب و أسهل حاجه سن القوانين لحلب المواطن المطيع. و طالما قبلت المبدأ يبقى إستعد لقانون "ضريبة الكسوه" و إملا فورمه تانيه و قولنا عندك كام قميص في دولابك و كام جزمه و ألوانهم إيه و مين فيهم مريحك و تدفع ضريبه ثمن قميص لكل عشر قمصان لديك و لو جايب قميصين نفس اللون يبقى تقع تحت بند ضريبه الترفيه فلازم تدفع ثمن لباس و مش هيهدوا حتى لو الشعب كله باعه و مشي من غيره. و كل شئ محفوظ على قواعد البيانات و مرتبط بالرقم القومي من أجل الأمن و الأمان يا مان.
الإجراء السليم طبعا هو ملأ الفورمه و الدفع ثم الطعن بعدم دستورية القانون و لو كسبت القضيه ممكن فلوسك ترجعلك بعد كام سنه و ده أقصى طموح. في حين أنه العداله تقتضي بعد كسب القضيه يجب معاقبة و محاسبه كل فاجر ساهم بدفع هذا القانون لكي لا نستقيظ يوما على قانون عجيب أخر مثل قانون "ضريبة الكساء" الذي طرحته من قبل.
هذا القانون وصمة عار في تاريخ مصر و لوي ذراع للمواطن. شحاته ممزوجه ببلطجة السلطه. لن أعطيهم أي بيانات خليهم ينزلوا موظفين و ييجوا بنفسهم و حسبي الله و نعم الوكيل في كل حرامي.
الواحد محتل في بلده و بس نهلل و نقول القدس لنا يا عم لما تبقى مصر لنا الأول!
رقم العضوية : 32723
تاريخ التسجيل : 12Feb2009
المشاركات : 7,095
النوع : ذكر
الاقامة : Kuwait- Naser city
السيارة: Renault Fluence 11- Outlander 08- Murano 06- BMW X5 10 - BMW 740Li 06
السيارة[2]: Mitsubishi Pajero 10
دراجة بخارية: non
الحالة :
رقم العضوية : 97
تاريخ التسجيل : 23Apr2007
المشاركات : 11,050
النوع : ذكر
الاقامة : ManSOuRa
السيارة: coRoLLa 06
السيارة[2]: siRiOn 07
دراجة بخارية: ان شاء الله
الحالة :
الله يفتح عليك بجد
هو ده اللي عاوز اقوله
ان انت بتفتحلهم الطريق وانت متعرفش هما ناويين على ايه
ده غير فعلا عدم دستورية التهريج ده
ده بيقولك لو كشك موجود حديد ولا خشب ولا ألمونيوم
طيب ده ايه علاقة بالــ 500 الف جنيه الأعفاء
والله ده حسر لما سيحدث بعد ذلك كله هيدفع بعد كده
ده نظام جر رجلك انك تكتب ممتلكاتك وحاجاتك كلها بكل تفاصيلها
يا راجل ده بيحسب عدد الحمامات داخل الشقة
وغرفة البواب بتتحسب
ويقولك 500 الف جنيه ما تحتها معفى
طيب غرفة البواب هتبقى بكام ولا الكشك بكام ولو اوضه على السطح خشب عاوزك تكتبها كل حاجه هتتكتب
وبعد كده تعالى نتحاسب
يا جدعان ياريت يكون في وقفة للموضوع ده
انا على فكره جبت الأقرارات بس لم املأها لحد الآن ومتخوف بصراحه منهم
عن أبي هريرة قال :
قال رسول الله صلى الله عليه وسلم :
إذا قال الرجل لأخيه :جزاك الله خيرا ، فقد أبلغ في الثناء
رقم العضوية : 19789
تاريخ التسجيل : 21Sep2008
المشاركات : 1,001
النوع : ذكر
الاقامة : طنطا
السيارة: مفيش
السيارة[2]: تويوتا ياريس
دراجة بخارية: لا
الحالة :
مش رايح واعلي مافي خيلهم يركبوه
ودكر الي يقرب لبيتي
رقم العضوية : 50590
تاريخ التسجيل : 21Oct2009
المشاركات : 65
النوع : ذكر
الاقامة : Cairo
السيارة: none
السيارة[2]: Oksha
الحالة :
هما مش محتاجينك تملأ الاستماره عشان يتفتحلهم الطريق لأن الطرق (و البلد كلها) بالفعل مفتوحه على البحري أصلا. لأن الشهر العقاري موجود و السجلات موجوده و كله مرتبط بالرقم القومي (ماهو ده الهدف الأصلي و الوحيد من الحكومه الإلكترونيه). لكن بدل ما يعينوا موظفين لإدخال بيانات من الشهر العقاري و غيره من الجهات المسجل بها أي عقار لديك (من شركة الكهربا يقدروا يعرفوا كام شقه من العداد و وسائل أخرى مش هيغلبوا) و يخلوا الموظفين دول يستخلصوا من واقع الأوراق الرسميه مواصفات عقارك و موقعه و إتجاه الريح التي تهب عليه ثم إدخالها في قواعد بياناتهم بدقه و كل هذا يحتاج لناس ذات قدرات و دقه معينه يعني مزيد من المصاريف و التعيينات على عبء الحكومه. فيأتي واحد من عصابة الفهلوه ويقول:
كده اللي هنلمه من الناس أكتر من نصه هيضيع بسبب تشغيل عماله أكثر و أكفأ. ده غير الوقت اللي هيضيع و إحنا محتاجين فلوس كتيــــر و بســـــرعه! طب ليه تدفع أكتر لما ممكن متدفعش حاجه خالص؟ إحنا نعمل إستماره فيها خانات عن كل المعلومات المطلوب حصرها و نخلي المواطن يملاها بنفسه و كده يبقى سخرناه يشتغل لحسابنا ببلاش و لو غلط في المعلومات يبقى لا يلومن إلا نفسه دي لوحدها تهديد كافي يخلينا نستخلص البهاريز. و يبقى الموظفين مجرد لإدخال بيانات و بس. و كل شويه ندي الشعب أخر مهله و إنذار تاني أخير. نرعبهم زي ما عملنا في شنط الإسعاف و المثلث. و كده يبقى وفرنا وقت و فلوس. و القله القليله اللي مش هتستسلم و ترفض التعاون معنا نبقى نعين بقى شوية فنيين و" نشكل لجنه" لمطاردتهم و اهو يبقى لمينا حبه حلوين من الغالبيه العظمى و دي القاعده العريضه حسب الإحصائيات و سابق تجاربنا مع الشعب يا فندم.
- فهمت. قصدك:
"Let the citizen do the dirty work and be his own slayer"
- بالظبط يا فندم. هو فريق سلاير ده بتاع الهيفي ميتال.
و عشان نحافظ على" مظهرنا الحضاري" و "حكومتنا الإلكترونيه" و عصر" ثورة المعلومات" نبعت لكل مواطن رساله قصيره على موبايله نشكره على إخلاصه و نطمنه برساله شيك زي مثلا:
مبروك يا مواطن عجبنا عقارك
و فزت في السحب فتم إختيارك
لتدفع لنا بناء على خطابك
مبلغ كـذا و بلغ جيرانك
و لو رفضت الدفع جنابك
سنضطر أسفين لإحتلالك
و التحفظ على أموالك و ممتلكاتك
- فكره هايله. خلي كل مطبعه في مصر تطبعلنا 1000 إستماره و قولهم دي ضريبة التلوث البيئي و الضوضائي من جراء تشغيل مكنات الطباعه.
- يا فندم و الرسائل القصيره مين يتحمل تمنها؟
- كل اللي شاري موبايل ثمنه معدي الألف جنيه يدفع ضريبة ثمن 100 رساله قصيره .
- تمام يا فندم.
- كل شـــــئ مدروس.
(فيلم" لصوص لكن رؤساء" )
رقم العضوية : 50590
تاريخ التسجيل : 21Oct2009
المشاركات : 65
النوع : ذكر
الاقامة : Cairo
السيارة: none
السيارة[2]: Oksha
الحالة :
في الإتحاد قوه. ولازم نضع حد للمهزله دي. عن نفسي عندي
إستعداد أدفع ضعف الضريبه العقاريه في محاربة هذا القانون لأن مبدأ أن أصف شقتي للحكومه (و هواها بحري ولا قبلي ولا خليجي) مرفــــــــوض.
لو عملنا كلنا مع بعض رد فعل قانوني وعاقل (عشان ميجوش يقولوا القبض على تشكيل عصابي للتهرب من دفع الضريبه العقاريه الجديده. أصل إللي إختشوا ماتوا.) أعتقد هيلغوا الفكره السخيفه دي زي ما لغوا فكرة: الإنترنت الغير محدود يبقى محدود
رقم العضوية : 22719
تاريخ التسجيل : 20Oct2008
المشاركات : 3,543
النوع : ذكر
الاقامة : Egypt
السيارة: none
السيارة[2]: Accent rb
دراجة بخارية: none
الحالة :
سؤال جه فى دماغى دلوقت.... هو على اى اساس يتم تقدير سعر الشقة؟ و هل لو مكتوب سعرها فى العقد ينفع ده كأساس لتقدير سعرها و لا ايه بالظبط؟
رقم العضوية : 48324
تاريخ التسجيل : 29Sep2009
المشاركات : 2,139
النوع : ذكر
الاقامة : Giza
السيارة: zaza
السيارة[2]: Black Lanos 2001 Full
دراجة بخارية: zaz
الحالة :
يعنى مش عارف اقول ايه
ارحمنى يارب برحمتك
الواحد بيدفع ضريبة للعربية علشان بتتنيل تمشى فى الشارع
انما ادفع ضريبة لبيتى ليه
ده حتى الواحد بيسيب جزء من الارض علشان الشارع
وفى الاخر يقولك الاتاوة ده لمصلحتك اولاً
ده لمصلحة الحرامية الكبار اصحاب المرتبات الفلكية والشعب
ياكل زلط والميزانية لاتسمح وبتنجان
حسبى الله ونعم الوكيل
المفضلات