الموضوع: رحت عملت اقرار الضرائب العقارية

المشاركة الأصلية كتبت بواسطة ahmed4000

وبرده حرجع واقول لما شقتى تبقى ب500 الف جنيه وادفع 150 جنيه فى السنة يعنى 12 جنيه فى الشهر..ولا حاجة

مش حنقعد نقول عايزين تعليم كويس وطب افضل وطرق افضل ولما يجوا يلموا فلوس نرجع فى كلامنا

لو حياخدوا فلوس بالمعقول اهلا وسهلا

يا باشا مع كامل احترامي لحضرتك، بس شقتي اللي بــ 500 ألف دي مابتدخليش ربح عشان ادفع عليها ضريبة، بالإضافة إلى إني مادفعتش فيها الرقم ده ... ممكن أكون شاريها بـ 100 ألف مثلاً ونتيجة التضخم الغير طبيعي في السنوات الثلاثة اللي فاتوا سعرها وصل للرقم ده ... طب أنا ذنبي أيه؟؟

بالإضافة إلى اني ساعة ما ربنا رزقني المبلغ اللي دفعته في الشقة دفعت الضرايب المستحقة عليه

يبقى مطلوب مني دلوقتي إني أدفع فلوس كل سنة عشان أعيش في شقة ملكي اشتريتها بفلوسي اللي دفعت عليها ضريبة دخل قبل كده؟؟؟ طب لو ماعنديش فلوس دلوقتي اروح اقعد في الشارع؟ ولا اروح اشحت على باب الضرايب عشان يعملوا لي شهادة فقر؟؟؟

للأسف القانون بتاع الضريبة العقارية ده هايشجع على استمرار نمو المناطق العشوائية أكتر لأنها بطبيعة الحال هايكون تقييمها أقل من حد الضريبة وبدل ما نشجع على رفع مستوى الناس بيحصل العكس

آسف أرفض هذه الضريبة

ومنهم لله أعضاء مجلس الشعب اللي وافقوا عليها

المشاركة الأصلية كتبت بواسطة emsadeck

يا باشا مع كامل احترامي لحضرتك، بس شقتي اللي بــ 500 ألف دي مابتدخليش ربح عشان ادفع عليها ضريبة، بالإضافة إلى إني مادفعتش فيها الرقم ده ... ممكن أكون شاريها بـ 100 ألف مثلاً ونتيجة التضخم الغير طبيعي في السنوات الثلاثة اللي فاتوا سعرها وصل للرقم ده ... طب أنا ذنبي أيه؟؟

بالإضافة إلى اني ساعة ما ربنا رزقني المبلغ اللي دفعته في الشقة دفعت الضرايب المستحقة عليه

يبقى مطلوب مني دلوقتي إني أدفع فلوس كل سنة عشان أعيش في شقة ملكي اشتريتها بفلوسي اللي دفعت عليها ضريبة دخل قبل كده؟؟؟ طب لو ماعنديش فلوس دلوقتي اروح اقعد في الشارع؟ ولا اروح اشحت على باب الضرايب عشان يعملوا لي شهادة فقر؟؟؟

للأسف القانون بتاع الضريبة العقارية ده هايشجع على استمرار نمو المناطق العشوائية أكتر لأنها بطبيعة الحال هايكون تقييمها أقل من حد الضريبة وبدل ما نشجع على رفع مستوى الناس بيحصل العكس

آسف أرفض هذه الضريبة

ومنهم لله أعضاء مجلس الشعب اللي وافقوا عليها

للأسف ده حال كتير مننا
يعني على سبيل المثال
كام اسرة مصرية كانت في الخليج وحوشت قرشين لها ولما رجعت مصر بنوا عمارة لأولادهم وخلصوا فلوسهم او بمعنى آخر ان معنهدمشي دخل يدخلهم فلوس بالمنظر ده تاني
طيب العمارة وخلص فلوسه عليها
طيب ايه مشكلته دلوقتي انه يدفع مبلغ محترم كل سنه
طيب افرض ولاده كل واحد طلع وكبر لقى لنفسه شقه وهو لسه مشتغلشي او شغله مش اد كده انه يدفع الضرائب دي
يعمل ايه
يروح يبيع العمارة بتاعت ابوه اللي طفح لحد ما عرف يعملها ولا ايه بالظبط
الناس دي من الآخر مش عايشه معانا بجد والله
مش عايشين مع الناس نهائي
على فكره المثال ده موجود منه كتير جدا جدا في مجتمعنا
اللي دفع اللي حيلته في عمارة لأولاده وخلاص مالوش اساسا دخل كبير يخليه يدفع كل الكلام ده

المشاركة الأصلية كتبت بواسطة ahmed4000

طيب وليه بتدفع ضريبة سنوية للعربية..هى العربية بتدخل ربح؟

مع احترامي لرأي حضرتك
بس العربيه مش زي الشقة
العربيه لها بديل وليست من أساسيات الحياة فهناك مواصلات
اما الشقة ليس لها بديل نهائي الا الشارع انت واولادك وده مستحيل
في فرق كبير بين الأتنين