يارب نخسر
الى السادة المسئولين عن جمهورية مصر العربية برجاء سحب المنتخب المصرى من المبارة حفاظا على ارواح الكلاب (أسف المواطنين) المصريين بالخارج
الله يخرب بيت أبو الكره اللى ممكن تعرض أى مصرى أو حتى أى انسان لكل اللى بيحصل ده
والله انا الاول كنت بقول زى الناس وبشتم وبتريق لكن دلوقتى انا خلاص اعصابى باظت - للعلم انا مليش اى حد فى الجزائر - لكن مع الفارق اللى هناك دول اهلى واخواتى اللى معرفهومش - لازم اعمل اى حاجة تنجدهم حتى لو كلمة
عارفين ان العلاقات الدولية شئ معقد جدا وحساس جدا - بس ولادنا اهم من كل شئ
فى مره احد المشرفين قال ان الموقع بتاعنا تحت اشراف جهات حكومية وكل كلمة بتتكتب بتتراجع
احب أوجه كلامى للأخوه المتابعين من جهات حكومية - بعيدا عن الكرامة وسيادة مصر وعدد سكان مصر اللى اكبر من الجزائر وأقتصادنا اللى اكبر وجيشنا اللى اكبر والخدمات اللى قدمنها لشعب الجزائر الشقيق جدا جدا - ابوس ايديكم انسوا كل الكلام ده - مش عايزين كرامه ولا زفت عايزين ولادنا يرجعوا سالمين الى بلدنا مش اكتر من كده - انا تخيلت ان ابنى هو اللى فى الجزائر والله العظيم مجرد التخيل فقط حرق دمى وكنت هاموت من الحزن
ارجوكم المواطن المصرى اللى انتوا بتعتبروه دائما عبأ عليكم هو الثروة الحقيقية - مش هاقارن نفسى بأى مواطن تانى ولا هاقارن بلدنا باى بلد تانية - لكن اللى بيحصل ده فوق الوصف لما مواطن مصرى يحصل له مشكلة مع اى مواطن من أى بلد تانية هنا فى مصر من حق كل مسئول انه يطلع عينه وعين أهله !!!!! ليه لأن ده القانون هنا وانا راجل بحترم القانون - لكن مش أكتر من 2000 شخص يعنى بنتكلم عن 2000 عائلة بتتدمر والمشكلة ان مالهومش اى ذنب غير انهم مصريين - الناس قاعد فى بيتها وبيأتى لها كل المصائب لمجرد انه مكتوب فى جواز السفر فى خانة الجنسية مصرى
انا حاولت كتييير انى اسكت - انا مش سياسى ولا اديب ولا اى حاجة من البطيخ اللى الناس وجعت راسنا بيه - لكن صدقونى انا مصرى وبحاول انى اكون بنى أدم ليس أكثر ولا أقل
وفى النهاية يا رب مصر تخسر يوم الاربعاء ان شاء الله - يارب اخوانى المصريين - يارب اخوانى المصريين - يارب اخوانى المصريين - يارب اخوانى المصريين - يارب اخوانى المصريين - يارب اخوانى المصريين - يارب اخوانى المصريين - يارب اخوانى المصريين - يارب اخوانى المصريين
المفضلات