فين بالظبط المكان اللى فيه "امان" بره ؟
عرض للطباعة
حالياً انا مقيم في هونج كونج، من آامن الاماكن في العالم و اقل نسبة جرائم، الناس بتتلكك علشان تساعدك، ذوق و ادب لا يمكن وصفه، بالاضافة لاجمل ميزة في هونج كونج: ندرة وجود العرب
و يكفي اني اقولك اني كان عندي قرايبي من استراليا، و استغربوا جدا لما اتلقونا بنسيب عربيات اطفالنا في اي مكان و عليها شنطنا و نرجع نلاقيها في مكانها بدون ان تمس، و قالولنا ده استحالة يحصل في استراليا
ده ما يمنعش اني سافرت بلاد تانية كتير و اتعلمت حاجة مهمة، ابعد تماماً عن احياء و مناطق المهاجرين و انت هتحس باحساس متواصل بالامان
دى غلطت اللى عنده عربية ويروح بيها الاستاد وربن يخليلنا مصر
والمنتخب يبقى يصلح العربيات دى من المكافأة اللى هيخدها
حسبى الله ونعم الوكيل
يخرب بيت الكورة اللى تخلى الناس بالمنظر ده شعب فعلا محتاج اللى يديله بالجزمة
ليه بتقول كده يا اخى الكريم ؟اقتباس:
لاجمل ميزة في هونج كونج: ندرة وجود العرب
صدقني يا اخي الفاضل، ان اسوآ ناس ممكن تقابلهم بالخارج هم العرب، و انا لا اقصد المصريين، و لكن العرب بمعظم جنسياتهم، و اسأل اي مصري عن الموضوع ده، يكفي ان المصري (سواء يعرفك ولا لأ) بمجرد ان يشوفك ماشي مع مراتك يحط عينه في الارض لحد لما يعدي، بعكس العرب (زبااااااالة)
-------------
مافيش كلام
انما الامم الاخلاق ما بقيت فان هموا ذهبت اخلاقهم ذهبوا
للاسف بقى هو ده حال البلد
اللي يعمل الصح يروح ورا الشمس
واللي يعيث في الارض فسادا بكرة يمسك منصب كبير
للأسف انا متشرفتش باسمك...اقتباس:
مهندس احمد... معلش، بس اسلوب تقبل ده علي اختك و مراتك، و بالرغم انه اصبح منتشر جدا في اي حوار، الا انه مش مقبول بالنسبة لي نهائياً، و لولا اني اعرف انك بتقوله علي سبيل التعود، و احتراماً للاخوة المفترضة بين اعضاء المنتدي، كان ممكن يكون ردي غير كده....
اولا قبل اى كلام انا بعتذرلك ان كنت ضايقتك بكلامى ولكن انا مقصدش اشخاص بعينها طبعا احنا جميعا اخوة وهن اخوات لى ومقصدش اساءة لهم ابدا ابدا وانا بعتذر مرة تانية
انا كل اللى اقصدة ان فى ناس بتبقى فرحانة وواخداها نوع من المنظرة وهم رايحين الاستاد ومعاة واحدة صاحبتة ولا واحدة من الشارع ولا اى حاجة ..... وطبعا كلنا عارفين اية اللى هيحصل مع الزحمة والبهدلة اللى هناك وبالفعل اصحابى كانوا فى الاستاد امبارح وشافو من المواقف دى وبالذات الدرجة التالتة !!
المهم ان اى انسان من دول لو راجل فعلا واللى معاة دى انسانة بيحترمها وليها قيمة عندة هيحافظ عليها ويحاول بقدر الامكان انة يحميها من اى مضايقات او شبهات حتى لأنة مش هيقبل ان اى حد يتكلم عليها كلمة مش تمام
عمرة ما هيبقى فرحان وهو شايفها لابسة مش عارف اية وواقفة ترقص فى وسط الشباب فى الشارع
ولا مش معايا؟؟؟...
اكيد الناس دى مش هتفرض رأيها لأن ببساطة الناس دى ملهاش رأى ولا فكر ولا اى حاجة وبالطبع انا مسلمتش لفكرهم وفكرهم مرفوض تماما وزى مافى ناس من النوع دة فى بردة ناس كويسيناقتباس:
ثانياً: لما قلت الناس دي هتحكم مصر، لم اقصد نهائياً ان السيد حمبوكشة هيكون رئيس جمهورية مصر القادم، و لكني قصدت انه سيد حمبوكشة سيفرض اسلوبه و فكره علي المجتمع و الشارع المصري، و الدليل انك كرجل علي درجة عالية من التعليم الجامعي (مهندس) بدأت في التسليم لفكر هولاء، و كأنه اصبح من الطبيعي و المسلم به التحرش بسيدة او فتاة في اي مكان مزدحم، و كأن مصر اصبحت محمية طبيعية لحيوانات مفترسة و علي بابها لافتة احترس من الكلاب السعرانة. و صدقني اخي الفاضل، اني لا ادعي شرف امتلاك الحل او الشجاعة في مواجهة هولاء، فانا من الناس اللي ما بتحاولش الخروج مع زوجاتهم او بناتهم بدون سيارة، و اختيار اماكن الخروج بدقة متناهية، و العسكرة بالمنزل في ايام الاعياد...الخ (ده لما كنت في مصر).
بس تعالا نفكر بالراحة , انا اية اللى يخلينى اوصل لمستوى الناس دى ؟؟..احتك بيهم لية؟ ... انا مقدرش احكم على اخلاق اللى ماشيين حواليا فى الشارع اكيد فى منهم الكويس وفية الوحش يبقى لية احط نفسى فى موضع شبهة لية اخلى اى حد ملهوش لازمة ايا كان انة يتكلم او يبص بصة مش كويسة
انت نفسك وانت انسان محترم ومتعلم ومثقف لو شفت بنت عمالة ترقص فى وسط الشارع اكيد مش هتقربلها ولا هتعملها حاجة بس نظرتك ليها هتبقى ازاى ؟؟ هل ممكن تقول انها انسانة محترمة من بيت محترم؟؟
وبلاش نقول المظاهرات وتنظيم البنات للمظاهرات لأن على الاقل الناس اللى عاملة مظاهرة ليها هدف ورسالة من ورا المظاهرةوبالطبع مش هنلاقى اى حد من الاشكال اللى اتكلمنا عليها دى فى مظاهرات لأن بالطبع لايوجد هدف ولا تفكير ولا اى شئ
واحتفالات الكورة والتشجيع منتهى العشوائية وبدون هدف وهتلاقى اشكال من كل حتة وبالتالى متستبعدش اى حاجة تحصل
زى الكلاب فى الشارع ارمى بس حتة عضمة هتلاقى كلاب الشارع كلها اتلمت واتخانقت مع بعض عليها !!
مش معنى كدة ان احنا هنقعد فى البيت علشان شوية اشكال ضالة لأ بس فى اصول ودين .. احاول انا مروحش للمشكلة بنفسى
لو اتكلمنا فى النقطة دى بالذات هنتكلم كتيير , هنتكلم على قلة اخلاق ودين وتربية وظروف اقتصادية منيلة وانعدام الامن و................................اقتباس:
و الله لا اخفي عنك مدي دهشتي في كل مرة اسافر بها الخارج، و خاصة بعد استقراري خارج مصر، كان دايما يدور بذهني: سبحان الله احنا ماشيين كده في الشارع علي رجلينا عادي ؟؟ محدش ليه دعوة بينا ولا بيبص علينا، ناهيك عن الاحساس المتواصل بالامان، و الله بشوف سيدات و فتيات ماشيين في الشارع لوحدهم في اوقات متأخرة جداً بدون ان يجرؤ مخلوق واحد ان يتعرضلهم حتي و لو بنظرة.....
كفاية كده، علشان انت قلبت عليا المواجع كتير و لو فتحت في الكلام مش هخلص النهاردة
وانت شكلك زهقت من الكلام وانا بنام وانا قاعد وشكلى مش هصحى للشغل بكرة :)))
انا بكرر اعتذارى وارجو انك تتقبلة
والله يا جماعه انا ساعات بتمنىىىىىىىى ان مصر تخسر بسبب المواقف اللى بنشوفها فى الشوارع ..
الله يكون فى عون أصحاب تلك السيارات
انت حر طالما لا تضر
يقص السقف ويقلبها كابورليه :POINTI~2[2]:
مهو طالما فوسط همج لازم يدفع الضريبه .. ومع احترمى عنده شلل اطفال ورايح الاستاد فيوم زى ده .. ده الناس الاصحاء معظمم قعد فى البيت عشان يستمتع وميبهدلش نفسه :brn:
حصل خير .. وقدر الله ماشاء فعل .. ولا حول ولا قوة الا بالله
وارقص ياحضرى
طبعاً ده أسلوب وأفعال ناس همج لايقدرون المسئولية وحرام عليهم.ربنا يعوض أصحاب العربيات دى.
ملحوظة صغيرة:ايه علاقة عنوان الموضوع بمحتوى الموضوع؟:majd(4): هو المنتخب فاز علشان الناس الهمج دول كسروا العربيات؟
الإحتفالات بعد المباراة عندنا كانت ضحيتها bmw 316 موديل 96 الكبوت إطبأ و أنا أنقذت المرايا الى كانوا ساندين عليها أكنها سور
و بردوا حاجة معجبتنيش عربية نص نقل كان صاحبها واخد مراته عن دكتور و هو مروح معدى و سط شارع فيه ناس طلعوا كلهم على العربية هو خد الموضوع بصدر رحب و خد بيهم لفتين و بعدين خدهم فى شارع ضلمة و بعيد
حسبنا الله ونعم الوكيل ربنا ينتقم منهم
وانا كنت زعلان انهم سرقوا مني العلم كنت معلقه برة وسرقوه في منطقة اربعة ونص على طريق السويس - الحمد لله جت على كدة
ربنا يعوض على اصحاب العربيات بجد حاجة تخلي الواحد نفسه تتسد عن الفرحة يعني اصحاب العربيات دول اكيد طبعا قضوها نكد!!! دانا اتنكدت لما العلم اتشد
ربنا يستر على المصريين
الكورة بقيت هيا الامل الوحيد اللى ممكن يخليهم يتحركوا و يتوحدوا
بس حتى فى الفرحة مبنعرفش نفرح لازم نأذى بعض
انا كل لما بشوف و بسمع الحاجات اللى بتحصل ديه بقلق على اولادى
لما جيلنا شكله كده الجيل القادم هيكون عامل ازاى و هو متربى وسط المجتمع الغريب ده
حسبنا الله ونعم الوكيل
ربنا يجازي فئه الرعاع اللي بقيت مليه البلد
استأذنك يادرش اني انزل الصور على الفيس بوك عندي (مع ذكر المصدر ) لان الموضوع ده لازم ينشر ومش لازم يتسكت عليه
لا حول ولا قوة الا بالله
حرااااااااااااااااااااام بجد مش لاقى حاجة ققلها غير ربنا يكون فى عون اصحاب العربيات ديه بجد
شعب 7000 سنة حضارة .... إشاعة سمجة
التحضر دا شئ غائب ومنفى من سلوكيات "الشعب"
حتى لو فى طباع بعض "الأفراد" تحضر ، لكن كشعب الحال طين وفعلا زى ما قلتم اللى حصل دا سلوك يجمع بين سلوك الهمج والحيوان
لا حول ولا قوة الا بالله , شعب غير متحضر بتاتا
ربنا يجزيهم يارب وحسبي الله ونعم الوكيل