الموضوع: الحقيقة وراء فوز منتخب مصر .!

الحقيقة وراء فوز منتخب مصر ..

رحت امبارح عند الاستاد و معرفتش ادخل و لجئت زى الاف المشجعين عند ارض المعرض عند شاشة ليبتون العملاقة لاتابع المباراة مع اصحابي ..

شاشة ليبتون كانت محطوطة على عربية عملاقة برده فى جراج ارض المعرض ..

كان فى عربيات كتيرة راكنة هناك , كل الانواع و الماركات .

قبل بداية المباراة بساعة كانت الجماهير توافدت على المكان بكثرة عجيبة و طبعا كله عايز يتفرج .

ابتدوا شباب يطلعوا فوق عربية ماهيندار و يقعدوا على السقف و الكبوت و يشجعوا , فى البدايه كله كان فاكر ان دى عربيتهم و هما حرين ان شاء الله يكسروها حتى هما احرار .

و لكن قبل بداية المباراة بربع ساعة كله كان عايز يحجز مكان كويس علشان يتفرج و لكن للاسف كان كله اكتمل فكل الناس لجئت للجلوس فوق العربيات و مع اول هجمة لمصر ابتدت الجماهير تقفز فوق العربيات و ابتدت العربيات فى صد الهجمات من المشجعين ..

كان فى نسيان صنى واقف فوقها 25 فرد و صمدت لمدة نصف ساعة و بعدها انهار سقفها فقط !!

بجوارها تويوتا ياريس نبيتى فوقها 20 فرد مع التشجيع و القفز لم تصمد طويلا فاصبحت متدمرة تماما زجاج و مرايات و سقف و سماعات و كل شيء اتدمر .

ثم تاتى البقية ( مازدا 3 & لانسر بومة & 128 & لادا & الماهيندار & ...الخ ) .

اصحاب هذه السيارات كانوا فى الاستاد و لم يعرفوا شيء عن هذا الحدث , لانهم ببساطة ركنوا فى الساعة الحادية عشر صباحا و بيقولوا انهم دفعوا 7 جنيه لانه باركينج عمومى تبع الحكومة .. و لما خرجوا من المباراة وجدوا سيارتهم هكذا ..





طبعا دى صورتين قبل ما يخرجوا اصحاب العربيات و ده الدليل اللى ممكن يستفيدوا بيه لكن للاسف كلهم كانوا منهارين من المنظر فمحدش كان فى وعيه ..

لسه عندى صور العربيات بعد المباراة عاملة ازاى لكن للاسف النت عندى سيء جدا النهارده فمقدرتش ارفع غير دى , لما يتحسن ان شاء الله هكمل لكم الباقى ..



حد عايز يضيف حاجة :) ؟!